2 Juan 1:5 - Manityanati Tupax

⁵ Kaɨma xhankikia amopɨnanaki masarukityaiki nauki ukuasɨrɨ oemoantoe. Axɨna xhakonomoka aume axɨna bakɨpukux chaɨboataipɨ, ta tyoneantoe axɨmanu toxio oemo naukiche uikokoroti Cristo.

Manitanati Tuparrü

⁵ Sane nauquiche rranquira apünanaquicü niquiasi, tari namanaiña oñü ocuasürüra oemoantoe. Arrüna sane nisura champürrtü nuevurrü nirracüpucu aume. Ta anancatai arrüna bacüpucurrü oemo auqui maübo.

2 Juan 1:5 Referans Kwoze

1 Juan 3:11

Tyone axɨna manityakax amonkoi auki maɨbo: tari ukuasɨrɨ oemomatoe.

1 Tesalonicenses 4:9

Kɨtɨpɨ axɨna naukuasɨrɨkɨ aumeampatoe axɨbama apikokokati Cristo, champɨ nɨmoche supakonomo aume, tyopiki axti Tupax uixhtiatoe aiñununekanati año kausane aukuasɨrɨ aumeampatoe.

San Juan 15:12

Tyone axɨna nixhakɨpuku aume: Aukuasɨrɨ aumeampatoe, takana naukuasɨrɨkɨ iñemo.

1 Juan 3:23

Axɨmanu yakɨpukuxti oemo ta nauki uikokoroti Jesucristo naki Aɨtoxti, nauki ukuasɨrɨtyo oemoantoe takana yakɨpukuxti Jesús.

1 Juan 4:20

Axtɨ anati naki nanti sane: “Kuasɨrɨti Tupax iñemo”, tapɨ kuatati yarukityoxti tɨborikotiatai, taruku ñapantuxti. Axtɨ chɨkuasɨrɨtipɨ oemo usaruki, naki basakati, chɨkuasɨrɨtipityo Tupax oemo, naki chubasakatipɨ.

1 Pedro 4:8

Tari taruku naukuasɨrɨkɨ aumeampatoe, tyopiki axɨna makumananaunkux ane maximiakatax uixh ñome axɨba nomɨnantɨ.

2 Pedro 1:7

tari akuasɨrɨma aume axɨbama aubarukityaiki au nɨrixhti Cristo, yopɨrɨkɨ nanaiña tari chepe nikuasɨrɨkɨxɨma aume namanaiña.

Hebreos 13:1

Taikiana taruku naukuasɨrɨkɨ aumeampatoe takana axɨbama aubarukiapatoe.

Efesios 5:2

Apakumananau ɨmo namanaiña, sane takana nukuasɨrɨkɨ tɨkañe ɨmoti Cristo ta koiñotityo otopiki. Axɨmanu nikonkoxti tyone takana axɨmanu koñoxtai nori makumanatax ɨmoti Tupax.

Gálatas 5:22

Tapɨ axɨna nisamukuxti Espíritu Santo, tyone numakumananaunku oemoantoe, axɨna nupukɨnunku axtɨ uxia osoi oemoantoe, axɨna masamunaunka aɨbuti kiatax, kuasɨrɨti kiatax oemo, nupukɨru tyakuti kiatax, nupukɨnunku,

San Juan 15:17

Tyone axɨna nixhakɨpuku aume: Nauki aukuasɨrɨ aumeampatoe.

2 Juan 1:1

Axti yɨriabux naki asaratitɨ tyakuma axɨbama samamekanama uiti Tupax axɨbama ikokoromati Jesús. Ñemanauntu aukuasɨrɨka iñemo, chaxɨpɨñɨantai, namanaiñaintyo axɨbama isuputakaimia axɨna ñemanauntu.