Efesios 4:12 - Manityanati Tupax

¹² Sane manunekanati ɨmo namanaiña axɨbama uikokokati Jesús, ɨmo axɨmanu niyachɨkoimia tyaku makiataka, ta tyone nikɨtɨpɨxti

Manitanati Tuparrü

¹² Bacheboti arrüba sane osüriacabo, nauqui uipia nurria baserebi ümo bama icocoromati Jesús, nauqui acoño nisüboriquirrimia. Itopiqui arrüma tacana nicütüpürrti Cristo. Arrüna nicütüpürrti Cristo tiene que asunaun ui nubaserebiqui ümo.

Efesios 4:12 Referans Kwoze

Efesios 4:16

Axti Cristo tyonenti naki uiche chepe nakaxɨma axɨbama ikokoromati, isiu axɨna toxio ɨmoma aipiama aisamunema, uitiyo taikianati taman pukɨnuñanti aɨbu niyachɨkoiti, nauki axɨbama ikokoromati Jesús besɨro nisɨborikixhimia ui ñakumananaunkuxɨma ɨmomantoe.

1 Corintios 12:27

Sane naukiche, axaño tyone nikɨtɨpɨxti Cristo, taikianati taman abaxɨpekuki ane yachɨkoboibotiatoe.

Romanos 15:14

Masarukityaiki, axɨñɨ tusiu nuxia iñemo axaño ane aukɨtɨpɨ axɨna uxia axɨnaintyo napapanaunku apipiaka apanuneka aumeampatoe.

1 Corintios 14:26

Sane masarukityaiki, ¿isane usurapoboibo? Axtɨ apiyoberabakaño, aboma axɨbama masonioma ɨmoti Tupax, tapɨ makiataka manunekanama, makiataka urapoimia axɨna urapoiti Tupax ɨmomantai, makiataka manityanama kiatax manityakax, makiataka urapoimia axɨna nantɨ axɨmanu manityakax. Tyoneio nanaiña omixhia nauki uxia nisɨborikixhimia axɨbama ikokoromati Jesús.

Romanos 14:19

Sane naukiche bapacheriora nanaiña axɨna uiche uxia osoi oemoampatoe nauki chepe oñɨ uisamune axɨna uxia.

1 Timoteo 1:12

Ñachampienkaka ɨmoti Yɨriabux Jesucristo, tyopiki onkotitɨ iñemo ta uitityo aruku nuxia iñemo nauki yaserebi ɨmoti.

1 Corintios 14:12

Sane naukiche, tyopiki axaño taruku nauxianka nauki atoxi aume noñemaxti Espíritu Santo, apiña nuxia nauki atoxi aume chama axɨba oboiche uxia nisɨborikixhimia axɨbama ikokoromati Jesús.

Hebreos 13:17

Apakokonau ɨmoma axɨbama mayɨriabuka aume, tyopiki axɨma taikiana asaramatɨ autaku, tusiuityo ɨmoma ta axti Tupax astaiti ñana axɨna isamutema. Apapache nikiubu año apisamune nanaiña axɨna uxia ɨmoma, tyopiki axtɨ chɨsanempɨ aboi nanaiña champɨ nanenekiche aume.

Hebreos 6:1

Sane naukiche uiñana nuxia nauki aye osoi yarusɨrɨx oñɨ, uiñokoniona axɨmanio tɨkañe kusɨrɨbo manunekatax oemo kɨtɨpɨti Cristo. Tapɨ basikiaki manitya yokɨtɨpɨ axɨba champɨapae nɨmoche, uikoñoko nosɨboriki tapɨ basikia uisamunio axɨba chomixhampɨ uiche ñana okonka, takanaintyo numakokonaunku ɨmoti Tupax,

2 Corintios 6:3

Champɨ kausane suisɨboriki sukarɨ makiataka, sane tapɨ anati naki chuxiampɨ ɨmoti axɨna supachɨkoi.

2 Corintios 5:18

Nanaiña axɨna sane tyone nisamukuxti Tupax, tyonenti naki auki nakaxti Cristo ane maximiakatax oemo aɨbutiatoe, yakɨpukuxti suiñemo suburaboi axɨna maximiakatax.

San Lucas 22:32

Tapɨ axɨñɨ xhankikia atakukɨ, tapɨ takɨrusu apɨnanakikɨ nakokonaunku. Axtɨ axɨkɨ, ayekatɨ tato yesañɨ, aserebi ɨmo axɨbama arukityaiki nauki tapɨ tapenekoma.

2 Timoteo 4:5

Axɨkɨ asasatɨ nuxia tyaku axɨna besɨro napanaunku, tari aruku nantax aemo aɨbu natakisɨrɨkɨ, sɨsiokɨ aɨbu nanunekaka axɨba omixhia manityakax, aisamuse nuxia axɨna nachɨkoi.

Colosenses 4:17

Aburasoi sukarɨti Arquipo tari aisamunenti nuxia axɨmanu niyachɨkoiti bakɨpukux ɨmoti uiti Yɨriabux Jesucristo aisamunenti.

Colosenses 1:28

Axɨsomɨ supanityaka kɨtɨpɨti Cristo, supanunekaka ɨmo namanaiña aɨbu nanaiña mapanaunkux, nauki sopityusiankanaño besɨro nausɨboriki takanati Cristo.

Colosenses 1:24

Kaɨma ipukɨnunka ui axɨna nichakisɨrɨkɨ autaku, tyopiki sane iñatai tyakɨru ui nisɨtɨpɨ nityakisɨrɨkɨ nikɨtɨpɨxti Cristo, tyopiki axɨbama ikokoromati.

Efesios 1:23

Axɨbama ikokoromati Cristo tyonema nikɨtɨpɨxti Cristo, axɨbama yasutiuma nanaiña axɨna ane uiti. Tyopiki uiti Cristo nanaiña omenotɨ au nityakɨrux.

2 Corintios 12:19

Axaño au napakionko supankikia amopɨnanaki tapɨ sane napakionko, chɨsanempɨ. Supanityaka sukarɨti Tupax takanaintyo axɨbama nesaxti apóstoles Cristo. Nanaiña axɨna sane masarukityaiki, ta nauki uxia nɨsɨborikixhimia namanaiña.

2 Corintios 7:1

Sanente, masarukityaiki, tyoneio axɨba ensɨmunu tɨkañe oemo. Sane naukiche uiñana oñɨ pese pɨnanaki nanaiña axɨba uiche aɨro nokɨtɨpɨ au nomɨnantɨ takanaintyo nuyausɨpɨ. Aɨbu numanaunku ɨmoti Tupax uisamunena nanaiña axɨna uxia nauki besɨro nosɨboriki.

2 Corintios 4:1

Sane naukiche axɨsomɨ axɨna supachɨkoi toxio suiñemo ui nipukɨruxti Tupax chisuixhankapɨ sopiñoko.

2 Corintios 3:8

¡taruku niyarusɨrɨkɨx axɨmanu aɨbo tratox axɨna noñemaxti Espíritu Santo!

1 Corintios 14:14

Axtɨ xheanka auki kiatax manityakax, ñemanauntu axɨñɨ xheanka au niyausɨpɨ tapɨ axɨna nipiaka sɨsio champɨ nanenekiche.

Romanos 15:29

Tusiu iñemo axtɨ yɨkatɨ tanu aubesa, uxia ñana nusaka namanaiña tyopiki ukurusɨka uiti Cristo.

Romanos 15:2

Namanaiña axoñɨ uisamunena axɨna uxia ɨmoti osɨborisapa ipukɨnunkubuti nauki chepe oñɨ uisamune axɨna uxia.

Romanos 12:7

Axtɨ toxio oemo nauki baserebi ɨmo makiataka, tari uisamunena nuxia. Axti naki toxio ɨmoti nauki anunekati, tari tyone yachɨkoiti anunekati.

Hechos 20:28

Sane naukiche, amasankatɨ autakuapatoe amasasatɨtyo tyaku namanaiña axɨbama ikokoromati Jesús, axɨbama toxioma aume uiti Espíritu Santo nauki amasaratɨ tyakuma.

Hechos 20:24

Tapɨ axɨñɨ champɨapae nɨmoche sobi axtɨ ikiaɨbutama xhopɨnanakiñɨ nisɨboriki, axɨna nixhantɨmo ta iñanai tyakɨru niyachɨkoi aɨbu nipukɨnunku nauki sane isamune yakɨpukuxti Yɨriabux Jesús iñemo xhanuneka axɨba omixhia manityakax nukuasɨrɨkɨ ɨmoti Tupax.

Hechos 11:23

Naukiche tiñataiti Bernabé, astaiti kausane axti Tupax kurusɨoma uiti, uixh taruku nipukɨnunkuxti. Makuansomokonoti ɨmo namanaiña axɨbama auki nityusixhimia ikokoromati Yɨriabux.

Hechos 9:31

Sane naukiche axɨmanuma ikokoromati Jesús, au Judea, Galilea, ichepe Samaria, uxia uiti Tupax ɨmoma. Sɨborikoma aɨbu ñakokonaunkuxɨma ɨmoti Yɨriabux, ui noñemaxti Espíritu Santo, isumainkianɨ nububikixhimia.

Hechos 1:25

sɨsioti aɨbu niyachɨkoiti Judas, axɨmanu ensoro uiti ityopiki nomɨnantɨ uiti.”

Hechos 1:17

Axti Judas anankati ochepe, aɨbu axɨna nubachɨkoi.

2 Timoteo 4:11

Kunauntañatiatai Lucas anati chepeñɨ. Apachesiosoti Marcos aikiasti tauna achepekɨ, tyopiki baserebioti auna iñemo ɨmo axɨna niyachɨkoi.

Efesios 4:29

Tapɨ apanityaka axɨba chomixhampɨ, taikiana apanitya axɨba omixhia manityakax axɨba oboiche uxia nisɨboriki namanaiña nauki uxiaintyo ɨmoma axɨbama onsapetioma.

Efesios 4:4

Ane kunauntaña kɨtɨpɨx kunauntañantityo Espíritu Santo, sane takanati Tupax ityasuruti año ɨmo axɨmanu kunauntaña toxiobo ñana maximiakatax aume.

2 Corintios 13:9

Sane naukiche suipɨkɨnunka axtɨ chɨkusɨurupɨ suisɨtɨpɨ, axɨsomɨ suixanka nauki axaño tari kusɨuru nuxia naukɨtɨpɨ. Axɨsomɨ supankikia nauki taikiana besɨro nausɨboriki.

1 Corintios 12:7

Axti Tupax toxio uiti taikiana ɨmoti taman ñakokotoxti axɨna noñemaxti Espíritu ochepe, nauki namanaiña uxia nisɨborikixhimia.

Romanos 12:5

Saneityo axoñɨ, sɨrɨmana oñɨ, champɨ nɨmoche axtɨ sɨrɨmana oñɨ, kunauntaña naka nokɨtɨpɨ kɨtɨpɨti Cristo, sanentyo usaka ichepe makiataka takana nenaxi kunauntaña kɨtɨpɨx.

2 Corintios 13:11

Au nityakɨrux masarukityaiki, taikiana uxia nausɨboriki apapachesio kausane nauki besɨro nausɨboriki. Apiña nuxia taikiana uxia aboi aumeampatoe au nausɨboriki. Sane axti Tupax naki taruku nukuasɨrɨkɨ ɨmoti tari anati auchepe.