Apocalipsis 20:10 - Manityanati Tupax

¹⁰ Tapɨti maniki chobores, uiche atapenema, penekoti au axɨmanu narubaityu pes aɨbu azufre, axɨmanu kauta peneko axɨmanu numukianx ichepeti maniki chɨtɨpɨ profeta. Akamanu ñana champɨ nityakɨru nityakisɨrɨkɨxɨma au sapes takanaintyo au tobixh.

Manitanati Tuparrü

¹⁰ Tapü arrti choborese, naqui macocono, penecoti au manu narubaitu turrü pese nacarrü, arrümanu omo ui azufre, auna cauta ito penoco manu numuquianrrü ichepeti maniqui ñapanrrü profetarrü. Champü nitacüru nitaquisürücürrüma acamanu, naneneca y tobiquia.

Apocalipsis 20:10 Referans Kwoze

San Mateo 25:41

“Auki axti yɨriabux nanti ɨmo axɨmanuma aboma au nepaux: ‘Apakicho aukina yesakiñɨ, axɨbama toxio año ɨmo naukonko. Amekosi oto axɨmanu pes chotochebopɨ ananka koñokono ɨmoti chobores ichepe axɨbama nesaxti ángeles.

Apocalipsis 19:20

Axɨmanu numukianx amanapo, chepeti maniki manityanati chɨtɨpɨ ui noñemaxti Tupax maniki masamunuti axɨba champɨ tubastai sukarɨti. Axti maniki chɨtɨpɨ profeta matachemakanati ɨmoma axɨbama chebo uimia aɨro kɨtɨpɨma nikoro nɨri axɨmanu numukianx manaunumaintyo ɨmo nausɨpɨx. Auki axɨmanu numukianx chepeti maniki manityanati chɨtɨpɨ ui noñemaxti Tupax penekoma auki nisɨborikixhimia au axɨmanu narubaityu pes kauta omo axɨmanu azufre.

San Mateo 25:46

Axɨma sɨromatɨ ɨmo champɨ nityakɨrux nityakisɨrɨkɨxɨma, tapɨ axɨbama uxia nisɨborikixhimia sɨromatɨ kauta champɨ nityakɨru nisɨborikixhimia.”

Apocalipsis 20:8

sɨrotitɨ kaɨma atachemakati iku nanaiña kɨx ɨmoti Gog chepeti Magog, tarukapae nububikixhimia takana kɨosox abeuki narubaityu tux, oberabarama ñana uiti ɨmo baikixh.

Apocalipsis 16:13

Auki yasakatɨ kuatɨ auki narux axɨmanu noixhobox, auki narux axɨmanu numukianx aukityo naruxti maniki mapañati profetati, kuantio tanene trex machoboreka takana nuxapakaka nakaxɨma.

San Mateo 7:15

“Amasasai nuxia ñɨnanama axɨmanuma taruku ñapantuxɨma anunekama au nɨrixhti Tupax. Kuamatɨ aubesa takana nobixhamanka, tapɨ au nausasɨxɨma takana nuitɨmɨka nakaxɨma.

Apocalipsis 9:17

Sane yasakio axɨmanio kabayuka, axɨmanuma mañoñɨnka aboma yuchaku axɨmanio kabayuka. Ane aukibo nityusixhimia yerux kɨturiki takana pes, takana nipɨsi karapapes takanaintyo nipɨsi nuxubuxixh. Tapɨ axɨmanio kabayuka niñutanux takana niñutanu nuitɨmɨka, auki nubarux paikɨburu pes aɨbu nausixh chepe azufre.

San Marcos 9:44

kauta nikɨmɨka chɨmokoiñopɨ ichepe axɨna pes chotochebopɨ.