1 Timoteo 1:5 - Manityanati Tupax

⁵ Asamu nuxia iñemo aiñununekasama nauki ñemanaunkuxatoe akuasɨrɨma ɨmomantoe. Axɨbama champɨ kausane au nausasɨxɨma, axtɨ ñemanauntuityo ikokoromati Tupax, sane ñakumananaunkuxɨma.

Manitanati Tuparrü

⁵ Ucanü ümoma tari ñanunecanama nauqui acuama ümomantoe, y tapü mapensarama ümo arrüba chomirriampü. Tari isamutema urria auqui nausasürrüma, y tari oncomatü ümoti Jesús aübu narucurrü ümoma.

1 Timoteo 1:5 Referans Kwoze

1 Timoteo 1:19

Iyebo ñana obi takanati sortabox naki onkotitɨ nuxia ɨmoti Tupax naki champɨ tyopikiche chuxiampatai nuraxɨma ɨmoti.

Gálatas 5:22

Tapɨ axɨna nisamukuxti Espíritu Santo, tyone numakumananaunku oemoantoe, axɨna nupukɨnunku axtɨ uxia osoi oemoantoe, axɨna masamunaunka aɨbuti kiatax, kuasɨrɨti kiatax oemo, nupukɨru tyakuti kiatax, nupukɨnunku,

2 Timoteo 2:22

Tapɨ aisamute nanaiñantai nixhantɨmoma mayaɨka, apachesio tyone axɨna uixia mapanaunkux, makokonaunkux, makumananaunkux taikianaintyo uxia obi ɨmo makiataka, chepema axɨbama manaunuma aɨbu kicheseña nausasɨxɨma ɨmoti Yɨriabux Jesús.

2 Timoteo 1:5

Tyopiki xhakionkañɨ ɨmo axɨna ñemanaunkuxatoe nakokonaunku. Kusɨrɨbo tɨkañe apakokonau napoxityo Loida chepe napakɨma Eunice, tusiuityo nuxia iñemo ta axɨkɨ akokonaunkaityo.

2 Timoteo 1:3

Ñachampienkaka ɨmoti Tupax, naki ɨmoche yaserebikia aɨbu axɨna kicheseña niyausasɨ, takana axɨbama iyaɨtaiki tɨkañe, taikiana xhakionoñɨ akɨ axtɨ ñeanka au sapes autyo tobixh.

1 Pedro 3:21

Axɨmanu tux tɨkañe tyone axɨna tux uiche osɨrikia, tyone axɨna uiche kaɨma ane maximiakatax oemo. Axtɨ osɨrikia chɨtɨpɨ nauki uiyaxɨbi nokɨtɨpɨ, ta nauki manki pɨnanakiti Tupax uxia numapanaunku, ixhimiakatityo axɨba nomɨnantɨ osoi tyopiki ta sɨborikoti tato Jesucristo,

1 Pedro 3:16

apisamuse aɨbu nautakisɨrɨkɨ aɨbuityo napanaunku. Apisamuse nausɨboriki isiuki axɨna uxia napapanaunku, nauki axɨbama chuxiampɨ nuraxɨma ɨmo axɨna uxia nausɨboriki tyopiki apikokokati Cristo, akɨsoma tato oboi axɨba chomixhampɨ nuraxɨma.

1 Pedro 1:22

Axaño kaɨma apikokota axɨna ñemanauntu nuraxti Tupax, sane naukiche axti Tupax ikiaɨbutati aukɨtɨpɨki nanaiña nomɨnantɨ, nauki ñemanauntu akuasɨrɨma aume axɨbama usarukityaiki. Sane tari taruku naukuasɨrɨkɨ aumeampatoe aɨbu narukux aume.

2 Pedro 1:7

tari akuasɨrɨma aume axɨbama aubarukityaiki au nɨrixhti Cristo, yopɨrɨkɨ nanaiña tari chepe nikuasɨrɨkɨxɨma aume namanaiña.

Romanos 10:4

Tyopiki axɨmanu bakɨpukux uiti Moisés iñatai nityakɨrux aɨbuti Cristo, nauki namanaiña axɨbama ikokoromati uiti uxia nisɨborikixhimia.

Tito 1:15

Axɨbama uxia nisɨborikixhimia nanaiña uxia ɨmoma. Tapɨ axɨbama isamutema nomɨnantɨ champɨ uxia ɨmoma, chixhanxɨpɨmaintyo aikokoromati Jesús, tyopiki kunauntaña axɨna chuxiampɨ xhanxɨma aisamunema, choxonenepɨ ɨmoma axɨna sane nisɨborikixhimia.

1 Timoteo 3:9

Tari taikiana aikokoma nanaiña axɨba omixhia manityakax botoxio oemo uiti Tupax axɨba uikokokio, tari taikiana uxia ñapanaunkuxɨma.

2 Corintios 1:12

Ane axɨna tyopikiche taruku suipukɨnunku, tyopiki axɨna suiyausɨpɨ uixh uraboi ta besɨro suisɨboriki iku axɨna kɨx, takanaintyo aupu. Tyopiki axɨsomɨ chisomekapɨtɨ isiuki ñapanaunkuxɨma mañoñɨnka, ta somonkatɨ ɨmo noñemaxti Tupax.

1 Pedro 4:8

Tari taruku naukuasɨrɨkɨ aumeampatoe, tyopiki axɨna makumananaunkux ane maximiakatax uixh ñome axɨba nomɨnantɨ.

Santiago 4:8

Amekosi esati Tupax, axtityo kuatati aukɨmenu. ¡Axɨbama chuxiampɨ nausɨboriki, tapɨ abasikia apisamune axɨba nomɨnantɨ, axaño axɨbama auxianka akuasɨrɨti Tupax aume takanaintyo axɨna kɨx!

Hechos 23:1

Axti Pablo asaratitɨ ɨmo axɨmanuma mayɨriabuka nanti ɨmoma: –Ma sarukityaiki, axɨñɨ champɨ kausane nisɨboriki au axɨba naneneka sukarɨti Tupax.

1 Juan 3:3

Namanaiña axɨbama ikokotama nuxia ta uxiante ñana axɨna sane, bapacheroma nikiubuma nauki aisamunema axɨna uxia nisɨborikixhimia, takana nisɨborikixhti Cristo.

Hebreos 10:22

Sane naukiche kuri esati Tupax aɨbu kicheseña nuyausasɨ aɨbuityo ñemanauntu numakokonaunku, axɨbio nuxia nuyausasɨ pɨnanaki nanaiñantai nomɨnantɨ takanaintyo nokɨtɨpɨ axɨbio ui tux kɨcheseña.

1 Corintios 13:1

Axtɨ ipiaka nuraxɨma mañoñɨnka nuraxɨmaintyo axɨbama ángeles, axtɨ champɨ nikuasɨrɨkɨxɨma iñemo makiataka, axɨñɨ yaka takana axone yerux tañeno.

Romanos 14:15

Tapɨ axtɨ ityopiki pemakax axti aruki sucheboti, ta tyopiki axɨkɨ chɨkuasɨrɨtipɨ aemo. ¡Tapɨ auki naka napemaka aiñanatiyɨ pese naki ityopikiche akonti Cristo!

Romanos 9:1

Ñemanauntu sukanañɨ au nɨrɨxhti Cristo, chixhapankapɨ, axɨna nixhapanaunku uixh uraboi sukarɨñɨ ui noñemaxti Espíritu Santo, ta ñemanauntu axɨna sukanañɨ

Hechos 24:16

Sane naukiche nantax taikiana uxia nixhapanaunku sukarɨti Tupax takanaintyo sukarɨ namanaiña.

Hechos 15:9

Ɨmoti Tupax chepatai nakaxɨma takana nusaka, tyopiki moximiakanaintyo uiti ɨmoma axɨba nomɨnantɨ uimia ui axɨna ikokoromati.

San Mateo 12:35

Axti naki ñoñɨnx uxia nisɨborikixhti omixhia nuraxti tyopiki axɨna uxia au nausasɨxti nakax, tapɨti naki ñoñɨnx chiyaupɨ nomɨnantɨ uiti chomixhampɨ nuraxti tyopiki axɨna nomɨnantɨ ane au nausasɨxti.

San Mateo 5:8

“Taikiana chiyaupɨ nipukɨnunkuxɨma axɨbama champɨ nomɨnantɨ au nausasɨxɨma, ityopiki axɨma ñana asaramati Tupax.

1 Juan 3:23

Axɨmanu yakɨpukuxti oemo ta nauki uikokoroti Jesucristo naki Aɨtoxti, nauki ukuasɨrɨtyo oemoantoe takana yakɨpukuxti Jesús.

Hebreos 13:18

Apanki pɨnanakiti Tupax suichaku, tyopiki tusiu suiñemo champɨ sopipɨnate ɨmoti Tupax, tyopiki axɨsomɨ sopiñata nuxia nauki besɨro suisɨboriki.

Hebreos 9:14

Axtɨ sane, ¡notoxti Cristo taruku nɨriakax ñopɨnanaki noboto numukianka! Tyopiki ui noñemaxti Espíritu Santo, naki champɨ nityakɨru nisɨborikixhti, axti Cristo uixhtiatoe aityoximianatiyɨ ɨmoti Tupax takana makumanatax champɨ nomɨnantɨ kɨtɨpɨ, ui notoxti sɨrɨbu nomɨnantɨ okɨtɨpɨki axɨbaityo chomixhampɨ uisamukio axɨba oboiche uɨkatɨ ɨmo nokonko, nauki sane baserebi ɨmoti Tupax naki sɨborikoti.

Gálatas 5:6

Chapie ɨmoti Cristo Jesús, chauki champɨki nɨmoche axtɨ circuncidabo oñɨ o champɨ. Axɨna ane nɨmoche tyone axɨna numakokonaunku, axɨna numakokonaunku axtɨ uisamute tyaku makiataka.

Romanos 12:9

Tari ñemanaunkuxatoe naukuasɨrɨkɨ aumeampatoe. Amekosi isiu axɨna uxia mapanaunkux.

1 Timoteo 1:18

Axɨkɨ Timoteo, isaɨkɨ, nanaiña axɨba ikɨpukɨ aisamunio ta sane takana axɨmanu urapoimia tɨkañe axɨmanuma profetas akɨtɨpɨkɨ. Axtɨ aisamute nanaiña iyebo obi takanati taman sortabox ipiakati okɨmati tyakutiatoe.

1 Juan 3:10

Tɨtusiuma ñakusanema axɨbama aɨtoxti Tupax ñakusanemaintyo axɨbama aɨtoxti chobores, tyopiki axti naki chisamutentipɨ axɨna uxia chɨkuasɨrɨtipɨ yarukityoxti ɨmoti, chityonentipɨ aɨtoxti Tupax.