1 Corintios 8:1 - Manityanati Tupax

¹ Axɨba makumanataka ɨmoma axɨbama matupaka. Ñemanauntu axɨna namatɨ: namanaiña tusiu oemo axɨna ñemanauntu. Ui axɨna tusiu oemo au numakionko champɨti kiatax oñopɨrɨkɨ, tapɨ axɨna nukuasɨrɨkɨ oemoantoe uixh uxia nosɨboriki.

Manitanati Tuparrü

¹ Caüma rranunecaca ito ümo arrüna nañese tücumanana ümo bama masantuca. Ñemanauntu arroñü tusio nurria oemo ümo arrüna sane, pero aboma bama vanurrü ui arrüna tusio pario ümoma. Tapü arrüna nucua oemoantoe, tone arrüna uiche puerurrü urria nosüboriqui.

1 Corintios 8:1 Referans Kwoze

1 Corintios 8:7

Chɨtɨpɨ namanaiña tusiu ɨmoma, aboma axɨbama iñuñetema ñanaunkuxɨma ɨmoma axɨbama matupaka nisamuku mañoñɨnka, basoma takana axtɨ axɨmanu utuburiboma tyone makumanatax ɨmo matupaka nisamuku mañoñɨnka. Ui axɨna chɨkusɨurupɨ nikɨtɨpɨxɨma, au ñakionkoxɨma sɨsio kɨtɨpɨma axɨmanu iñatema.

Romanos 14:3

Ui axɨna sane, axti naki basoti nanaiñantai tapɨ tɨborikotiatai kuatati naki chɨbasopɨ nañes. Tapɨti naki chɨbasopɨ nañes, tapɨ ausɨratai nuraxti ɨmoti naki basoti aruki nanañantai, tyopiki sane toxio uiti Tupax ɨmoma.

Apocalipsis 2:14

Ane axɨna aisamute chuxiampɨ iñemo: aboma akamanu achepekɨ axɨbama chixhanxɨpɨma aiñokoma ñanunekakaxti Balaam, maniki nanti tɨkañe ɨmoti Balac nauki atachemakati ɨmoma axɨbama auki Israel, nauki anema numañetu numukianka axɨba mukumanana ɨmo matupaka nisamuku mañoñɨnka nauki tapɨ anentyo ñanaunkuxɨma ɨmomantoe axɨbama posoma.

1 Corintios 8:4

Axtɨ ubaka axɨba makumanataka ɨmoma axɨbama matupaka nisamuku mañoñɨnka, tɨtusiu oemo axɨmanuma matupaka nisamuku mañoñɨnka champɨ nanenekichema iku axɨna kɨx, anati kunauntañati Tupax.

1 Corintios 8:2

Axti naki au ñakionkoxti ane tusiu ɨmoti, chɨtusiupɨ nanaiña ɨmoti.

Romanos 15:14

Masarukityaiki, axɨñɨ tusiu nuxia iñemo axaño ane aukɨtɨpɨ axɨna uxia axɨnaintyo napapanaunku apipiaka apanuneka aumeampatoe.

Efesios 4:16

Axti Cristo tyonenti naki uiche chepe nakaxɨma axɨbama ikokoromati, isiu axɨna toxio ɨmoma aipiama aisamunema, uitiyo taikianati taman pukɨnuñanti aɨbu niyachɨkoiti, nauki axɨbama ikokoromati Jesús besɨro nisɨborikixhimia ui ñakumananaunkuxɨma ɨmomantoe.

1 Corintios 15:34

Ausiapata tato ñemanauntu yusiu axɨba omixhia napapanaunku, tapɨ apisamukio axɨba nomɨnantɨ, tyopiki aboma abaxɨpeku axɨbama chisuputarapɨmati Tupax. Sukanañɨ axɨna sane nauki aukɨsoka.

Hechos 15:29

tapɨ aubaka numañetu axɨba numukianka makumanatax ɨmo makiataka tupaka. Tapɨ auchakaityo notox, tapɨ aubakaityo numañetu axɨba numukianka mokoiñatai, axɨbama poso tapɨ iñanamakɨ peese. Axtɨ apisamute nanaiña axɨba sane, uxia nausɨboriki. Supakionko tanu aume.”

1 Corintios 10:28

Axtɨ anati naki nanti aume: “Axɨna nañes tyone makumanatax ɨmo matupaka nisamuku mañoñɨnka”, sane naukiche tapɨ aumate, tyopikiti maniki uiche uraboiti tyakuityo naukɨtɨpɨ.

Hechos 21:25

Tapɨ axɨbama ikokoromati Jesús, axɨbama chɨtɨpɨ judíos, chauki tɨkorobo soboi ɨmoma axɨna uxiantamoebo uimia: Tapɨ basoma numañetu numukianka axɨba makumanataka ɨmo makiataka tupaka, tapɨ chaboma notox, tapɨ basoma numañetu numukianka axɨba chɨbotɨsokiopɨ, tapɨ ane isiuma kiatax paɨx.

Hechos 15:10

Kaɨma, ¿kausane axaño auxianka apiñanaño kutakikiboti Tupax aɨbu axɨna napakɨpukuatoe ɨmo axɨbama ikokoromati Tupax, nauki aisamunema axɨna chuxiantempɨ osoi takanaintyo axɨbama uyaɨtaiki chisamutempɨma?

Apocalipsis 2:20

Ane axɨna aisamute chuxiampɨ iñemo, axɨkɨ chebo obi ɨmo Jezabel nauki sɨsio aɨbu ñatachemakakax ɨmoma axɨbama baserebioma iñemo. Axɨmanu paɨx nantɨ ta manunekana ui noñemaxti Tupax, nantɨ ɨmoma uxia axtɨ basoma numañetu axɨmanio numukianka mukumanana ɨmoma axɨmanuma matupaka nisamuku mañoñɨnka, nantityo ɨmoma nauki aiñokoma ñakokonaunkuxɨma ɨmoti Tupax.

Colosenses 2:18

Tapɨ chebo aboi nauki asaraimia axɨna nausɨboriki axɨbama mapañama uxia nisɨborikixhimia manaunumaintyo ɨmo axɨbama ángeles, mapañama ane astaimia ui axɨna ñapanaunkuxɨma ikuki axɨna kɨx au ñakionkoxɨma champɨti kiatax pɨrɨkɨma.

1 Corintios 14:20

Masarukityaiki, tapɨ apiñata au napakionko takana axɨbama masiomankaiki. Apiña takana masiomanka ñome axɨba chomixhampɨ. Ta apiña nauyarusɨrɨkɨ ñome napapanaunku.

1 Corintios 5:6

Axaño champɨ tyopikiche au napakionko champɨti kiatax amopɨrɨkɨ. Tɨtusiu aume axɨmanu piarakax: “Ui simiantai levadura ikianɨ ape nanaiña axɨmanu pan.”

1 Corintios 5:2

¡Ui axɨna au napakionko champɨti kiatax amopɨrɨkɨ! ¡Abo uixh tarukupɨ nausucheki! Axti maniki ñoñɨnx sane nisɨborikixhti apipenesoti abaxɨpekuki.

1 Corintios 4:18

Aboma axɨbama abaxɨpekuki onkomatɨapae ɨmomantoe au ñakionkoxɨma chiyɨkapɨtɨ ñana yasarama.

1 Corintios 4:10

Axɨsomɨ, tyopikiti Cristo, namatɨ suiñemo champɨ sopipiatɨmo. Tapɨ axaño chapie ɨmoti Cristo, amukanaño taruku napapanaunku. Axɨsomɨ chɨkusɨurupɨ suisɨtɨpɨ, tapɨ axaño taruku nikusɨu naukɨtɨpɨ. Iñanama pese somɨ, tapɨ aume taruku ñanaunkuxɨma.

1 Corintios 1:5

Tyopiki uiti Tupax toxio nanaiña amenaxibo auki napes, takana axɨna apanityakabo takanaintyo apipiakabo,

Romanos 14:22

Axɨmanu nakokonaunku, aisamuse auki nausasɨ, sukarɨti Tupax. ¡Taikiana chiyaupɨ nipukɨnunkuxti naki isamutenti aukitiatoe axɨna uxia!

Romanos 14:14

Axɨñɨ tusiu iñemo ikokota nuraxti Yɨriabux Jesús, nanaiña uxia umane. Tapɨ axtɨ anati naki au ñakionkoxti chuxiampɨ, ɨmotiatae axɨna chuxiampɨ.

Romanos 14:10

Axɨkɨ, ¿kausane asikia kuata nipɨnatenti aruki? ¿Kausaneityo chɨkuasɨrɨtipɨ aemo? Namanaiña ñana axoñɨ uɨkatɨ kutakikiboti Tupax nauki asaraiti axɨna nomɨnantɨ osoi.

Romanos 12:16

Taikiana uxia aboi aumeampatoe. Tapɨ yarusɨrɨx año au napakionko pɨnanaki makiataka, apiña takana nisɨborikixhimia makiataka, tapɨ taruku napapanaunku au napakionko pɨnanaki makiataka.

Romanos 11:25

Masarukityaiki, ixhanka atusi aume nixhantɨmoti Tupax axɨna anekana uiti, nauki tapɨ apiñata takana axtɨ apipiaka ɨmo nanaiña: aboma axɨbama auki Israel chiyasutiupɨma axɨna manunekatax chepe axtɨ namanaiña kuamatɨ tato axɨbama chɨtɨpɨ auki Israel.

Romanos 14:19

Sane naukiche bapacheriora nanaiña axɨna uiche uxia osoi oemoampatoe nauki chepe oñɨ uisamune axɨna uxia.

1 Corintios 4:6

Masarukityaiki, xhanityaka ausukarɨ yokɨtɨpɨ axɨba sane nauki tapɨ autapeneka, iñakati ñachepekatabo aume axti Apolo takanaintyo axɨñɨ. Sukanañɨ aume nauki yusiuki axɨba sopisamute ausukarɨ apisamune takana axɨmanu bakɨpukux, nauki tapɨ anati naki au ñakionkoxti champɨti kiatax pɨrɨkɨti, taikiana uxia aboi ɨmo namanaiña.

1 Corintios 10:15

Xhanityaka takana ɨmoma axɨbama taruku ñapanaunkuxɨma: amasasai aboiyapatoe axɨna sukanañɨ aume.