1 Pedro 2:6 - Manityanati Tupax

⁶ Sane naukiche nantɨ iku Nikorox: “Samamekana sobi taman kanx axɨna taruku nikuax, sɨro sobi au Sión, nauki tyone axɨna kanx taruku nikuax ñopɨnanaki nanaiña pikiataka. Axti naki onkotitɨ ɨmo, chɨtapenekotipɨ ñana.”

Manitanati Tuparrü

⁶ Nantü sane icu Nicororrü: Arrüñü Tuparrü tabüco sobi taman canrrü coñorrtai y sürümanarrü. Iñata cütu itümobo nipo au na yiriturrü nürirri Sión au Jerusalén. Arrti naqui oncotitü ümo manu canrrü, chücüsobotipü ñana. (Abu manu canrrü coñorrtai, tonenti Cristo.)

1 Pedro 2:6 Referans Kwoze

1 Pedro 2:4

Ausiapatate, esati Yɨriabux Jesús, tyonenti axɨmanu kanx sɨboriko axɨna yarutaɨbutama mañoñɨnka, tapɨ ɨmoti Tupax tyone axɨmanu kanx samamekana tarukapae nikuax.

Efesios 2:20

Namanaiña axɨbama ikokoromati Jesús tyonema takana axɨna pox uxiante onɨ ñanunekakaxɨma axɨbama apóstoles chepetyo axɨbama profetas, au axɨmanu pox tyonenti Jesucristo axɨmanu kanx uxiampae.

San Marcos 12:10

“¿Chamastaipɨ iku Nikorox? Nantɨ: ‘Axɨmanu kanx yarutaɨbutama axɨbama masamunuma poka tyone axɨna kanx uxiampae.

Romanos 10:11

Nantɨ iku Nikorox: “Axti naki onkotitɨ ɨmoti, chɨkɨsobotipɨ ñana.”

2 Timoteo 3:16

Nanaiña axɨba Nikorox tyone noñemaxti Tupax taruku nɨmoche ɨmo manunekatax, makuansomokokox, ɨmo axɨna besɨro mapanaunkux,

San Juan 7:38

Axti naki ikokorotiñɨ, takana nantɨ iku Nikorox, kɨtɨpɨkiti obosɨro ñana nusɨruka aɨbu tux axɨna sɨboriko.

San Lucas 23:35

Namanaiña amonkoma akamanu astayomatɨ. Axɨmanumaintyo mayɨriabuka amonkoma aɨbu nunkuxɨma ɨmoti, namatɨ: –Makiataka añekanama uiti. Kaɨma tari añekati uixhtiatoe, axtɨ ñemanauntu tyonenti Mesías uiti Tupax naki samamekanati.

San Mateo 12:18

“Auna nakaxti isumanakata, tyonenti naki samamekanati sobi, taruku nikuaxti iñemo, naki uiche taruku nipukɨnunku. Iñana kɨtɨpɨti niyesa Espíritu, urapoiti ñana axɨna uxia mapanaunkux ɨmo namanaiña iku axɨna kɨx.

2 Pedro 3:16

Au nanaiña axɨmanio ñakonomosoxti manityanati aume yokɨtɨpɨ axɨba sane, abe axɨmanio bokorobo uiti chiyebopɨ nuxia aboi. Sane naukiche axɨbama champɨ nipiakaxɨma axɨbamaintyo chikokoropɨmati Jesús chiyebopɨ uimia, sane naukiche kiatax ñanunekaxɨma oboi takana aɨbu pikiataka Nikoroka, tyopiki axɨna sane isamutema manityomokonoti Tupax ñana ɨmoma.

2 Pedro 1:20

Yopɨrɨkɨ nanaiña tari atusi aume axɨna sane: champɨ ane Nikorox ui noñemaxti Tupax nauki manuneka uixh isiuki nuxianka.

Efesios 1:4

Samamekana oñɨ uiti Tupax aɨbuti Cristo aukiapae tɨkañe maɨbo uxiane axɨna kɨx, nauki tapɨ ane nomɨnantɨ osoi tapɨ anentyo kausane nosɨboriki au nastaxti.

Hechos 1:16

“Masarukityaiki, axɨmanio nanti tɨkañe David iku Nikorox ui noñemaxti Espíritu Santo, kɨtɨpɨti Judas, naki uiche aityoximianati Jesús ɨmoma axɨbama judíos.

San Lucas 20:17

Tapɨti Jesús asaratitɨ ɨmoma, nanti: –Auki kaɨma ¿isane nantɨ axɨba abe iku Nikorox?: ‘Axɨna kanx yarutaɨbutama axɨbama masamunuma poka tyone axɨna kanx uxiampae.’

1 Pedro 2:8

Iku Nikorox nantityo Sane: “Tyone axɨna kanx uiche sɨrɨmanama ñana taɨbɨkoma.” Axɨma taɨbɨkoma ñana axtɨ chikokotapɨma axɨmanio omixhia manityakax: tyone axɨna toxiobo ɨmoma.