1 Corintios 9:1 - Manityanati Tupax

¹ Axaño chamukanañopɨ iñemo ta axɨñɨ chanankapɨñɨ isiuti Jesús, axɨñɨ yasakati Jesús naki yɨriabuxti oemo, ui axɨna niyachɨkoi axaño apikokokati Yɨriabux Jesús.

Manitanati Tuparrü

¹ Chiyaserebiquiapü ümo mañoñüncatai. Yaserebiquia ümoti Tuparrü tacana nesarrti coreorrü. Yasacati tücañe Jesús, naqui Señor. Arraño nirracanasa año ui arrüna niyaserebiqui ümoti Señor.

1 Corintios 9:1 Referans Kwoze

Hechos 9:17

Sɨrotitɨ Ananías au axɨmanu pox kauta anankati Saulo. Naukiche sɨrotitɨpo iñatati ne'esti ityati, nanti ɨmoti: –Saruki Saulo, axti Yɨriabux Jesús, tyonenti maniki ityusiankanatiyɨ asukarɨkɨ isiu kutubiux naukiche ayekatɨ tauna, ikɨpurutiñɨ nauki sobi uxia tato nasata, nauki aɨroityo akɨtɨpɨkɨ noñemaxti Espíritu Santo.

1 Timoteo 2:7

Axti Tupax ikɨpurutiñɨ suraboi axɨba omixhia manityakax sukarɨma axɨbama chɨtɨpɨ judíos. Axɨna sukanañɨ ta ñemanauntu, sane axtɨ oñonkatɨ ɨmoti Tupax. Ñemanaunkuxatoe sukanañɨ aume ta chixhapankapɨ.

1 Corintios 3:6

Axɨñɨ xhankɨtuka, axti Apolo isupiutati tux, tapɨti Tupax uiti aisunaunkuti axɨmanu sɨro kɨtu.

Hechos 23:11

Au axɨmanu kiatax tobixh, axti Yɨriabux ityusiankanatiyɨ sukarɨti Pablo, nanti ɨmoti: “Tapɨ aixhuka Pablo, sane takana urapoi nisɨri auna Jerusalén, saneityo urasoi nisɨri au Roma.”

Hechos 9:3

Naukiche tɨtanati saimia axɨmanio poka au Damasco, kuatɨ anentax tyupekuti auki napes.

1 Corintios 9:19

Axɨñɨ champɨti ɨmoche yaserebikia, tapɨ kaɨma yaserebikia ɨmo namanaiña, sane nauki sɨrɨmanama axɨbama ikokoromati Cristo.

2 Timoteo 1:11

Axti Tupax ikɨpurutiñɨ nauki suraboi axɨba omixhia manityakax ikɨpurutiñɨntyo yɨrotɨ isiuti nauki xhanuneka ɨmoma axɨbama chɨtɨpɨ judíos,

Gálatas 5:1

Kaɨburu uiti Cristo nomɨnantɨ okɨtɨpɨki nauki tapɨ ane nomɨnantɨ okɨtɨpɨ. Sane naukiche tapɨ amekatɨ tatityo ñome nomɨnantɨ sane kumanakax año ñome.

2 Corintios 6:1

Sane kaɨma, tyopiki kumanakax somɨ ɨmoti Tupax, sukanasomɨ aume apasamu nuxia suiñemo apasusiu axɨna nipukɨruxti Tupax autaku.

Romanos 1:1

Ñakionkoxti Pablo tanu aume, naki baserebioti ɨmoti Jesucristo, ityasurutiñɨ yɨrotɨ isiuti, samamekanañɨ uiti nauki xhanuneka nuraxti.

Gálatas 1:1

Axɨñɨ Pablo yaka isiuti Jesucristo, chɨtɨpɨ ui niyakɨpuku mañoñɨnka champɨityo axtɨ ui mañoñɨnka aiñanamañɨ, ta uiti Jesucristo uitityo Tupax naki Uyaɨ naki uiche asɨboriti tato Jesús,

1 Tesalonicenses 2:6

Chɨsuixhankapɨ nauki axaño takanaintyo makiataka, amasaratɨ suiñemo takana axɨbama ane nɨriakaxɨma.

2 Corintios 11:5

Ui axɨna sane, axɨñɨ champɨ axtɨ chipiakapɨ kutakikiboma axɨmanuma makiataka taruku nipiakaxɨma anunekama axɨmanuma iñataimia abaxɨpeku naukiche tiyɨkatɨ.

1 Corintios 1:1

Axɨñɨ Pablo, batasukux iñemo ui noñemaxti Tupax nauki apostolñɨ uiti Jesucristo chepeti usaruki Sóstenes,

Romanos 11:13

Ane surapoboibo ausukarɨ, axɨbama chɨtɨpɨ judíos. Tyopiki axti Tupax ikɨpurutiñɨ esama axɨbama chɨtɨpɨ judíos, axɨñɨ taruku niñonxɨkɨ ɨmo axɨna niyachɨkoi.

Romanos 1:5

Uiti Jesucristo toxio iñemo yaserebi ɨmoti yɨrotɨ xhanuneka nuraxti au nanaiña iku axɨna kɨx, nauki aboma axɨbama ikokoromati aisamunemaintyo yakɨpukuxti.

Hechos 14:14

Naukiche axti Bernabé ichepeti Pablo tɨtusiu ɨmoma axɨna sane, ikiompɨnatama naibixhimia, auki sɨromatɨ eana makiataka aɨbu nityosibixhimia, namatɨ:

Hechos 14:4

Tapɨ axɨmanuma po'oso chauki tiñanamakɨ peese, aboma axɨbama uxia ɨmoma axɨna namatɨ axɨmanuma judíos, tapɨ makiataka sɨromatɨ isiu ñanunekakaxɨma axɨmanuma nesaxti apóstoles Jesús

Hechos 13:2

Taman nanenes amonkoma meaboma ɨmoti Yɨriabux, champɨityo axtɨ basoma axti Espíritu Santo nanti ɨmoma: “Apiñasama pese axti Bernabé ichepeti Saulo, ɨmo axɨmanu yachɨkoboiboma sobi.”

Hechos 9:15

Nanti Yɨriabux ɨmoti: “Akosi, tyopiki samamekanati sobi maniki ñoñɨnx, nauki anityati sɨtɨpɨñɨ sukarɨ namanaiña axɨbama auki kiatax kɨx, sukarɨ mayɨriabuka axɨbamaintyo aɨtoxti Israel,

Hechos 9:5

Ñankitioti Saulo: “¿Ñakutikɨ Yɨriabux?” Axɨmanu tosibixh iñumuta nuraxti: “Axɨñɨ tyonenti Jesús, naki kuatache natɨbori.

1 Corintios 10:29

Sukanañɨ sane tyopikiti axti maniki kiatax, chɨtɨpɨ autopiki axaño. Tapɨ chebo sobi chuxiampɨ nuraxti kiatax ɨmo axɨna isamute.

1 Corintios 10:30

Axtɨ ñachampienkaka ɨmoti Tupax tyopiki axɨna ixhate, tapɨ chebo sobi chuxiampɨ nuraxti kiatax ɨmo axɨna tyopikiche ñachampienkaka ɨmoti Tupax.

1 Corintios 11:16

Axtɨ aboma axɨbama xhanxɨma uratokimia kɨtɨpɨ axɨna sane, tari atusi ɨmoma axoñɨ takanaintyo axɨbama ikokoromati Jesús chɨtusiupɨ oemo.

2 Corintios 10:7

Amasasai axɨna ñemanauntu. Axtɨ anati naki nanti ñemanauntu ta ikokoroti Cristo, axɨsomɨntyo sopikokokati Cristo.