Efesios 5:25 - Manityanati Tupax

²⁵ Tapɨ axaño mañoñɨnka, tari aukuasɨrɨ aume naukɨposɨ, takana nikuasɨrɨkɨxɨma ɨmoti Cristo axɨbama ikokoromati, toxioityo uiti nisɨborikixhti tyakuma.

Manitanati Tuparrü

²⁵ Tapü arraño mañoñünca tiene que aucuasürü aume naucüposütaiqui, tacana ito nucua ümoti Cristo. Ta arrti ichübotiyatai aconti otopiqui.

Efesios 5:25 Referans Kwoze

1 Pedro 3:7

Tapɨ axaño mañoñɨnka, axɨbama tɨposoma, tari taruku naupukɨru tyaku naukɨposɨ, axaño tɨtusiu aume axɨna naukɨposɨ chisiupɨ niyupasɨux takana axaño, axti Tupax ɨriotɨ tɨkañe uiti ñome axɨna champɨ nityakɨru niyosɨborikixh. Axtɨ apisamute sane, onsapetioti Tupax nameanka.

Colosenses 3:19

Mañoñɨnka, tari aukuasɨrɨ aume naukɨposɨ apasamunau ñome.

Efesios 5:28

Axti ñoñɨnx tari kuasɨrɨ ɨmoti nikɨpostoti takana nikuasɨrɨkɨ nikɨtɨpɨxtiatoe ɨmoti. Tyopiki naki kuasɨrɨ ɨmoti nikɨpostoti kuasɨrɨti ɨmotiatoe.

Efesios 5:33

Axtɨ sane, tari taikianati taman akuasɨrɨ ɨmoti nikɨpostoti takana nikuasɨrɨkɨxti ɨmotiatoe, tari axɨna paɨx tari aiñanaunuti ikiana.

Efesios 5:2

Apakumananau ɨmo namanaiña, sane takana nukuasɨrɨkɨ tɨkañe ɨmoti Cristo ta koiñotityo otopiki. Axɨmanu nikonkoxti tyone takana axɨmanu koñoxtai nori makumanatax ɨmoti Tupax.

Gálatas 1:4

Ityoximianatiyɨ Jesús ɨmo nikonkoxti yotopiki nomɨnantɨ osoi, nauki aixhimiakati oemo nomɨnantɨ iku axɨna kɨx au axɨba naskɨbeka kaɨma, takana noñemaxti Tupax naki Uyaɨ.

Apocalipsis 1:5

ñakionkoxtityo aume axti Jesucristo naki urapoiti usukarɨ nanaiña axɨna ñemanauntu, naki kusɨrɨboti asɨboriti tato, ane nɨriakaxti ɨmoma axɨbama mayɨriabuka iku axɨna kɨx. Axti Cristo ukuasɨrɨka ɨmoti, ui notoxti anentyo maximiakatax ñome axɨba nomɨnantɨ osoi,

Gálatas 2:20

chauki chaxɨpɨñɨnki isɨborikia, ta tyonenti Cristo naki sɨborikoti sɨtɨpɨñɨ. Tapɨ axɨna nisɨboriki kaɨma ane sɨtɨpɨñɨ, isɨborikia ui axɨna ikokokati naki Aɨtoxti Tupax, tyopiki isuasɨrɨka ɨmoti ityoximiatatityo nisɨborikixhti chopikiñɨ.

Apocalipsis 5:9

Masoniomaintyo axɨna sonixh aɨbo: “Axɨkɨ koñotɨ aemo asarai axɨmanu kichonimiakax kiñoeno aikiompɨnaintyo axɨmanio nityomoentox, tyopiki axɨkɨ akonka ɨmo makumanatax. Ui noto nakɨtɨpɨ kuamatɨ tato obi esati Tupax namanaiña mañoñɨnka ikuki axɨna kɨx.

San Mateo 20:28

Tyopiki, sanentityo Aɨtoxti ñoñɨnx, chɨkuatatipɨ nauki aserebimia ɨmoti, ta kuatati nauki aserebiti nauki aityoximiatityo nisɨborikixhti ityoboma axɨbama taruku nububikixhimia.

Hechos 20:28

Sane naukiche, amasankatɨ autakuapatoe amasasatɨtyo tyaku namanaiña axɨbama ikokoromati Jesús, axɨbama toxioma aume uiti Espíritu Santo nauki amasaratɨ tyakuma.

San Juan 6:51

Axɨñɨ tyone axɨmanu pan sɨboriko kuatɨ auki napes. Axti naki iñatenti axɨna pan, sɨborikoti ɨmo nanaiña naskɨbeka. Axɨmanu pan toxiobo sobi tyone axɨna nisɨtɨpɨ. Toxio ñana sobi ityobo nisɨborikixhimia namanaiña axɨbama ikuki axɨna kɨx.”

1 Timoteo 2:6

Tyopiki ityoximiatati nisɨborikixhti nauki ataesɨbuma eanaki nomɨnantɨ namanaiña. Au axɨmanu nanenes ɨriotɨ uiti Tupax, ityusiankatati usukarɨ ta xhanxti nauki namanaiña ataesɨbuma eanaki nomɨnantɨ.

Efesios 5:24

Sane takana axɨbama ikokoromati Cristo Yɨriabuxtityo ɨmoma, saneityo axaño paɨka axɨbama apikianaño yɨriabuxɨma aume au nanaiña.