Efesios 4:31 - Manityanati Tupax

³¹ Apiñoko nausucheki chepe nautɨbori. Tapɨ aburatokikia ɨmo makiataka. Tapɨ abasikia apisamune axɨba chomixhampɨ.

Manitanati Tuparrü

³¹ Tapü apiñahübuta nautübori au nabausasü ümoti quiatarrü. Tapü autüboriquia, tapü apuncati quiatarrü, tapü aburatoquiquia aumeampatoe. Apiñoco arrüba chomirriampü napapensaca ümoti ausüborisapa.

Efesios 4:31 Referans Kwoze

Colosenses 3:8

Ta kaɨma apiñokosio nanaiña axɨba nomɨnantɨ: tapɨ autɨborikia, tapɨ apisamute axɨna chuxiampɨ ɨmoti kiatax, tapɨ chuxiampɨ napanityaka kɨtɨpɨti Tupax, tapɨ ausɨratai napanityaka kɨtɨpɨti ausɨborisapa.

1 Pedro 2:1

Sane naukiche, apikiaɨbu aukɨtɨpɨki nanaiña axɨba nomɨnantɨ, matachemakakax, axɨna chapisamutempɨ axɨna amukanaño, tapɨ abubatio nenaxi makiataka, tapɨ apanityaka axɨna chuxiampɨ kɨtɨpɨ makiataka.

Santiago 1:19

Masarukityaiki, amonsapesio nuxia axɨna sukanañɨ aume: namanaiña taikiana amonsapesio nuraxti kiatax, tapɨ autɨborikiatai tapɨ tarukuityo napanityaka.

Colosenses 3:19

Mañoñɨnka, tari aukuasɨrɨ aume naukɨposɨ apasamunau ñome.

Santiago 3:14

Axtɨ axaño ui nauxianka ɨmo nenaxixhti kiatax autɨborikiatai aumeampatoe, auki apisamute nanaiña ui nautɨbori aumeampatoe, auki champɨ tyopokiche aupukɨnunka sane tompɨkana aboi axɨna ñemanauntu.

Efesios 4:26

Axtɨ autɨborikia, tapɨ chebo aboi apisamune nomɨnantɨ uixh, tapɨ nanaiña sapes nautɨbori,

1 Juan 3:12

Tapɨ uisamute takanati Caín tɨkañe, tyonenti takana aɨtoxti chobores ityabairoti yarukityoti. ¿Tyopikiche aityabairoti tɨkañe? Tyopiki axɨmanu nisɨborikixhti Caín tɨkañe ta chuxiampɨ, tapɨ nisɨborikixhti yarukityoxti nanaiña uxia.

Santiago 4:11

Masarukityaiki, tapɨ apanityaka axɨna chuxiampɨ kɨtɨpɨ makiataka. Axti naki manityanati axɨna chuxiampɨ kɨtɨpɨti kiatax, chuxiampɨ nuraxti ɨmo axɨmanu bakɨpukux uiti Tupax, tapɨ chuxiampɨ napanityaka ɨmo.

Tito 1:7

Axti yɨriabux ɨmoma axɨbama ikokoromati Jesús tyonenti naki asarabotɨ yutaku nuraxti Tupax, sane naukiche tari champɨ urapoboiboma kɨtɨpɨti. Taikiana uxia nisɨborikixhti aɨbu makiataka, tapɨ naki chabo'ox, tapɨ naki uxia ɨmoti chɨrɨri, tapɨ naki xhanxti enaxioti auki naka makiataka.

1 Timoteo 3:11

Saneityo axɨba paɨka tari uxia niyosɨborikixh nauki makiataka ane ñanaunkuxɨma ñome, tapɨ ausɨrtai nuburax ñome pikiataka, tari opisamunena axɨba omixhia yupachɨkoi, tari apakokonau au nanaiña.

2 Corintios 12:20

Tyopiki ixhuka axtɨ yɨkatɨ tanu yasaraño, chautabɨkapɨ sobi takana axɨna nixhanka, saneityo axaño chichabɨkapɨ aboi takana nauxianka. Ixhuka tapɨ chuxiampɨ aboi aumeampatoe, autɨborikiatai aumeampatoe, abubatio nenaxixhti kiatax, taikianati taman tyakutiatoe ñakionkoxti, chuxiampɨ napanityaka kɨtɨpɨti kiatax, abasikia aburapakai nisɨborikixhti kiatax, au napakiomko champɨti kiatax amopɨrɨkɨ, champɨityo nuxiantux abaxɨpeku.

1 Corintios 14:20

Masarukityaiki, tapɨ apiñata au napakionko takana axɨbama masiomankaiki. Apiña takana masiomanka ñome axɨba chomixhampɨ. Ta apiña nauyarusɨrɨkɨ ñome napapanaunku.

1 Timoteo 5:13

Omenotityo umamenkatai ubau poka, auki taruku nomemaxikiatax. Chityoneantaipɨ nomemaxikiatax, ta ausɨrataityo nuburax axɨba chomixhampɨ, opisamute axɨna chɨkoñopɨtɨ ñome apisamune.

Gálatas 5:20

Manaunuma ɨmo matupaka nisamuku mañoñɨnka ane nipicharaxɨma. Taikiana chuxiampɨ uimia ɨmoti kiatax, chichepepɨ ñakionkoxɨma tarukuityo nastaxɨma tyakumantoe. Chichepɨ nityɨborixhimia, masamunuma chɨrɨri aɨbu makiataka, iñanamakɨ pese pɨnanaki makiataka.

1 Corintios 5:8

Sane naukiche uisamunena nupukɨnunku aɨbu pan axɨna champɨ levadura eana, ta tyone axɨna besɨro numapanaunku, tapɨ aɨbu axɨmanu nanankax levadura tyone axɨna aruki nanaiñantai nomɨnantɨ.

Romanos 3:14

Ui mapauxamakax ataso naruxti.

Apocalipsis 12:10

Auki ñonkoi tosibixh au napes, nantɨ sane: “Axti naki Tupax oemo ane maximiakatax uiti ɨmo axɨbama ikokoromati. Ityusiankatati nɨriakaxti, tyonenti naki kunauntaña yarusɨrɨx yɨriabux. Aɨtoxti yɨriabux ɨmo namanaiña axɨbama aboma iku axɨna kɨx. Axti maniki chobores tɨpenekoti auki napes, tyopiki au sapes au tobixh, chuxiampɨ nuraxti sukarɨti Tupax kɨtɨpɨ axɨbama usarukityaiki.

1 Juan 3:15

Axti naki chuxiampɨ uiti ɨmoti yarukityoxti, yatabayox nakaxti, tɨtusiu aume naki yatabayox chiyebopɨ uiti isɨborikiboti axɨna champɨ nityakɨrux.

Tito 2:3

Saneityo, axɨba paɨka nɨriabuka paɨka taikiana uxia niyosɨborikixh, tapɨ panityanatai yokɨtɨpɨ pikiataka paɨka, tapɨ axɨba chabo'oka. Tari uxia niyosɨborikixh sukarɨ kupikikia

2 Timoteo 2:23

Tapɨ ane nɨmoche obi nuratokikixhimia axɨna champɨ nanenekiche. Tɨtusiu aemo tyone iñatai tyakɨru aɨbu chɨrɨri.

1 Timoteo 3:3

Tapɨ yorisɨbaboxti tapɨ yaiyoxti, tari axti naki taruku nipukɨruxti tyaku makiataka, tapɨ taruku nixhankaxti ɨmo monixh.

Hechos 21:30

Namanaiña axɨmanuma po'osoma chɨmastakaxɨpɨ uimia, auki iñataimia yarukuxɨma. Enoti Pablo uimia ityononomati tyɨrɨpo auki nipo meankax, isiukai amana uimia tyuruka.

2 Timoteo 3:3

Chɨmakumananaumpɨma ɨmo makiataka, chuxiampɨ nuraxɨma kɨtɨpɨ makiataka, isamutema ñana axɨna nixhantɨmoma aisamunema, champɨ ñana nipukɨruxɨma chuxiampityo ɨmoma nanaiña axɨna uxia.

Efesios 4:22

Sane naukiche, tapɨ ausɨborikiaiki takana nausɨboriki tɨkañe, naukiche axɨmanio chomixhampɨ nauxiantɨmo apiñata yusiuki nausɨboriki.

Efesios 4:25

Sane naukiche, tapɨ abasikia aɨbu napapantu, ta amukanaño axɨna ñemanauntu ɨmoti auposapa, tyopiki namanaiña axoñɨ tyone nenaxi taman kɨtɨpɨx.