1 Juan 3:20 - Manityanati Tupax

²⁰ Sane axtɨ nuyausasɨ ane urapoboibo okɨtɨpɨ, axti Tupax taruku niyarusɨrɨkɨxti pɨnanaki nuyausasɨ, nanaiñaintyo tusiu ɨmoti.

Manitanati Tuparrü

²⁰ Itopiqui arrtü oñonquisio arrüna nuipünate au nuyausasü, arrti Tuparrü manrrü tusio ümoti oñopünanaqui nanaiña arrüna nuipünate, itopiqui arrti nanaiñantai tusio ümoti.

1 Juan 3:20 Referans Kwoze

Hebreos 4:13

Champɨ axɨna nisamukuxti Tupax iñanekanɨ pɨnanakiti. Nanaiña ane au nanentax sukarɨti naki uiche ñana asaraiti axɨna nosɨboriki.

1 Corintios 4:4

Au nixhakionko champɨ nomɨnantɨ sobi, chuixhipɨ ñemanauntu uxia nisɨboriki. Axti Yɨriabux auki napes tyonenti naki uiche asaraiti.

1 Juan 4:4

Masaɨtaiki, aɨtoxti Tupax año tyopiki chapikokokapɨma axɨmanuma mañapanka, tyopiki axti taruku nɨriakaxti pɨnanakiti maniki chuxiampɨ uiti ɨmoti.

San Juan 21:17

Tɨtabe trex ñankikixhti pɨnanakiti nanti ɨmoti: –Simón, aɨtoxti Kuan, ¿isuasɨrɨka aemo? Auki sucheboti Peru tyopiki tɨtabe trex ñankikixhti pɨnanakiti axtɨ kuasɨrɨti ɨmoti. Aiñumuti nuraxti: –Yɨriabux, tusiu aemo nanaiña: axɨkɨ tusiu aemo ta akuasɨrɨka iñemo. Nanti Jesús ɨmoti. –Asasatɨ yutaku niyabu nobixhaka.

Apocalipsis 2:23

Ɨmoma axɨbama aɨtoxɨma koiñoma sobi, auki namanaiña axɨbama ikokoromañɨ ta axɨñɨ tusiu iñemo axɨna ane au nityanuxɨma au nausasɨxɨma. Axɨñɨ ityoximiata aume isiuki axɨna uxiante aboi.

Tito 3:11

sane tusiu aemo axti maniki ñoñɨnx chauki chuxiankipɨ nisɨborikixhti ui axɨmanu nomɨnantɨ uiti tusiu ta ane nipɨnatenti.

San Juan 8:9

Naukiche onkoimia axɨna nuraxti sane, taikianati taman sɨromatɨ tato, kusɨrɨboma aɨromatɨ tato axɨbama tɨyarusɨrɨma. Naukiche tɨsɨsioti Jesús tamanti ichepe axɨmanu paɨx,

Hebreos 6:13

Naukiche tɨkañe axti Tupax ɨriotɨ uiti ɨmoti Abraham, nanti au nɨrixhtiatoe, tyopiki champɨti kiatax yɨriabux pɨnanakiti naki au nɨriche nanti.

Hechos 5:33

Naukiche onkoimia axɨna sane, axone nuxia nityɨborixhimia, auki xhanxɨma aityabairoma.

Romanos 8:34

¿Ñakuti naki uiche uraboiti isane ñana axɨna toxiobo ɨmoma? Axti Cristo tyonenti naki koiñoti. Tyonentityo naki sɨborikoti tato, anati au nepanaunkuxti Tupax, tyonentityo naki mankioti utaku.

1 Juan 3:19

Sane atusi oemo ta axoñɨ uisamute axɨna ñemanauntu, sane champɨ arapoboiboti Tupax oemo.

1 Juan 3:21

Masarukityaiki, axtɨ nuyausasɨ champɨ urapoboibo okɨtɨpɨ, sane oñonkatɨ ta axti Tupax champɨityo urapoboiboti oemo.