1 Pedro 1:13 - Manityanati Tupax

¹³ Sane naukiche, amasankatɨ nuxia, apisamuse axɨna uxia. Amonkatɨ nuxia ta axti Tupax uxia nastaxti aume axtɨ tɨkuati tato Jesucristo.

Manitanati Tuparrü

¹³ Sane nauquiche apapensa nurria iyo arrüna urria napachücoi. Aparrüpera ümo manu ñacumanatarrti Tuparrü aume au manu nanenese ñana, arrtü cuati tato Jesucristo aübu nanaiña nanentacarrti.

1 Pedro 1:13 Referans Kwoze

1 Pedro 5:8

Amasasatɨ nuxia kɨmenu axɨna kuabotɨ aume, tyopiki axti naki chuxiampɨ uiti aume axti chobores anati takana nuitɨmɨx kɨrɨpɨo bapachero utuburibo.

San Lucas 12:35

“Apisamuse takana axɨbama koborioma apiña naupoñoento apiñonokoityo naubasaru.

1 Pedro 4:7

Tɨsaimia nityakɨrux nanaiña axɨna sane. Sane naukiche besɨro nausɨboriki apiña nuxia nameanka.

1 Pedro 3:15

Apanau ɨmoti Cristo naki Yɨriabux au nabausasɨ. Taikiana amasankatɨ nuxia nauki apanuneka ɨmoma axɨbama xhanxɨma atusi ɨmoma axɨna kɨtɨpɨche napakokonaunku,

Hebreos 9:28

sanentityo Cristo tamantai nikonkoxti, nauki ane maximiakatax tato oemo yotopiki axɨba nomɨnantɨ osoi. Auki kuatati tatityo, chɨtɨpɨ nauki akontiki yotopiki axɨba nomɨnantɨ osoi, ta nauki aye uimia nisɨborikixhimia axɨbama ikokoromati.

1 Juan 3:3

Namanaiña axɨbama ikokotama nuxia ta uxiante ñana axɨna sane, bapacheroma nikiubuma nauki aisamunema axɨna uxia nisɨborikixhimia, takana nisɨborikixhti Cristo.

2 Timoteo 4:8

Ane toxiobo iñemo axɨna icharusɨbo koñotɨ yasuriu axɨna toxio ñana iñemo uiti Yɨriabux, tyopiki uxia ñapanaunkuxti, au axɨmanu nanenes ñana. Chiñemoantaipɨ ta ɨmo namanaiña axɨbama kuasɨrɨti ɨmoma chepe axtɨ tɨkuatati tato ñana.

Efesios 6:14

¡Amasasatɨ nuxia! Tari axɨna ñemanauntu chepe axɨna besɨro ñapanaunkuxti Tupax ameno aukɨtɨpɨ nauki amokɨma autaku.

1 Corintios 1:7

Sane naukiche nanaiña ñakumanataxti Tupax ane aboi axɨna abaka aɨbu nauxianka amasarati Yɨriabux Jesucristo ñana axtɨ tɨkuatati tato.

San Lucas 17:30

Saneityo ñana au axɨmanu nanenes axtɨ kuatati tato Aɨtoxti ñoñɨnx.

Hebreos 10:35

Tapɨ apiñokota napakokonaunku ɨmoti Tupax, tyopiki sane ane toxiobo aume ityobo.

Hebreos 6:19

Axɨna kɨmenuche nupukɨnunku uixh aruku nuxia oemo, uixhtyo uxia naka nuyausɨpɨ, tyone takana taman naipo canoa. Axɨna pukɨnunkux ta uiti Cristo naki iyebo uiti pɨrɨkɨ axɨmanu cortina kauta nakaxti Tupax au napes,

Hebreos 3:6

Tapɨti Cristo, naki Aɨtoxti, makokonaunxti au nipoxti Tupax axɨmanu pox ta axoñɨ, axtɨ oñonkatɨ nuxia aɨbu nupukɨnunku.

2 Timoteo 4:5

Axɨkɨ asasatɨ nuxia tyaku axɨna besɨro napanaunku, tari aruku nantax aemo aɨbu natakisɨrɨkɨ, sɨsiokɨ aɨbu nanunekaka axɨba omixhia manityakax, aisamuse nuxia axɨna nachɨkoi.

1 Corintios 13:13

Abe trex axɨba chɨbutakɨrusupɨ: axɨna uikokokati Jesús, axɨna nubaxɨperaka axɨnaintyo nukuasɨrɨkɨ oemoantoe, axɨna yarusɨrɨx omeanaki tyone axɨna nukuasɨrɨkɨ oemoantoe.

Romanos 13:13

Uikoñokona nosɨboriki takana axtɨ usaka au sapes. Uiñokoniona axɨmanio yarusɨrɨka basapakax nantax aɨbu norisɨbakax, tapɨ apityoximiata naukɨtɨpɨ ɨmo nomɨnantɨ, tapɨ autɨborikia aumeampatoe tapɨ abubatio nenaxi makiataka.

2 Tesalonicenses 1:7

Axtɨ tɨkuatati tato Yɨriabux Jesús auki napes, eana nonko pes, aɨbuma axɨbama ángeles, axti Tupax ane maximiakatax uiti aume sane takana isamutenti suiñemo.

San Lucas 17:8

Chɨsanempɨ, ta nanti ɨmoti: ‘Apache xhutuburiboñɨ, asikia auna yesañɨ asaratɨ chakuñɨ chepe axtɨ tɨchauki nixhaka chaukityo nichaka. Auki kaɨma a'aka achakaityo.’

Romanos 8:19

Nanaiña axɨba omixhiante uiti Tupax xhanxɨma asaraimia axɨmanu nanenes auche ñana atusianka ta ñemanauntu aɨtoxti Tupax oñɨ.

Colosenses 3:4

Axti Cristo tyonenti axɨna nausɨboriki. Axtɨ kuatati tato ñana, axañointyo abaka ñana chepeti nauki aupukɨnuintyo ui nanentakaxti.

1 Pedro 1:10

Axɨbama profetas tɨkañe astaimia nuxia nanaiña kɨtɨpɨ axɨmanu maximiakatax, urapoimiaintyo kɨtɨpɨ axɨmanu toxiobo ñana aume uiti Tupax aɨbu nipukɨruxti.

1 Pedro 5:12

Axti Silvano, tyonenti makonomonoti chepeñɨ axɨna nixhakonomoso aume. Tusiu iñemo ta ikokoroti Cristo. Xhakonomoka nauki xhanuneka aume suraboityo ausukarɨ ta nanaiña axɨba omixhia botoxio aume uiti Tupax uixh atusi ta taruku naukuasɨrɨkɨ ɨmoti. Apikoko ta aukuasɨrɨka ɨmoti Tupax.

San Mateo 20:4

Nanti ɨmoma: ‘Amekosityo axaño au niyo akamanu ane apachɨkoboibo, xhapakaka nuxia aume.’ Axɨma sɨromatɨ.