1 Pedro 3:7 - Manityanati Tupax

⁷ Tapɨ axaño mañoñɨnka, axɨbama tɨposoma, tari taruku naupukɨru tyaku naukɨposɨ, axaño tɨtusiu aume axɨna naukɨposɨ chisiupɨ niyupasɨux takana axaño, axti Tupax ɨriotɨ tɨkañe uiti ñome axɨna champɨ nityakɨru niyosɨborikixh. Axtɨ apisamute sane, onsapetioti Tupax nameanka.

Manitanati Tuparrü

⁷ Rracuansomocona baeta ümo mañoñünca bama tüposoma. Arraño tiene que apaquionaño que arrüba naucüposü champürrtü tarucapae niyucusüurrü. Sane nauquiche apasamunaun yupu, aübu rrespetorrü ñome. Sane nauqui puerurrü año apean yochepe, itopiqui arrti Tuparrü bacheboti yosüboriquibo arrüna chütacürusupü isiatai tacana aume.

1 Pedro 3:7 Referans Kwoze

Colosenses 3:19

Mañoñɨnka, tari aukuasɨrɨ aume naukɨposɨ apasamunau ñome.

Efesios 5:33

Axtɨ sane, tari taikianati taman akuasɨrɨ ɨmoti nikɨpostoti takana nikuasɨrɨkɨxti ɨmotiatoe, tari axɨna paɨx tari aiñanaunuti ikiana.

1 Corintios 7:3

Chepema axti ñoñɨnx takana paɨx tari uxia nisɨborikixhimia aɨbumantoe.

San Mateo 18:19

“Sukanañɨ aume axɨna sane: Axtɨ toxɨma abaxɨpekuki chepe ñakionkoxɨma iku axɨna kɨx nauki ankimia au neankaxɨma, naki Iyaɨ anati au napes toxio uiti ɨmoma.

1 Tesalonicenses 4:4

tari taikianati taman akuasɨrɨ nuxia ɨmoti nikɨpostotiatoe,

Efesios 6:18

Tapɨ tochenko nameanka. Apanki pɨnanakiti Tupax asamuti nuxia, apisamuse ui noñemaxti Espíritu Santo. Amasankatɨ nuxia, tapɨ apiñokota axɨna abaka aɨbu. Axtɨ ameanka apanki tyakuma namanaiña axɨbama ikokoromati Tupax.

Efesios 3:6

Axɨmanu nixhantɨmoti Tupax aisamunenti tyone axɨna: Aɨbuti Jesucristo, namanaiña mañoñɨnka ikuki kɨx nauki asuriuma, chepeti Cristo Jesús, axɨmanu toxiobo ɨmoma axɨmanu ɨriotɨ uiti Tupax ɨmoma axɨbama auki Israel.

Tito 3:7

chɨkoñopɨtɨ oemo, tapɨti yasuriuruti oñɨ uiti atusi oemo ta ñemanauntu ñana toxio oemo axɨmanu osɨborikibo champɨ nityakɨrux ensɨmunu tɨkañe.

Efesios 4:30

Tapɨ sucheboti aboi nesaxti Espíritu Tupax, naki uiche aiñanti aukɨtɨpɨ nɨrixhti axɨna uiche atusi ta axaño tyonema axɨbama aɨtoxti Tupax au axɨmanu nanenes ñana ñemanauntu ane maximiakatax aume.

Hebreos 1:14

Tyopiki namanaiña axɨbama ángeles tyonema axɨbama espíritu baserebioma ɨmoti Tupax, axɨbama bakɨpukux ɨmoma nauki asaramatɨ tyakuma axɨbama toxio ñana ɨmoma axɨna maximiakatax.

1 Pedro 3:1

Saneityo axaño axɨba paɨka, axɨba tɨboposo, apakokonau ɨmoma axɨbama apikianaño. Sane axtɨ chikokotapɨma nuraxti Tupax, ui axɨna nausɨboriki aɨbuma uixh kaɨma ikokotama. Champɨapae nɨmoche apanitya ɨmoma ui axɨnantai nausɨboriki aɨbuma,