1 Corintios 8:4 - Manityanati Tupax

⁴ Axtɨ ubaka axɨba makumanataka ɨmoma axɨbama matupaka nisamuku mañoñɨnka, tɨtusiu oemo axɨmanuma matupaka nisamuku mañoñɨnka champɨ nanenekichema iku axɨna kɨx, anati kunauntañati Tupax.

Manitanati Tuparrü

⁴ Suraboira caüma causane osoi aübu nañese arrüna samamecana ümo masantuca. Tusio te oemo anati tamantiatai Tuparrü. Arrümanuma masantuca chütonempüma tuparrüma.

1 Corintios 8:4 Referans Kwoze

1 Timoteo 2:5

Anati kunauntañatiatai Tupax, anatityo kunauntañatiatai naki uiche uxia uiti Tupax oemo axti Cristo Jesús.

Efesios 4:6

Anati kunauntañati Tupax naki Uyaɨ, anati onɨ namanaiña, nanaiña axɨna uxiante ui namanaiña tyone nisamukuxti anatityo aɨbu namanaiña.

San Marcos 12:29

Aiñumuti Jesús: –Axɨna kusɨrɨbo bakɨpukux ñopɨnanaki nanaiña: ‘Onsape, Israel: Axti naki Yɨriabux Tupax oemo tyonenti kunauntañati Yɨriabuxti.

SAN JUDAS 1:25

Sane naukiche, yarusɨrɨx nɨrixhti Tupax aboi axti naki xhimiakana uiti nomɨnantɨ, apikokoityo niyarusɨrɨkɨxti, nɨriakaxti, tyopiki ui yakɨpukuxti kuatati naki Yɨriabux oemo Jesucristo. Machampienkana ɨmoti ityobo nanaiña axɨna sane kaɨma ɨmointyo nanaiña naskɨbeka. Amén.

1 Corintios 8:10

Tyopiki axtɨ axɨkɨ tusiu nuxia aemo nanaiña, axtɨ anati naki asaratiyɨ atɨmoka a'a kauta manaunuma ɨmoma matupaka nisamuku mañoñɨnka, axti naki apekiatai ñakokonaunkuxti asaratiyɨ, asiukikɨ basotityo axɨmanu pemakax makumanatax ɨmo matupaka nisamuku mañoñɨnka.

1 Corintios 8:1

Axɨba makumanataka ɨmoma axɨbama matupaka. Ñemanauntu axɨna namatɨ: namanaiña tusiu oemo axɨna ñemanauntu. Ui axɨna tusiu oemo au numakionko champɨti kiatax oñopɨrɨkɨ, tapɨ axɨna nukuasɨrɨkɨ oemoantoe uixh uxia nosɨboriki.

Hechos 19:26

Axaño amastai amonkoityo nuraxti maniki Pablo, sɨrotitɨ au nanaiña aɨbu nuraxti axɨbama matupaka nisamuku mañoñɨnka chɨtɨpɨ matupaka. Sane sɨrɨmanama axɨbama ikokotama, chaunantaipɨ au Éfeso, au nanaiña Asia.

Hechos 14:15

–¿Kausane apisamune axɨna sane? Axɨsomɨ mañoñɨnkaityo somɨ takana axaño. Sobekatɨ nauki suburaboi ausukarɨ axɨna omixha manityakax, nauki apiñoko axɨna apisamute champɨ niyaserebikixh, nauki abetɨ tato esati Tupax naki sɨborikoti, naki uiche uxiane kɨx, napes, narubaityu tux ichepe nanaiña axɨna ane iku.

1 Timoteo 1:17

¡Manauna masonina ɨmoti Yɨriabux naki champɨ nityakɨru nisɨborikixhti, naki chɨtusiutipɨ, naki kunauntañati Tupax! Amén.

Hechos 15:20

Iñatai axtɨ makonomoka ɨmoma, nauki aiñokoma axɨmanuma makiataka matupaka, axɨmanuintyo bakɨpukux uiti Moisés ɨmoma tapɨ chɨposopɨma, tapɨ basomainki numañetu axɨba numukianka mokoiñatai tapɨ chabomaintyo notox.

1 Corintios 8:11

Ui axɨna aisamute sane, tyopiki tusiu nuxia aemo, axti maniki aruki apekiatai ñakokonaunkuxti sɨrotitɨ apɨnanakikɨ, axti naki tyopikitityo tɨkañe akonti Cristo.

Gálatas 4:8

Tɨkañe naukiche chausuputakatikipɨ Tupax, kumanakax año ɨmoma axɨbama chɨtɨpɨ matupaka.