2 Corintios 1:16 - Manityanati Tupax

¹⁶ Aukimanu yɨrotɨ au Macedonia, auki Macedonia isetɨ tato yasaraño nauki amenotɨ saɨbuñɨ au Judea.

Manitanati Tuparrü

¹⁶ Primero irrancapü yapasearaño, y auqui irrancapü yerotü au Macedonia. Auqui taha irranca yasücübü tato aubesa. Sane nauqui puerurrü apayura iñemo ümo niyesa viajerrü au Judea. Pero chiyebopü iñemo arrüna sane niñapensaca.

2 Corintios 1:16 Referans Kwoze

Hechos 21:5

Naukiche tomenotɨ axɨmanio siete naneneka, somekatɨ namanaiña aukimanu, ichepe nanaiña nikɨpostoxɨma masiomanka sɨromatɨ suichepe icheeña pɨnanaki axɨmanio poka, naukiche tɨsopiñatai abeu narubaityu axɨmanu tux supachesoikia someanka.

Hechos 15:3

Bakɨpukux ɨmoma ui axɨmanuma ikokoromati Jesús auki Antioquía, nauki isiuki axɨna niyɨkɨxɨma auki axɨmanio kɨx Fenicia chepe Samaria, urapoimia kausane aiñokoma axɨmanuma chɨtɨpɨ judíos axɨna chaɨbopɨ ñakokonaunkuxɨma ɨmoti Tupax. Ui axɨna sane ipiatema, namanaiña axɨmanuma ikokoromati Tupax taruku nipukɨnunkuxɨma.

Romanos 15:26

Tyopiki axɨbama auki Macedonia aukityo Acaya auki noñemaxɨmantoe makiamanama ñakumanataboma ɨmoma axɨbama usarukityaiki taruku nityakisɨrɨkɨxɨma auki Jerusalén.

1 Corintios 16:11

Sane naukiche tapɨ anati naki chuxiampɨ ɨmoti nakaxti abaxɨpeku. Ta ausiapata chepeti nauki uxia niyekixhti asaratiñɨ, tyopiki axɨñɨ chepema axɨbama ikokoromati Jesús suixhanka sumasarati.