Biblia Todo Logo
Bib sou entènèt

- Piblisite -




Efesios 5:20 - Manityanati Tupax

20 Taikiana apachampienka ɨmoti Tupax naki Uyaɨ ityobo nanaiña axɨna toxio oemo au nɨrixhti Yɨriabux Jesucristo.

Gade chapit la Kopi

Manitanati Tuparrü

20 Apachampienca nantarrtai ümoti Tuparrü au nürirrti Señor Jesucristo itobo nanaiña.

Gade chapit la Kopi




Efesios 5:20
22 Referans Kwoze  

Nanaiña axɨna napachɨkoi napanityaka, apisamuse au nɨrixhti Yɨriabux Jesucristo, apachampienka ɨmoti Tupax naki Uyaɨ yotopiki axɨba isamutenti Jesús autaku.


Apachampienka ɨmoti Tupax ityobo nanaiña axɨna apasutiu, tyone axɨna nixhantɨmoti nauki apisamute tyopiki apikokokati Cristo.


Axɨna numakumanata ɨmoti Tupax ta taikiana machampienka ɨmoti au nɨrixhti Jesucristo, tyopiki tyonenti naki Yɨriabux oemo.


Tapɨ amonxɨka yubapa axɨba ausɨratai, apityusiankasio nanaiña sukarɨti Tupax auki nameanka. Apanki pɨnanakiti apachampienkaityo ɨmoti.


Tapɨ apanityaka axɨba chomixhampɨ, tapɨ apanityaka axɨba chɨkoñopɨtɨ, tapɨ apakɨnsomokoka ui nabura. Apachampienka tyone ɨmoti Tupax ui napanityaka.


Masarukityaiki, taikiana supachampienka ɨmoti Tupax autaku. Uxia axtɨ sane soboi, tyopiki axaño apikokokati nuxia Tupax aukuasɨrɨkaityo aumeampatoe.


Axɨsomɨ taikiana supachampienka ɨmoti Tupax autaku, masarukityaiki axaño taruku naukuasɨrɨkɨ ɨmoti Yɨriabux Jesús, tyopiki uiti Tupax samamekana año nauki axaño apasɨrɨka apasuriu maximiakatax ui noñemaxti Espíritu Santo tyopiki apikokotaityo axɨba omixhia manityakax.


Sane naukiche, oboi kanka axɨba bosɨboriko, axti Tupax masamunuti ñana ipoboti aboi, axañointyo tyonema axɨbama sacerdotes kiatax nakaxɨma, aɨbuti Jesucristo apakumanaka ñana ɨmoti Tupax makumanataka axɨba uiche pukɨnuñati.


Taikiana ñachampienkaka ɨmoti Tupax autaku, tyopiki axɨna nipukɨruxti autaku, axɨna toxio aume tyopikiti Jesucristo.


Axɨñɨ chɨsamamekanapɨñɨ aboi, ta sobi samamekana año. Xhakɨpuka aume nauki amenotɨ apisamune aruki nanaiña axɨba omixhia, axɨna sane nausɨboriki sɨsio aboi. Sane axti Iyaɨ toxio aume uiti nanaiña axɨna apankitio pɨnanakiti au nisɨri.


Axtɨ anati naki manityanati, tari anityati takana nuraxti Tupax. Axtɨ anati naki ane yachɨkoiti ɨmoti kiatax, tari aisamunenti aɨbu nanaiña nikusɨuxti axɨna toxio ɨmoti uiti Tupax. Nanaiña axɨna apisamute, apisamuse nauki achampienkama ɨmoti Tupax tyopikiti Jesucristo, naki esache axɨmanu yarusɨrɨx nɨriakax axɨna champɨ nityakɨrux ñana. Amén.


Taikiana ñachampienka ɨmoti Tupax axtɨ xhakionkañɨ abapa.


Axɨmanuma amonkoma isiuti Jesús sɨromatɨ aukimanu esaki mayɨriabuka taruku nipukɨnunkuxɨma, ityopiki ichetati Tupax ɨmoma atakisɨrɨma tyaku ñakokonaunkuxɨma ɨmoti Jesús.


¿Kausane machampienka nuxia ɨmoti Tupax tyopiki axɨna yarusɨrɨx suipukɨnunku aboi sukarɨti Tupax?


Kusɨrɨbo ñachampienka ɨmoti Tupax, au nɨrixhti Yɨriabux Jesucristo autaku, tyopiki au nanaiña ipiatema axɨna apikokokati Tupax.


Auki kaɨma kuatɨ nityakɨrux, axtɨ tɨtapeneko akɨ uiti Cristo nanaiña nɨriakax iku axɨna kɨx, auki ityoximiatati nɨriakax ɨmoti Tupax naki Yaɨtoti.


Swiv nou:

Piblisite


Piblisite