Efesios 2:22 - Manityanati Tupax

²² Ui axɨna abaka chepeti Jesucristo, axañointyo apisamute axɨmanu pox, kauta po'osoti Tupax ui noñemaxti Espíritu Santo.

Manitanati Tuparrü

²² Así que namanaiña arrño abaca tacana arrüna ipoboti Tuparrü, itopiqui anati Espíritu Santo au nabausasü, y arrtito Tuparrü.

Efesios 2:22 Referans Kwoze

1 Corintios 3:16

¿Unkamo tusiu aume axɨna naukɨtɨpɨ ta tyone nipoxti Tupax, sane naukiche axti Espíritu Santo po'osoti aukɨtɨpɨ?

1 Juan 4:16

Sane naukiche atusi oemo uikokotaityo ta ukuasɨrɨka ɨmoti Tupax. Axti Tupax tyonenti axɨna makumananaunkux, axti naki kuasɨrɨma ɨmoti axɨbama yarukityoxti po'osoti kɨtɨpɨti Tupax, axti Tupax po'osotityo kɨtɨpɨti.

1 Juan 4:13

Axɨna uiche atusi ta po'oso oñɨ kɨtɨpɨti Tupax axtityo po'osoti okɨtɨpɨ, ta tyopiki toxio uiti oemo nesaxti Espíritu Santo.

1 Juan 3:24

Axɨbama ikokotama yakɨpukuxti po'osoma kɨtɨpɨti, po'sotityo kɨtɨpɨma. Ui axɨna atusi oemo ta po'osoti okɨtɨpɨ: uiti Espíritu Santo, axti naki toxioti oemo uiti.

Efesios 3:17

tari sɨsioti Cristo au nabausasɨ auki axɨna napakokonaunku, tari axɨna napakumananaunku tyone nityɨmo nausɨboriki.

2 Corintios 6:16

Chichepepityo nubakax nipoxti Tupax aɨbu axɨbama matupaka uxiankama ui mañoñɨnka. Tyopiki axoñɨ ta nipoxti Tupax axti naki sɨboriko, sane takana axɨna nanti: “Po'osoñɨ axɨpekuma ñamenkaityo chepema. Axɨñɨ Tupaxɨñɨ ɨmoma tapɨ axɨma tyonema Isaɨtaikimia.”

1 Corintios 6:19

¿Unka tusiu aume axɨna naukɨtɨpɨ tyone nipoxti Espíritu Santo axɨna toxio aume uiti Tupax, sane naukiche axti Espíritu Santo po'osoti aukɨtɨpɨ? Axɨna naukɨtɨpɨ chɨtɨpɨ naubesatoe,

1 Corintios 3:9

Axɨsomɨ chepe supaserebikia ɨmoti Tupax. Tapɨ axaño tyone ñanaunx axɨna kauta ane sɨro kɨtu axɨnaintyo pox nipoxti Tupax.