1 Juan 3:13 - Manityanati Tupax

¹³ Masarukityaiki, tapɨ aukɨtobɨka, axtɨ tɨborikomantai aukuata axɨbama ikuki axɨna kɨx.

Manitanati Tuparrü

¹³ Pero tütusiatai aume, masaruquitaiqui, que saneantai niyachücoimia bama macrirrtianuca icu na cürrü ümo bama urria nisüboriquirrimia. Sane nauquiche tapü aucütobüca, arrtü tüboricomantai aume.

1 Juan 3:13 Referans Kwoze

San Juan 17:14

Chauki tɨsurapoi sukarɨma axɨmanio omixhia nanityaka, tapɨ axɨbama ikuki axɨna kɨx chuxiampɨ uimia ɨmoma ityopiki axɨma chityonempɨma ikuki axɨna kɨx.

San Lucas 21:17

namanaiña ikuki axɨna kɨx taruku ñana nityɨborixhimia aume ichopikiñɨ.

Santiago 4:4

Axaño chɨkuasɨrɨtipɨ Tupax aume champɨityo axtɨ apakokonaunka ɨmoti. Unka tusiu aume axti naki nityurapataxti axɨna kɨx tyonenti naki tɨborikotiatai ɨmoti Tupax. ¡Ñemanauntu ta sane! Axtɨ axaño uxia aume axɨba nomɨnantɨ ikuki axɨna kɨx, sane naukiche autɨborikiatai kuatati Tupax.

2 Timoteo 3:12

Ñemanauntu, namanaiña axɨbama xhanxɨma besɨro nisɨborikixhimia aɨbuti Cristo Jesús tyopiki chiyaupɨ ñana nityakisɨrɨkɨxɨma.

San Marcos 13:13

Namanañantai ñana tɨborikoma aume ichopikiñɨ. Tapɨti naki chɨtapenekotipɨ ichepe nityakɨrux, iyebo uiti champɨ nityakɨru nisɨborikixhti.

Romanos 8:7

Axɨbama isamutema isiuki nixhantɨmo nikɨtɨpɨxɨma tyonema axɨbama chuxiampɨ uimia ɨmoti Tupax, tyopiki chixhanxɨpɨma aisamunema yakɨpukuxti Tupax.

San Juan 16:33

Sukanañɨ nanaiña axɨna sane ausukarɨ, nauki uxia nausɨboriki axɨna abaka ichepeñɨ. Iku axɨna kɨx, autakisɨrɨka ñana. Tapɨ oxonene aume, axɨñɨ batacheboma sobi axɨbama mayɨriabuka ikuki axɨna kɨx.

San Juan 7:7

Axɨbama ikuki axɨna kɨx champɨ tyakuche atɨborimia aukuata. Tapɨ suatañɨ tɨborikomantai, ityopiki axɨñɨ ityusiankata sukarɨma nanaiña axɨna chuxiampɨ nisɨborikixhimia.

San Lucas 6:22

Aupukɨnu axtɨ makiataka tɨborikomantai aukuata, axtɨ ipenenoma año, uratokioma aume, chuxiampɨ ɨmoma onkoimia nabɨri takana axɨna chuxiampɨ, auki nakaxti naki Aɨtoxti ñoñɨnx.

San Mateo 24:9

“Auki iñamanamapo año ñana, ameketɨ ñana uimia esa mayɨriabuka nauki autakisɨrɨka uimia. Ityabairoma año, namanaiñantai ñana ikuki axɨna kɨx champɨti uxia uiti aume auki niyaka.

San Mateo 10:22

Namanaiñantai tɨborikoma ñana aume auki niyaka. Naki chɨbatachebopɨ aɨbu ñakokonaunkuxti ichepe nityakɨrux, tyonenti naki iyebo ñana uiti isɨborikiboti.

Hechos 3:12

Naukiche astaiti Peru axɨna sane, nanti ɨmoma: “Axaño axɨbama auki Israel: ¿Isane uiche taruku naukɨtobɨ? ¿Kausane abasikia amastaikiatɨ suiñemo sane? ¿Takana axtɨ soboiyapatoe uxiankati tato naki ñoñɨnx?

San Juan 16:2

Ipenenoma año ñana auki sinagoga, kuantionki ñana axɨmanio naneneka, axtɨ anati naki ityabairoti año au ñakionkoxti baserebioti ɨmoti Tupax.

San Juan 3:7

Tapɨ kiatax nakionko ui axɨna sukanañɨ aemo: ‘Namanaiña yebamatɨ tato iku kɨx.’

Apocalipsis 17:7

Auki nanti maniki ángel iñemo: “¿Kausane akɨtobɨ? Suraboira asukarɨkɨ isane nixhantɨmo nantɨ axɨna astai. Suraboira asukarɨkɨ ñakusane axɨmanu paɨx, ñakusaneityo axɨmanu yarusɨrɨx numukianx abe siete nityanux chepe diez nityapakɨx axɨna chakuche ane.