1 Corintios 4:10 - Manityanati Tupax

¹⁰ Axɨsomɨ, tyopikiti Cristo, namatɨ suiñemo champɨ sopipiatɨmo. Tapɨ axaño chapie ɨmoti Cristo, amukanaño taruku napapanaunku. Axɨsomɨ chɨkusɨurupɨ suisɨtɨpɨ, tapɨ axaño taruku nikusɨu naukɨtɨpɨ. Iñanama pese somɨ, tapɨ aume taruku ñanaunkuxɨma.

Manitanati Tuparrü

¹⁰ Arrüsomü tacana sonsorrü somü au narrta genterrü auqui nacarrti Cristo. Tapü arraño abaca tacanarrtü tarucapae napapanauncu uiti Cristo. Arrüsomü chüsuisusüucapü, tapü arraño tarucu naucusüu. Unuma somü, tapü aume ane ñanauncurrüma.

1 Corintios 4:10 Referans Kwoze

1 Corintios 2:3

Anankañɨ abaxɨpeku chɨkusɨurupɨ nisɨtɨpɨ, aɨbu nipiaichokonoko ui nixhuku,

Hechos 26:24

Naukiche nanti Pablo axɨna sane tyakutiatoe, axti Festo tosibikoti, nanti: –¡Axɨkɨ Pablo mameso natanu! Ui axɨna taruku naxianka aipia chimastakaxɨkipɨ aemo.

Hechos 17:18

Abomaintyo axɨmanuma taruku nipiakaxɨma axɨmanuma epicúreos ichepe axɨmanuma estoicos baparioma aɨbuti Pablo. Aboma axɨmanuma namatɨ: –¿Isanempɨ axɨna sane nuraxti naki yuraxiox? Tapɨ makiataka namatɨ: –¿Kanapae manityanati ɨmo makiataka matupaka? Namatɨ sane ityopiki axti Pablo manunekanati ɨmoma nuraxti Jesús, kɨtɨpɨtyo axɨna sɨborikoti tato.

1 Pedro 4:14

Tari taruku naupukɨnunku, axtɨ anati naki unuti año tyopikiti Cristo, tyopiki nesaxti Espíritu Tupax taikiana ane auchepe.

2 Corintios 13:9

Sane naukiche suipɨkɨnunka axtɨ chɨkusɨurupɨ suisɨtɨpɨ, axɨsomɨ suixanka nauki axaño tari kusɨuru nuxia naukɨtɨpɨ. Axɨsomɨ supankikia nauki taikiana besɨro nausɨboriki.

1 Corintios 3:18

Tapɨ autapeneka aboiyapatoe: axtɨ anati naki abaxɨpekuki au ñakionkoxti taruku nipiakaxti iku axɨna kɨx, tari aisamunenti takanati naki champɨ nipiakaxti, sane tyonenti ñana naki taruku nipiakaxti.

1 Tesalonicenses 4:8

Sane naukiche, axti naki chiyasutiutipɨ axɨna manunekatax, chisuiñemopɨ axɨna sane uiti ta ɨmoti Tupax, naki uiche aityoximiati Espíritu Santo aume.

2 Corintios 11:29

Axtɨ anati naki maunxokonoti, axɨñɨntyo ñaunxokoka. Axtɨ anati naki tapenekoti uimia, axɨñɨ ichɨborikia.

2 Corintios 11:19

Axaño taruku napapanaunku, sane uxia aboi ɨmoma axɨbama matyasuka,

2 Corintios 10:10

Aboma axɨbama namatɨ axɨba nixhakonomoso champɨti naki isamutenti axɨna sukanañɨ, axɨñɨ axtɨ xhanityaka champɨti naki chiyebopɨ uiti, champɨityo axtɨ xhanityaka aɨbu nisɨriaka.

1 Corintios 10:12

Sane naukiche, axtɨ anati naki au ñakionkoxti axone nuxia ñakokonaunkuxti, tari asaratitɨ nuxia tyakutiatoe tapɨ tapenekoti.

1 Corintios 4:8

Kanapae, axaño taruku namenaxi, tiyebo aboi nanaiña nauxiantɨmo, au napakionko abaka takana axɨbama taruku nɨriakaxɨma iku axɨna kɨx champɨ isane napakiontobo kɨtɨpɨ makiataka. ¡Uxiampɨ axtɨ ñemanauntu taruku nabɨriaka, nauki axɨsomɨ anentyo sobɨriaka auchepe!

1 Corintios 3:2

Ñasamunaunka nuxia nixhanunekaka aume, takana ɨmoti naki simiantiki nuxia, toxio ɨmoti nipiaɨx chɨtoxiopɨ ɨmoti pemakax, tyopiki axaño sɨrotiki apipia auba pemakax. Kaɨmainki chapipiakapɨ auba,

1 Corintios 2:14

Tapɨti naki ñoñɨnx ikuki axɨnantai kɨx, chiyasutiutipɨ axɨba noñemaxti Espíritu Santo uiti Tupax, tyopiki chɨsamianapɨ ɨmoti. Tyone chiyebopɨ uiti, tyopiki nanaiña axɨba sane tari uiti Espíritu Santo asaraiti.

Hechos 17:32

Naukiche onkoimia sɨborikoma tato axɨbama tɨkoiño, aboma axɨmanuma iyabomati tapɨ makiataka namatɨ: –Au kiatax nanenes somonsapetio tatityo axɨmanu nanunekaka.

Hechos 9:16

tyopiki axɨñɨ ityusiankata sukarɨti taruku nityakisɨrɨkɨxti ñana ichopikiñɨ.

San Lucas 18:9

Urapoitityo Jesús axɨna kiatax machepekatax ɨmo axɨbama, au ñakionkoxɨma uxia nisɨborikixhimia, chuxiampɨ uimia ɨmo makiataka:

San Lucas 10:16

“Naki onsapetioti nabura, onsapetioti nisura. Tapɨti naki chiyasuriurutipɨ año, iñemo axɨna sane uiti. Naki sane uiti iñemo, sane uiti ɨmoti naki uiche aikɨpuruñɨ.”

San Lucas 6:22

Aupukɨnu axtɨ makiataka tɨborikomantai aukuata, axtɨ ipenenoma año, uratokioma aume, chuxiampɨ ɨmoma onkoimia nabɨri takana axɨna chuxiampɨ, auki nakaxti naki Aɨtoxti ñoñɨnx.

San Mateo 24:9

“Auki iñamanamapo año ñana, ameketɨ ñana uimia esa mayɨriabuka nauki autakisɨrɨka uimia. Ityabairoma año, namanaiñantai ñana ikuki axɨna kɨx champɨti uxia uiti aume auki niyaka.

San Mateo 5:11

“Taikiana chiyaupɨ naupukɨnunku axaño, axtɨ makiataka unuma año axtɨtyo autakisɨrɨka uimia, axtɨ ichopikiñɨ chiyaupɨ ñapantuxɨma aukɨtɨpɨ.

1 Corintios 1:21

Tyopiki axɨbama ikuki axɨna kɨx chiñataipɨ nipiakaxɨma nauki asuputaramati Tupax, auna kauta ityusiankatati nipiakaxti, axti Tupax ui nipukɨruxti axɨbama ikokotama axɨba omixhia nuraxti ane maximiakatax ɨmoma, champɨ nɨmoche axtɨ ɨmo makiataka axɨna manunekatax chɨsamianapɨ.

1 Corintios 1:23

tapɨ axɨsomɨ supanunekaka kɨtɨpɨti Cristo naki takubaxioti kɨtɨpɨ kurusɨx, axɨna sane chuxiampɨ ɨmoma axɨbama judíos, tapɨ axɨbama chɨtɨpɨ judíos chɨsamianapɨ ɨmoma,

1 Corintios 1:25

Axtɨ ñapanaunkuxti Tupax chɨsamianapɨ oemo tyone taruku nipiakax pɨnanaki nipiakaxɨma mañoñɨnka. Axɨna au numakionko champɨ nikusɨuxti Tupax tyone taruku nikusɨux pɨnanaki mañoñɨnka.

2 Corintios 6:8

Ane auche ane ñanaunkuxɨma suiñemo, anentyo auche ɨnantɨ uimia suiñemo. Ane auche uxia nuraxɨma suiñemo, ane auche chuxiampɨ. Namatɨ suiñemo taruku supapantu, abo axɨna suburapoi ta ñemanauntu.

2 Corintios 4:12

Sane naukiche axɨna konkox ane suisɨtɨpɨ, tapɨ aukɨtɨpɨ ane sɨborikixh.