1 Corintios 9:5 - Manityanati Tupax

⁵ Nauki anentyo paɨx suisiu axɨna ikokoroti Jesús, sane takana makiataka axɨbama apóstoles, axɨbamaintyo yarukityoxti Yɨriabux Jesús, axtityo Cefas.

Manitanati Tuparrü

⁵ Puerurrütaipü ipo aübu taman paürrü arrüna icocoroti Jesús, nauqui iquiapü isiuñü au viajerrü, tacana arrüna isamutema bama maquiataca apostolerrü y bama yaruquitorrti Señor, y arrti Pedro.

1 Corintios 9:5 Referans Kwoze

San Juan 1:42

Auki sɨrotitɨ Andrés aɨbuti Simón esati Jesús. Naukiche asaratitɨ Jesús ɨmoti, nanti ɨmoti: –Axɨkɨ Simón, aɨtoxti Kuan, tapɨ kaɨma sɨro ɨribokɨ Cefas (nantɨ sane: Peru).

San Mateo 8:14

Yebotitɨ Jesús au nipoxti Peru, tabɨko uiti nipiakɨstoti ananka barɨkɨro pakɨtayo.

Hebreos 13:4

Axɨbama posoma tari ane ñanaunkuxɨma ɨmomantoe takana axɨna taruku nikuax aume. Tyopiki axti Tupax astaiti ñana axɨna isamutema axɨbama xhanxɨma ɨmomantoe takanaintyo ɨmoma axɨbama posoma chɨmanuanupɨma ɨmomantoe.

Gálatas 1:19

Chiyasakapɨma axɨmanuma makiataka apóstoles, kunauntañantiatai Santiago yasakati yarukityoxti Yɨriabux Jesús.

1 Corintios 7:39

Axɨna paɨx poso ane nɨriakaxti ikiana ɨmo axtɨ sɨborikotiki. Tapɨ axtɨ koiñoti, tyone axtɨ xhanx poso tatityo aɨbuti naki uxianti au ñakionkox, axti naki ikokoroti Yɨriabux Jesús.

1 Corintios 7:7

Axɨna nixhanka ta nauki namanaiña mañoñɨnka aisamunema takana axɨñɨ. Tapɨti Tupax toxio uiti taikiana ɨmoti taman axɨna yachɨkoboiboti.

Hechos 1:14

Namanaiña yacheataxɨma aiyoberabaramakɨ nauki eama yochepe paɨka, aɨbu Mariax, nipiakɨtoti Jesús, ichepetyo axɨmanuma yarukityoxti.

Tito 1:6

Yɨriabuxti ɨmoma axɨbama ikokoromati Jesús tari champɨ urapoboiboma kɨtɨpɨti. Tari posoti aɨbu tamantai paɨx, axɨbama aɨtoxti tari aikokoromati Jesús tapɨ ausɨratai nuraxɨma makiataka kɨtɨpɨma oboi axɨba chomixhampatai nisɨborikixhimia.

1 Timoteo 5:2

Ñome axɨba poximianka anitya takana axtɨ anityaka aɨbu napakɨmantoe. Axɨba kupikikia anitya ñome takana axtɨ anityaka ñome nakiasityaiki, tari uxia nakionko yupu.

1 Timoteo 3:2

Sane naukiche, axti naki ane nɨriakaxti tari uxia nisɨborikixhti tapɨ ane urapoboiboma makiataka kɨtɨpɨti. Tari kunauntañantai nikɨpostoti tapɨ chebo uiti aisamunenti chɨtamampatai nixhantɨmoti, tari uxia nisɨborikixhti besɨro ñapanaunkuxti. Tari makumananaunxti ɨmoma axɨbama iñataimia au nipoxti. Tari aipiati anunekati.

1 Corintios 7:15

Axtɨ axti ñoñɨnx chepe paɨx axɨbama chikokoropɨmati Jesús xhanxɨma aiñokonomakɨ tari aisamunema. Tyopiki axɨna sanenti ñoñɨnx chepe paɨx sɨsioma pese nakaxɨma pɨnanakimiantoe, tyopiki axti Tupax ityasuruti año nauki uxia aboi aumeampatoe.

1 Corintios 1:12

Sukanañɨ aume aboma abaxɨpeku axɨbama namatɨ: “Axɨsomɨ sopikokokati Pablo”. Makiataka namatɨ: “Axɨsomɨ sopikokokati Apolo”. Abomaintyo axɨbama namatɨ: “Axɨsomɨ sopikokokati Cefas.” Tapɨ makiataka namatɨ: “Axɨsomɨ sopikokokati Cristo.”

Romanos 16:1

Au nisɨri amasasatɨ tyaku nokiasi Febe, tyone baserebio ɨmoma axɨbama ikokoromati Tupax auki Cencrea.

San Juan 2:12

Yopɨrɨkɨ nanaiña axɨba sane sɨrotitɨ au Cafarnaúm, ichepe nipiakɨtoti, axɨbama yarukityoxti axɨbamaintyo nesaxti apóstoles. Akamanu amonkoma sɨrɨmana naneneka.

San Lucas 6:15

axti Mateo, axti Tyomanxi, axti Santiago, aɨtoxti Alfeo. Axti Simón, naki nɨrixhti uimia celote,

San Marcos 6:3

¿Chɨtyonentipɨ carpinterux naki, naɨto Mariax, yarukityoxti Santiago, axti Kiosen, axti Judas axtityo Simón? ¿Axɨba nikiastyoti bopo'oso auna uyaxɨpeku? Chikokoromatipɨ.

San Marcos 1:30

Axɨmanu nipiakɨstoti Simón ananka iku nikɨrux, pakɨtayo. Urapoimia sukarɨti Jesús,

San Mateo 13:55

¿Chɨtɨpɨ aɨtoxti maniki masamunuti tɨmoka, chɨtɨpɨ Mariax nipiakɨtoti? ¿Chɨtɨpɨ axti yarukityoti Santiago, Kiosen, Simón axtityo Judas,

1 Timoteo 4:3

Axɨbama mañoñɨnka chuxiampɨ ɨmoma axtɨ anati poso chuxiampityo ɨmoma axtɨ ubaka axɨba pikiataka nisamukuxti Tupax utuburiboma namanaiña axɨbama ikokoromati Tupax axɨbamaintyo isuputakaimia axɨna ñemanauntu, aɨbu ñachampienkakaxɨma ɨmoti.

1 Corintios 7:8

Ɨmoma axɨbama chɨposopɨma axɨbaityo biuraka sukanañɨ ɨmoma uxia axtɨ chɨposopɨma tato, takana axɨñɨ.

San Lucas 8:20

Tamanti urapoiti isukarɨti Jesús: –Napakɨma ichepe axɨbama arukityaiki aboma tyɨrɨpo, xhanxɨma asaramakɨ.