Efesios 5:11 - Manityanati Tupax

¹¹ Tapɨ apisamute axɨna chuxiampɨ isiuki axɨbama chisuputaramapɨti Tupax, tyopiki axɨmanu isamutema champɨ nanenekiche. Axɨna uxia ta axtɨ aburapoi sukarɨma axɨna chuxiampɨ isamutema.

Manitanati Tuparrü

¹¹ Tapü apisamute arrüna churriampü, itopiqui ümonatai, abaca tacana bama aboma au tomiquianene. Más bien aburasoi isucarüma que churriampü niyachücoimia.

Efesios 5:11 Referans Kwoze

Romanos 13:12

Chauki tɨkoboi axɨna tobixh tɨsaimia anene. Sane naukiche uiñokona axɨba nomɨnantɨ uisamute nesaxatoe axɨna tobixh, uiñana okɨtɨpɨ axɨba omixhia ui nanentax takana axtɨ tamanti sortabox koborioti.

1 Timoteo 5:20

Axtɨ aboma abaxɨpeku mayɨriabuka sɨsioma aɨbu nipɨnatema, aikuansomokosoma sukarɨ makiataka, nauki makiataka aixhuma tapɨ isamutema takana axɨna yachɨkoimia.

2 Tesalonicenses 3:6

Masarukityaiki supakɨpuka aume au nɨrixhti Yɨriabux Jesucristo, nauki apiñanaño pese pɨnanaki axɨbama usarukityaiki chuxiampɨ nisɨborikixhimia, axɨbama chixhanxɨpɨma aisamunema nisɨborikixhimia isiuki axɨna supanunekaka aume.

Romanos 16:17

Masarukityaiki, amasasai nuxia ñɨnana axɨbama kiatax ñapanaunkuxɨma iñatama ñakokotoxɨma axɨna uiche apiñanaño pese pɨnanaki axɨna manunekatax apasutiu. Apikiaɨbusaño axɨpekukimia,

Apocalipsis 18:4

Auki ñonkoi kiatax tosibixh auki napes, nantɨ sane: “Apakicho auki axɨmanio poka, axaño axɨbama isaɨtaiki, tapɨ abeka oboi nomɨnantɨ uimia tapɨ abekaityo oboi nityakisɨrɨkɨxɨma.

Tito 2:15

Tyone axɨna anunekatabo, akusɨrɨ aisamune sukarɨma aikuansomokosoma aɨbu nɨriaka. Tapɨ anati naki chuxiampɨ uiti aemo.

2 Tesalonicenses 3:14

Axtɨ anati naki chixhanxtipɨ aikokoti axɨna supakɨpuku iku axɨna korobo soboi, amasasai nuxia ñakuti tapɨ apiyoberabakaño chepeti nauki akɨsoti.

Romanos 6:21

¿Isane axɨna iyebo aboi? Kaɨma aukɨsoka tyaku axɨna sane, tyopiki oboi apikianaño ɨmo konkox.

2 Timoteo 4:2

nauki anuneka axɨba omixhia manityakax, tapɨ ubata aemo nanunekaka axtɨ chebo aemo takanaintyo axtɨ chichebopɨ uimia. Apache nikiubukɨ kausane aikokoma, asamunau akuansomoko axtɨ anunekaka.

2 Timoteo 3:5

Mapañama ñana apukɨruma tyaku makiataka, tapɨ axɨna isamutema uixh atusi ta chisamutempɨma isiuki noñemaxti Tupax. Axɨmanuma sane nisɨborikixhimia tapɨ ane nɨmochema obi.

Gálatas 6:8

Axti naki mankɨturuti axɨba chomixhampɨ nixhantɨmoti, auki axɨmanio chomixhampɨ nixhantɨmoti, bapakɨtauruti ñana konkox. Tapɨti naki mankɨturuti ɨmoti Espíritu Santo, aukiti Espíritu Santo bapakɨtauruti ñana sɨborikixh axɨna champɨ nityakɨrux.

1 Tesalonicenses 5:7

Axɨbama champɨ nɨmoche uimia niyekixhti tato Yɨriabux Jesús isamutema au nisɨborikixhimia aruki nanaiñantai nomɨnantɨ taikiana orisɨbama, tyonema axɨbama aboma au tomikianene.

San Lucas 3:19

Makuansomokonotityo ɨmoti Herodes, maniki yɨriabux, ityopiki ananka isiuti Herodías, nikɨpostoti yarukityoti, ityopikityo axɨba chomixhampɨ isamutenti.

Efesios 5:7

Sane naukiche tapɨ abasikia chepe axɨmanuma sane nisɨborikixhimia.

Efesios 4:22

Sane naukiche, tapɨ ausɨborikiaiki takana nausɨboriki tɨkañe, naukiche axɨmanio chomixhampɨ nauxiantɨmo apiñata yusiuki nausɨboriki.

San Mateo 18:15

“Axtɨ isamutenti aruki aemo axɨna chuxiampɨ, anitya aɨbuti tamanti aityusianka sukarɨti nipɨnatenti. Axtɨ onkoiti nura chauki uxia tato naka aɨbuti aruki.

1 Timoteo 6:5

chaiyatai baikixh. Axɨbama sane nisɨborikixhimia champɨ axɨna uxia au ñakionkoxɨma chisuputakaipɨmaintyo axɨna ñemanauntu, tyonema axɨbama namatɨ ta ikokoromati Tupax nauki auki ane enaxiboma.

Hechos 26:18

Ikɨpukɨ axɨpekuma nauki aiyaɨbu nisɨtoxɨma nauki tapɨ amenkomainki au tomikianene, tari amenkoma au nanentax. Nauki ataesɨbuma pɨnanaki nɨriakaxti chobores, nauki aɨromatɨ isiuti Tupax. Sane aikokoromañɨ nauki asuriuma maximiakatax ityopiki axɨna nomɨnantɨ uimia nauki asuriumaintyo ñana nikuaxɨma kauta nakaxti Tupax.’

Efesios 5:12

Ñemanauntu okɨsoka manityane axɨna isamutema anekanatai.

Colosenses 1:12

apachampienkaka ñana ɨmoti Tupax naki Uyaɨ, tyopiki uiti aiñununekanati oñɨ nauki basuriu, au nanentax axɨmanu toxiobo uiti ɨmoma axɨbama ikokoromati.

1 Timoteo 5:22

Tapɨ aikɨsabukɨ aikunusɨankanati naki baserebiobo ɨmoti Tupax asasai nuxia, tyopiki axtɨ axti maniki ñoñɨnx isamutenti axɨna chuxiampɨ axɨkɨtyo ane naipɨnate chepeti. Tapɨ chebo obi aisamune axɨna chuxiampɨ.