2 Corintios 3:5 - Manityanati Tupax

⁵ Axɨsomɨ champɨ sopisamute soboiyapatoe. Nanaiña axɨna sopisamute toxio suiñemo uiti Tupax,

Manitanati Tuparrü

⁵ Arrüsomü champü isane subaca nauqui sopisamune arrüna trabacorrü soboiyapatoe. Nanaiña arrüna sopiamute torrio suiñemo uiti Tuparrü.

2 Corintios 3:5 Referans Kwoze

2 Corintios 12:9

Tapɨti Yɨriabux Jesús nanti iñemo: “Axɨna nakuasɨrɨkɨ iñemo tyone axɨna naxiantɨmo. Axɨna niñoñema tusiankana nuxia kauta axɨna champɨ kusɨux.” Sane naukiche ñonkatɨ ñemoantoe tyopiki champɨ nisusɨu, nauki ayetɨ sɨtɨpɨñɨ noñemaxti Cristo.

Filipenses 4:13

Ui noñemaxti Cristo aruku nuxia iñemo nauki yɨro kutakikibo nanaiñantai.

1 Corintios 15:10

Ui nipukɨruxti Tupax chakuñɨ sane axɨna niyaka. Axɨmanu nipukɨruxti saɨbuñɨ chɨmunataipɨ, axɨñɨ sɨrɨmana axɨba niyachɨkoi omixhante sobi pɨnanakimia. Chɨsobiatoipɨ ta ui noñemaxti Tupax.

Filipenses 2:13

Tyopiki ui noñemaxti Tupax apisamute axɨna besɨro nausɨboriki, isamutenti sane tyopiki sane nixhankaxti.

San Juan 15:5

Axɨñɨ tyone axɨmanu nityakɨ uva, tapɨ axaño tyoneio axɨba niyupaka. Axti naki sɨsioti ichepeñɨ, axɨñɨntyo ichepeti, tyonenti takana nipia uva sɨrɨmana nɨtax. Axtɨ chiyakapɨ auchepe champɨ kokonobo aboi.

Santiago 1:17

nanaiña axɨba omixhia axɨna besɨro toxio oemo, kuatɨ auki napes, uiti Tupax, naki uiche aisamunenti nostoñeka iku napes. Axti Tupax kunauntañantai nakaxti, champɨ kiatax nakaxti champɨityo mapankax.

1 Corintios 3:6

Axɨñɨ xhankɨtuka, axti Apolo isupiutati tux, tapɨti Tupax uiti aisunaunkuti axɨmanu sɨro kɨtu.

San Lucas 21:15

ityopiki taruku ñana ñapanaunku nabura champɨti naki chuxiampɨ uiti aume aiñumuti kɨmenu nabura.

2 Corintios 4:7

Axɨna basarux auki napes ane okɨtɨpɨ, ane takana au siukux uxiante ui taux, nauki atusianka axɨmanu yarusɨrɨx nɨriakax ta kuatɨ esakiti Tupax chɨkuapɨtɨ okɨtɨpɨki.

1 Corintios 3:10

Axɨñɨ tyonenti naki ipiakati nuxia asamuti pox, ui noñemaxti Tupax toxio iñemo isamune axɨna nityɨmox, uiti kiatax aiñatɨnakati onɨ axɨmanu pox. Taikianati taman tari asaraiti nuxia kausane ñatɨnakakaxti,

2 Corintios 2:16

Ɨmoma axɨbama champɨ maximiakatax axɨna uxiantai norixh oriotɨ nori konkox ɨmoma, tapɨ axɨbama ane maximiakatax ɨmoma tyone nori sɨborikixh. ¿Ñakuti naki ane uiti nanaiña ɨmo axɨna sane?

San Lucas 24:49

Axɨñɨ xhakɨpukaiki aume axɨna toxiobo uiti Iyaɨ aume, axaño abasikiatai, auna Jerusalén, chepe axtɨ apasutiu nɨriakax auki napes.

Romanos 15:18

tyopiki axɨñɨ chɨtɨpɨ kiatax nisura, xhanityaka axɨna isamutenti Cristo saɨbuñɨ nauki axɨbama chɨtɨpɨ judíos aikokoma yakɨpukuxti Tupax. Tyone uxiante sobi oboi nixhanunekaka takanaintyo ui nisɨboriki,

2 Timoteo 2:2

Axɨna onkoi nisura sukarɨ sɨrɨmanama makiataka, nanaiña axɨba aityoximiasio mekuma axɨbama uxia nisɨborikixhimia axɨbamaintyo ipiakama anunekama ɨmo makiataka.