Efesios 5:21 - Manityanati Tupax

²¹ Axaño axɨbama apiñanaunkati Cristo, tari apakokonau aumeampatoe.

Manitanati Tuparrü

²¹ Apacoconaun cadati taman ümoti quiatarrü. Uirri tusio que apiñanauncati Cristo.

Efesios 5:21 Referans Kwoze

Filipenses 2:3

Tapɨ ane isane apisamute tyopiki chuxiampɨ aboi ɨmo makiataka o tyopiki au napakionko champɨti kiatax amopɨrɨkɨ. Tapɨ sane aboi, amasasatɨ ɨmo makiataka takana axtɨ taruku nipiakaxɨma amopɨnanaki.

Efesios 5:24

Sane takana axɨbama ikokoromati Cristo Yɨriabuxtityo ɨmoma, saneityo axaño paɨka axɨbama apikianaño yɨriabuxɨma aume au nanaiña.

Efesios 5:22

Axaño paɨka apakokonau ɨmoma axɨbama apikianaño. Sane takana napakokonaunku ɨmoti Cristo.

1 Pedro 5:5

Saneityo axaño mayaɨka, apakokonau ɨmo nɨriakaxɨma axɨbama mayɨriabuka aume. Namanaiña apakokonau aumeampatoe aɨbu naupukɨnunku. Tyopiki nantɨ sane iku Nikorox: “Chuxiampɨ ɨmoti Tupax axɨbama au ñakionkoxɨma champɨti kiatax ipiakati pɨrɨkɨma, ta asaratitɨ aɨbu nipukɨruxti tyakuma axɨbama takisɨrɨma.”

Hebreos 13:17

Apakokonau ɨmoma axɨbama mayɨriabuka aume, tyopiki axɨma taikiana asaramatɨ autaku, tusiuityo ɨmoma ta axti Tupax astaiti ñana axɨna isamutema. Apapache nikiubu año apisamune nanaiña axɨna uxia ɨmoma, tyopiki axtɨ chɨsanempɨ aboi nanaiña champɨ nanenekiche aume.

1 Pedro 2:17

Apiña napanaunku ɨmo namanaiña. Tari akuasɨrɨma aume axɨbama ikokoromati Jesús, apanau ɨmoti Tupax, apiñaintyo napanaunku ɨmoti yɨriabux auki Roma.

1 Timoteo 3:4

Tari aipiati asaratitɨ tyaku nipoxti tari aipiatityo anunekati ɨmoma axɨbama aɨtoxti nauki ane ñanaunkuxɨma ɨmo makiataka.

Gálatas 5:13

Axaño, masarukityaiki, tɨtane batasukux aume eanaki nomɨnantɨ. Axɨna champɨ nomɨnantɨ aukɨtɨpɨ tapɨ uixh amekatɨ isiu axɨna nauxiantɨmoantoe. Ta apisamuse axɨna uxia aɨbu napakumananaunku aumeampatoe.

1 Timoteo 2:11

Ixhanka nauki axɨba paɨka amonsaperio aɨbu ñupanaunkux axɨna manunekatax ñome.

1 Corintios 16:16

Ixhanka nauki axaño apakokonau ɨmoma axɨbama takana axɨma, ɨmo namanaiña axɨbama baserebioma axɨbamaintyo tyone yachɨkoimia.

1 Pedro 2:13

Auki nakaxti Yɨriabux Jesús, apakokonau ɨmo namanaiña mayɨriabuka ikuki axɨna kɨx: takanaintyo ɨmoti yɨriabux auki Roma tyopiki tyonenti naki yarusɨrɨx nɨriakaxti,

2 Corintios 7:1

Sanente, masarukityaiki, tyoneio axɨba ensɨmunu tɨkañe oemo. Sane naukiche uiñana oñɨ pese pɨnanaki nanaiña axɨba uiche aɨro nokɨtɨpɨ au nomɨnantɨ takanaintyo nuyausɨpɨ. Aɨbu numanaunku ɨmoti Tupax uisamunena nanaiña axɨna uxia nauki besɨro nosɨboriki.

2 Corintios 5:11

Sane naukiche, axɨna tɨtusiu suiñemo ta nauki supanau ɨmoti Yɨriabux Jesús, supapacheka nikiubusomɨ nauki aikɨmɨnakama ñakiokoxɨma mañoñɨnka. Axti Tupax isuputarati nuxia somɨ, ixhankaityo nauki axaño ausuputakasomɨ.