2 Juan 1:8 - Manityanati Tupax

⁸ Amasasai nuxia, tapɨ munatai nanaiña axɨna supachɨkoi autaku, ta nauki ane ñana toxiobo ityobo aume.

Manitanati Tuparrü

⁸ Amasasai nurria, tapü apiñensonocota arrüna ñemanauntu manunecatarrü, arrüna tiyebo aboi. Tapü ensoro amopünanaqui naucua uiti Tuparrü au napese.

2 Juan 1:8 Referans Kwoze

Hebreos 10:35

Tapɨ apiñokota napakokonaunku ɨmoti Tupax, tyopiki sane ane toxiobo aume ityobo.

Apocalipsis 3:11

Konto ñana isekatɨ tato. Asasatɨ nuxia tyaku axɨna ane obi tapɨ anati ikiaɨbutati apɨnanakikɨ axɨna toxiobo ñana aemo.

1 Corintios 3:14

Axtɨ axɨna uisamute chɨmamesopɨ ñana, ane ñana toxiobo aemo ityobo.

1 Corintios 3:8

Axɨbama mankɨturuma axɨbamaintyo basupiuruma tux chepatai nakaxɨma, taikianati taman ñana axti Tupax ane toxiobo ɨmoti ityobo axɨna yachɨkoiti.

Hebreos 12:15

Apapache nikiubu año tapɨ anati naki iñanatiyɨ pese pɨnanaki nikuasɨrɨkɨxti ɨmoti Tupax. Tapɨ chebo aboi anati naki chuxiampɨ nisɨborikixhti abaxɨpeku takana axone soes pichananene nixhanakax tyone takana picharax ɨmo namanaiña.

San Marcos 13:9

“Amasasai nuxia autakuapatoe. Tyopiki ityoximianama año ñana meku mayɨriabuka okɨsioma aume ubau sinagoga. Ikianama año esa axɨbama yarusɨrɨx nɨriakaxɨma ichopikiñɨ. Sane apityusiankata isukarɨma ta yaka auchepe.

Gálatas 3:4

¿Munatai axɨba chiyaupɨ omixhia manunekatax aume? ¡Tarukapae axtɨ munatai!

San Juan 4:36

Axti naki bapakɨtauruti ane toxiobo ɨmoti axɨmanu iyebo uiti tyone axɨna sɨborikixh champɨ nityakɨrux, nauki axti naki mankɨturu ichepeti naki bapakɨtauru taruku nipukɨnunkuxɨma.

Gálatas 4:11

¡Taruku nixhuku tapɨ munatai axɨna niyachɨkoi isamute tanu abaxɨpeku!

San Lucas 21:8

Aiñumuti Jesús: “Amasasai nuxia tapɨ autapeneka. Tyopiki kuamatɨ ñana sɨrɨmanama au nisɨri. Namatɨ ñana: ‘Unka axɨñɨ’, ‘axɨba naneneka chauki tɨtyoneio’ Axaño tapɨ amekatɨ isiuma.

Hebreos 10:32

Apakionsaño tɨkañe, naukiche aɨbo apasutiu nuraxti Tupax apiñata nuxia ɨmo nautakisɨrɨkɨ ui axɨna chɨtamampatai kuantio aume.

Filipenses 3:16

Sane naukiche, uisamunena nosɨboriki besɨro isiuki axɨna tiyebo osoi.

San Marcos 13:23

¡Amasasai nuxia! Nanaiña axɨba sane chauki tɨsurapoi ausukarɨ.

San Mateo 24:4

Aiñumuti Jesús nuraxɨma: –Amasasai nuxia tapɨ anati naki matachemakana aume.

1 Corintios 15:8

Au nityakɨrux ityusiankanatiyɨ sukarɨñɨ, axɨñɨ takanati naki simia anati iku kɨx sɨrotiki naneneka ɨmoti.

San Lucas 19:19

Saneityo nanti ɨmoti: ‘Axɨkɨ yɨriabuxɨkɨ ñana ñome cinco tube.’