1 Juan 5:7 - Manityanati Tupax

⁷ Trexɨma axɨbama astaimia axɨna sane:

Manitanati Tuparrü

⁷ Así que abe trerrü piaracaca uiche atusi oemo que arrti Jesús tonenti Cristo:

1 Juan 5:7 Referans Kwoze

San Mateo 28:19

Sane naukiche, amekosi au nanaiña iku axɨna kɨx, apiñununekasama namanaiña nauki aikokoromañɨ. Apaunimia ɨmoma au nɨrixhti Iyaɨ, axti Aɨtoxti axtityo Espíritu Santo.

Hechos 5:32

Axɨsomɨ sumastai, sane naukiche suburapoi sukarɨ namanaiña axɨna sane, axtityo Espíritu Santo, axti naki toxioti ɨmo axɨbama ikokotama yakɨpukuxti.

San Juan 1:1

Aukiapae tɨkañe anankatai axɨmanu Manityakax. Axɨmanu Manityakax anankatai ichepeti Tupax ta tyonentiatoe Tupax.

Hechos 2:33

Naukiche tɨsɨrotitɨ tato uiti au napes tɨmonsoti uiti au nepanaunkuxti. Uiti Tupax toxioti Espíritu Santo ɨmoti Jesús. Uiti kaɨma toxio suiñemo axti maniki Espíritu Santo, ityopiki urapoiti tɨkañe suisukarɨ. ¡Tyone axɨna kaɨma amonkoi ta amastaityo!

1 Juan 5:6

Naukiche kuatati Jesucristo iku axɨna kɨx, ɨrioti ui tux, naukiche koiñoti arapara notoxti, axti Espíritu Santo astaiti nanaiña axɨna sane, nanaiña axɨna nanti Epíritu tyone axɨna ñemanauntu.

San Juan 8:54

Aiñumuti Jesús nuraxɨma: –Axtɨ uxia nisura sɨtɨpɨñɨantoe, axɨmanu nisura sɨtɨpɨñɨantoe champɨ nanenekiche. Axti Iyaɨ tyonenti naki uxia nuraxti sɨtɨpɨñɨ, tyonenti naki amukanaño Tupaxti aume.

San Mateo 17:5

Naukiche anankatiki Peru manityanati, taman kɨsaɨbox kuara nuxia tochenko onɨma, eanaki axɨmanu kɨsaɨbox rabotɨ taman manityakax, nantɨ sane: “Axti naki tyonenti Isaɨti taruku nikuaxti iñemo, naki samamamekanati sobi: amonsapesio nuraxti.”

San Juan 10:30

Axɨñɨ ichepeti Iyaɨ kunauntañantai subaka.

San Juan 5:26

Sane takanati Iyaɨ ane nisɨborikixhti uitiatoe, saneityo isamutenti nauki axti Aɨtoxti anentyo nisɨborikixhti uitiatoe,

Apocalipsis 19:13

Ane naibixhti ununu au notox, nɨrixhti tyone: Nuraxti Tupax.

San Juan 12:28

Xhankiriora sane pɨnanakiti Iyaɨ: “Aityusianka nɨriaka iku axɨna kɨx.” Auki rabotɨ manityakax auki napes, nantɨ sane: “Chauki tɨtusiankana sobi nisɨriaka, ta kaɨma ityusiankata tatityo.”

San Juan 8:18

Axtɨ sane, axɨñɨ uxia nisura sɨtɨpɨñɨantoe, axtityo Iyaɨ naki uiche aikɨpurutiñɨ, uxiaintyo nuraxti iñemo.

San Mateo 18:16

Axtɨ chonkoitipɨ nura, aityasusuma toxɨma achepekɨ, nauki nanaiña axɨna urapoiti akɨtɨpɨkɨ tusiu ɨmo axɨbama trex.

1 Juan 1:1

Supakonomoka aume kɨtɨpɨ axɨmanu aukiapae ñemonkox anankatai, axɨna somonkoi sumastai sopiñentaityo. Tyone axɨmanu manityakax ɨmo sɨborikixh.

San Juan 14:17

Manunekanati ñana aume yokɨtɨpɨ axɨba ñemanauntu. Axɨbama chikokoropɨmati Tupax tarukuityo nontarabekixhimia yutaku axɨba ikuki axɨna kɨx, chiyasuriurupɨmati Espíritu Santo, ityopiki chasaramatipɨ chisuputarapɨmatityo. Tapɨ axaño ausuputakati ityopiki anati auchepe, sɨsiotityo abaxɨpeku ñana.

San Juan 15:26

“Axtɨ kuatati ñana naki Okɨmanabo autaku axti naki sobi ñana ikɨpuruti auki noñemaxti Iyaɨ, tyonenti naki ñemanaunkuxatoe Espíritu Santo axti naki kuatati kɨtɨpɨkiti Iyaɨ, tyonenti manityanati ñana aume ichoboñɨ.

1 Juan 5:8

Nesaxti Espíritu Tupax, axɨmanu tux uiche ɨriti, notoxti Jesús axɨmanu arapara kɨtɨpɨ kurusɨx naukiche tɨkoiñoti. Axɨmanio trex tyoneantoe nuburax.