Efesios 1:23 - Manityanati Tupax

²³ Axɨbama ikokoromati Cristo tyonema nikɨtɨpɨxti Cristo, axɨbama yasutiuma nanaiña axɨna ane uiti. Tyopiki uiti Cristo nanaiña omenotɨ au nityakɨrux.

Manitanati Tuparrü

²³ Arrübama icocoromati Cristo aboma tacana nicütüpürrti, y arrti Cristo anati tacana nitanurrü. Así que anati au nuyausasü naqui mecuche abe nanaiña arrüba abe.

Efesios 1:23 Referans Kwoze

San Juan 1:16

Ui axɨna nukuasɨrɨkɨ ɨmoti Tupax namanaiña basutiu axɨba ñakumanataxti taikiana ukurusɨka uiti.

Efesios 4:12

Sane manunekanati ɨmo namanaiña axɨbama uikokokati Jesús, ɨmo axɨmanu niyachɨkoimia tyaku makiataka, ta tyone nikɨtɨpɨxti

Efesios 3:19

Xhankikia pɨnanakiti Tupax nauki aye aboi axɨmanu ñakumananaunkuxti, ta taruku niyarusɨrɨkɨx pɨnanaki axɨna numapanaunku, nauki apisuputane ñapanaunkuxti Tupax.

Efesios 4:10

Axti maniki kuatati iku axɨna kɨx tyonentiatoe maniki sɨrotitɨ kauta axɨna taruku napetaiki napes, nauki aiñatamakati au nanaiña napes ikunaintyo kɨx.

1 Corintios 15:28

Axtɨ tɨnanaiña omeno kiana nɨriakaxti Cristo auki kaɨma axtityo Cristo, naki Aɨtoxti Tupax, iñanatiyɨ kiana nɨriakaxti Yaɨtoti, axti naki uiche aiñanti nanaiña kiana nɨriakaxti. Sane axti Tupax Yɨriabuxti au nanaiña ɨmo namanaiña.

Colosenses 1:24

Kaɨma ipukɨnunka ui axɨna nichakisɨrɨkɨ autaku, tyopiki sane iñatai tyakɨru ui nisɨtɨpɨ nityakisɨrɨkɨ nikɨtɨpɨxti Cristo, tyopiki axɨbama ikokoromati.

Colosenses 3:15

Tari axɨna nipukɨnunkuxti Cristo sɨsio au nabausasɨ, tyopiki ɨmo samamekana año uiti Tupax nauki apisamunaño kunauntaña kɨtɨpɨx, nauki apityusianka naupukɨnunku.

Colosenses 3:11

Champɨ nɨmoche axtɨ griegokɨ o judioxɨkɨ, axtɨ circuncidabokɨ o champɨ, axtɨ osekatɨ auki kiatax narɨkɨkixh, axtɨ uipiaka o chuipiakapɨ, axtɨ kumanakax oñɨ o chɨtɨpɨ kumanakax, tyopiki axti Cristo tyonenti nanaiña anatityo au nanaiña.

Efesios 2:16

Ui nikonkoxti Cristo kɨtɨpɨ kurusɨx, iñatai tyakɨru axɨmanu chuxiampatai osoi oemoampatoe axɨbama judíos takana axɨbama chɨtɨpɨ judíos. Takubaxio uiti kɨtɨpɨ kurusɨx axɨmanu chuxiampatai osoi oemoampatoe, uiti kunauntaña nusaka nauki taikiana uxia uiti Tupax oemo takanaintyo usaɨbuatoe.

1 Corintios 12:6

Abetyo sɨrɨmana kausane nosɨriaka, tapɨti Tupax tyonentiki, ui noñemaxti isamutenti nanaiña aɨbu namanaiña.

Romanos 13:5

Sane naukiche apakokonau ɨmo axɨbama mayɨriabuka, tapɨ apisamute ui axɨna naupixhuku apisamuse ui nauxianka ɨmo axɨna uxia.

Efesios 4:4

Ane kunauntaña kɨtɨpɨx kunauntañantityo Espíritu Santo, sane takanati Tupax ityasuruti año ɨmo axɨmanu kunauntaña toxiobo ñana maximiakatax aume.

Efesios 3:10

Sane kaɨma, aɨbuma axɨbama ikokoromati Jesús, nanaiña nɨriakax axɨbamaintyo mayɨriabuka au napes tusiu kaɨma ɨmoma axɨna taruku ñapanaunkuxti Tupax, axɨna aruki nanaiñantai nityusiankakax.

Efesios 4:13

chepe axtɨ tɨnamanaiña axoñɨ ui axɨna numakokonaunku chepe nusaka chepeti ui axɨna usuputakati Aɨtoxti Tupax, sane aye osoi besɨro nosɨboriki takana nisɨborikixhti Cristo.

Colosenses 2:19

Axɨma chabomampɨ chepeti Cristo, tyonenti naki Yɨriabux ɨmo namanaiña axɨbama ikokoromati Cristo tyonentityo naki uiche aruku ɨmoma naneneka. Torio uiti Cristo nanaiña ɨmoma axɨbama ikokoromati nanaiña axɨna nixhantɨmoma, oberabaramaintyo uiti takana axɨna nixhankaxti Tupax.