1 Timoteo 2:5 - Manityanati Tupax

⁵ Anati kunauntañatiatai Tupax, anatityo kunauntañatiatai naki uiche uxia uiti Tupax oemo axti Cristo Jesús.

Manitanati Tuparrü

⁵ Anati tamantiatai Tuparrü naqui ñemanauncurratoe, y anatito tamantiatai ñoñünrrü naqui uiche puerurrü aye osoi esati Tuparrü, ta arrti Jesucristo.

1 Timoteo 2:5 Referans Kwoze

Gálatas 3:20

Champɨ nɨmocheti kiatax ñoñɨnx tyopiki axti Tupax kunauntañantiatai.

1 Corintios 8:6

oemo anati kunauntañatiatai Tupax, naki Uyaɨ. Axti naki uiche ɨmotityo aisamunenti nanaiña axɨba abe iku axɨna kɨx.

Hebreos 9:15

Sane naukiche tyonenti Jesucristo naki manityanabo utaku ɨmo axɨmanu aɨbo ɨriotɨ oemo tatityo uiti Tupax. Tyopiki axti Cristo koiñoti nauki axti Tupax aixhimiakati nomɨnantɨ osoi axɨba uisamute tɨkañe naukiche usakaiki aɨbu axɨmanu kusɨrɨbo ɨriotɨ oemo, tyopiki ui nikonkoxti ane maximiakatax ɨmo mañoñɨnka, uityo nikonkoxti, namanaiña axɨbama samamekanama yasutiuma ñana axɨmanu toxiobo ɨmoma axɨna champɨ nityakɨrux ɨriotɨtɨ uiti tɨkañe ɨmoma.

Hebreos 7:25

Sane naukiche axti Jesús ane maximiakatax uiti ɨmoma axɨbama sɨromatɨ esati Tupax auki nakaxti, tyopiki sɨborikoti ɨmo nanaiña naskɨbeka, nauki ankiti pɨnanakiti Tupax tyakuma.

Hebreos 12:24

esatityo Jesús, naki tyopikiche ane axɨmanu aɨbo makionkox auchepe. Chapie ɨmo notoxti Jesús axɨna arapara naukiche koiñoti, axoñɨ ane maximiakatax oemo, tyone axɨna uxia nurax oemo pɨnanaki notoxti Abel.

San Juan 1:14

Axti maniki Manityakax oñɨnkati po'osoti auna uyaxɨpeku. Axoñɨ bastai niyarusɨrɨkɨxti, axɨna toxio ɨmoti uiti Yaɨtoti, ityopiki tyonenti kunauntañati Aɨtoxti, ityusiankatati usukarɨ axɨna nipukɨruxti takanaintyo axɨna ñemanauntu.

Romanos 10:12

Tyopiki chepatai nikuaxɨma axɨbama judíos takana axɨbamaintyo chɨtɨpɨ judíos. Tyopiki axti naki Yɨriabux tyonenti Yɨriabux ɨmo namanaina axɨbama akionomakɨ ɨmoti.

San Juan 17:3

Axɨmanu champɨ nityakɨru sɨborikixh tyone axɨna axtɨ isuputaramakɨ, axti naki ñemanauntu kunauntañatiatai Tupax, axtityo Jesucristo, naki obi aikɨpuruti.

Hebreos 8:6

Tapɨ axɨmanu yachɨkoboiboti Cristo uiti Tupax, naki yɨriabuxti ɨmoma axɨbama sacerdotes takanaintyo oemo, okɨmanati tyaku axɨmanu tratox uxia, axɨna champɨ takanache axɨba ɨriotɨ uixh oemo.

Efesios 4:6

Anati kunauntañati Tupax naki Uyaɨ, anati onɨ namanaiña, nanaiña axɨna uxiante ui namanaiña tyone nisamukuxti anatityo aɨbu namanaiña.

1 Corintios 8:4

Axtɨ ubaka axɨba makumanataka ɨmoma axɨbama matupaka nisamuku mañoñɨnka, tɨtusiu oemo axɨmanuma matupaka nisamuku mañoñɨnka champɨ nanenekichema iku axɨna kɨx, anati kunauntañati Tupax.

San Mateo 1:23

“Axɨmanu kupikixh kuatati simia kɨtɨpɨ anati ñana ipiaɨmakax, apiña ɨriboti ñana Emanuel” (nantɨ sane: “Anati Tupax ochepe”).

Apocalipsis 1:13

Kɨmuintya axɨmanio kantreruka yasakati taman kanapaepɨ tyonenti Jesús, naibixhti abaesa iñatai ityɨ nipopesti mapoñoenoti saimia nityusixhti ui nipoñoentoxti uxiante ui oro.

San Mateo 1:1

Tyone nɨrixhimia axɨbama kusɨrɨboma aɨbuti Jesucristo, nityakɨbaɨtuxti David tyonenti nityakɨbaɨtuxti Abraham.

Hechos 4:12

Champɨti kiatax uiche ane maximiakatax oemo, ityopiki iku axɨna kɨx, tyonentiatai axti naki ane nɨriakaxti aixhimiakati nomɨnantɨ osoi.

Romanos 1:3

Axɨmanu uxia manityakax kɨtɨpɨti Aɨtoxti, naki Yɨriabux Jesucristo, tyonenti nityakɨbaɨtuxti David isiuki nikɨtɨpɨxti.

1 Timoteo 6:13

Sukarɨti Tupax, naki uiche aisamunenti nanaiña axɨba abe, sukarɨtityo Jesucristo, naki nanti tɨkañe sukarɨti Pilato ta ikokoroti Tupax,

1 Juan 2:1

Aukuasɨrɨka iñemo takana axɨbama isaɨtaiki. Xhakonomoka aume axɨna kichonimiakax tapɨ apisamute nomɨnantɨ. Axtɨ anati naki isamutenti nomɨnantɨ, anati esati Uyaɨ naki okɨmanabo utaku, axti Jesucristo, naki uxia ñapanaunkuxti.

San Lucas 14:22

Koboi pariu, nanti maniki kumanakax: ‘Yɨriabux, nanaiña isamute axɨna nakɨpuku iñemo, sɨrɨmanainki tɨmoka.’