1 Pedro 1:8 - Manityanati Tupax

⁸ Axaño kuasɨrɨti aume Jesucristo, abo chamasakatipɨ. Apikokokati abo chamasakatipɨ, taruku naupukɨnunku, axɨna champɨ uiche aburaboi,

Manitanati Tuparrü

⁸ Arrti cuasürüti aume, y apicococati, abu chamasacatipü. Ta tarucu naupucünuncu, champü tacanache,

1 Pedro 1:8 Referans Kwoze

San Juan 20:29

Nanti Jesús ɨmoti: –Aikokota ityopiki asakañɨ. ¡Taikiana chiyaupɨ nipukɨnunkuxɨma axɨbama ikokotama axtɨ chastaipɨma!

2 Corintios 5:7

Kaɨma champɨ nikiubu somɨ sumasarati, ta suisɨborikia tyopiki subaka aɨbu axɨna supakokonaunku.

Romanos 15:13

Axti Tupax naki uiche uxia numakionko, tari yachebati aupukɨnunkubu, taikiana axiaintyo uiti aume axaño axɨbama apikokokati, tari yachebati aukusɨubu ui noñemaxti Espíritu Santo.

Hebreos 11:1

Axtɨ oñonkatɨ nuxia ɨmoti Tupax, ta basutiu ñana axɨna ɨriotɨ uiti oemo. Ta uikokota axɨna chubastaipɨ.

San Juan 16:22

Saneityo axaño, autakisɨrɨka kaɨma ui nausucheki. Axɨñɨ isekatɨ tato ñana yasaraño, auki ñana taruku naupukɨnunku, champɨti ñana ikiaɨbutati amopɨnanaki naupukɨnunku.

2 Corintios 4:18

Tyopiki chubasakapɨtɨ ɨmo axɨna tusiu, ta basakatɨ ɨmo axɨna chɨtusiupɨ. Tyopiki axɨba butusiu kontoatae champɨ nanenekiche, tapɨ axɨba chɨbutusiupɨ champɨ niyutakɨrux.

1 Pedro 1:6

Sane naukiche axaño taruku naupukɨnunku, champɨ nɨmoche axtɨ ane makokotoka aume ñome mantukubatai naneneka.

Hebreos 11:27

Axti Moisés onkotitɨ ɨmoti Tupax, sane naukiche sɨrotitɨ auki Egipto, chɨbixhubutipɨ ñɨnana nityɨborixhti yɨriabux. Aruku nuxia ɨmoti, isamutenti nanaiña takana axtɨ asaratitɨ ɨmoti Tupax naki chɨtusiutipɨ.

1 Pedro 2:7

Axaño axɨbama apikokokata, axɨmanu kanx taruku nikuax. Tapɨ axɨbama chikokotapɨma isamutema takana nantɨ iku Nikorox: “Axɨmanu kanx yarutaɨbutama axɨbama masamunuma poka, tyone axɨna kanx taruku nɨmoche.”

Filipenses 4:4

¡Taikiana aupukɨnu nausɨboriki aɨbuti Cristo! Tɨsukanañɨ aume, ta sukanañɨ tatityo: ¡Taikiana aupukɨnu nausɨboriki aɨbuti Cristo!

1 Pedro 5:4

Sane axtɨ kuatati tato Cristo ñana, tyonenti naki yɨriabux ɨmoma axɨbama asaramatɨ autaku, toxio ñana aume yarusɨrɨx makumanatax axɨna champɨ nityakɨrux.

Efesios 6:24

Tari uiti aikunusɨankanati año namanaiña axɨbama taruku nikuasɨrɨkɨxti Yɨriabux Jesucristo ɨmoma.

Filipenses 1:25

Tusiu nuxia iñemo nanaiña axɨna sane, ta yasikiaiki auchepe nauki yasaratɨ autaku, sane taruku naupɨkɨnunku aɨbu napakokonaunku.

Romanos 14:17

Tyopiki ɨmo nɨriakaxti Tupax champɨapae nɨmoche axɨna aruki nanaiñantai ubaka o uchaka, ta uisamune axɨna uxia, taikiana uxia osoi oemoantoe nauki sane upukɨnu ui noñemaxti Espíritu Santo.

San Juan 14:24

Tapɨti naki chisuasɨrɨkapɨ ɨmoti, chisamutentipɨ isiu nixhakɨpuku. Axɨba manunekakax amonsapekio chɨtɨpɨ sobiatoe, ta uiti Iyaɨ, naki uiche aikɨpuruñɨ.

San Juan 8:42

Aiñumuti Jesús nuraxɨma: –Axtɨ ñemanauntupɨ aɨtoxti Tupax año, isuasɨrɨkapɨ aume, ityopiki axɨñɨ isekatɨ esakiti Tupax. Chisekapɨtɨ ui niñoñemantoe, uiti Tupax aikɨpurutiñɨ.

Filipenses 3:3

Tyopiki axɨbama ñemanauntu circuncidaboma ta axoñɨ, axɨbama ui noñemaxti Espíritu Santo uiñanaunkati Tupax tarukuityo nupukɨnunku tyopiki usaka chepeti Jesucristo. Choñonkapɨtɨ ñome axɨba ausɨratai ikuki axɨna kɨx.

Gálatas 5:22

Tapɨ axɨna nisamukuxti Espíritu Santo, tyone numakumananaunku oemoantoe, axɨna nupukɨnunku axtɨ uxia osoi oemoantoe, axɨna masamunaunka aɨbuti kiatax, kuasɨrɨti kiatax oemo, nupukɨru tyakuti kiatax, nupukɨnunku,

Gálatas 5:6

Chapie ɨmoti Cristo Jesús, chauki champɨki nɨmoche axtɨ circuncidabo oñɨ o champɨ. Axɨna ane nɨmoche tyone axɨna numakokonaunku, axɨna numakokonaunku axtɨ uisamute tyaku makiataka.

2 Corintios 12:4

sɨromatɨ aɨbuti au napes, kauta onkoiti manityakaka axɨba umanekana pɨnanaki mañoñɨnka nauki uraboimia.

2 Corintios 9:15

¡Chapie ɨmoti Tupax, tyopiki axɨna yarusɨrɨx ñakumanataxti oemo axɨna chɨtabɨkopɨ osoi usurapoboibo nauki machampienka ɨmoti!

2 Corintios 1:22

Sɨro uiti okɨtɨpɨ axɨna uiche atusi ta Yɨriabuxti oemo, sɨroityo uiti a nuyausasɨ noñemaxti Espíritu Santo ta ñemanauntu ñana axɨmanu toxiobo oemo.

Hechos 16:34

Auki sɨrotitɨ aɨbuma au nipoxti nauki a'ama, akamanu ichepe nanaiña axɨbama aɨtoxti taruku nipukɨnunkuxɨma ityopiki ikokoromati Tupax.

San Juan 14:21

Axti naki yasutiuti nixhakɨpuku isamutenti isiuki, sane ityusiankatati axɨna nisuasɨrɨkɨ ɨmoti. Axti Iyaɨ kuasɨrɨti ɨmoti naki isuasɨrɨka ɨmoti, ñemointyo kuasɨrɨti ityusiankakañɨ sukarɨti.”

San Juan 14:15

“Axtɨ isuasɨrɨka aume, apikokokio axɨba nixhakɨpuku.

San Mateo 10:37

“Axti naki taruku nikuaxti ɨmoti yaɨtoti ichepe nipiakɨtoti xhopɨnanakiñɨ, chɨkoñopɨtɨ ɨmoti ayetitɨ isiuñɨ.

1 Corintios 16:22

Axtɨ anati naki chɨkuasɨrɨtipɨ Yɨriabux Jesús ɨmoti, ¡tari pauxamanati uiti Tupax!

Efesios 3:19

Xhankikia pɨnanakiti Tupax nauki aye aboi axɨmanu ñakumananaunkuxti, ta taruku niyarusɨrɨkɨx pɨnanaki axɨna numapanaunku, nauki apisuputane ñapanaunkuxti Tupax.