1 Corintios 4:1 - Manityanati Tupax

¹ Axaño amukanaño suiñemo takanantai axɨbama supaserebikia ɨmoti Cristo, bakɨpukux suiñemo supanuneka noñemaxti Tupax axɨba umanekana uiti.

Manitanati Tuparrü

¹ Masaruquitaiqui, tiene que atusi aume, arrüsomü bama apostolerrü supaserebiquia ümoti Cristo. Icüpuruti somü nauqui suburaboi isucarü genterrü arrüba ñapensacarrti Tuparrü, arrüba amonquio umanecatai uiti tücañe.

1 Corintios 4:1 Referans Kwoze

1 Pedro 4:10

Taikianati taman isiuki axɨna enaunku atoxi ɨmoti uiti Tupax, amasasatɨ tyaku makiataka ui axɨna toxio aume.

Tito 1:7

Axti yɨriabux ɨmoma axɨbama ikokoromati Jesús tyonenti naki asarabotɨ yutaku nuraxti Tupax, sane naukiche tari champɨ urapoboiboma kɨtɨpɨti. Taikiana uxia nisɨborikixhti aɨbu makiataka, tapɨ naki chabo'ox, tapɨ naki uxia ɨmoti chɨrɨri, tapɨ naki xhanxti enaxioti auki naka makiataka.

1 Timoteo 3:9

Tari taikiana aikokoma nanaiña axɨba omixhia manityakax botoxio oemo uiti Tupax axɨba uikokokio, tari taikiana uxia ñapanaunkuxɨma.

2 Corintios 4:5

Chɨsupanunekakapɨ suisɨtɨpɨatoe, ta supanunekaka kɨtɨpɨti Jesucristo naki Yɨriabux oemo, suburapoi nuxia ausukarɨ axɨsomɨ kumanakax somɨ aume ui nikuasɨrɨkɨxti Jesús suiñemo.

Efesios 6:19

Amea chakuñɨ, nauki axti Tupax acheti surapoboiboñɨ, tapɨ ixhuka suraboi axɨna nixhantɨmoti aisamunenti axɨmanu ananka anekana uiti Tupax.

Colosenses 2:2

Axɨñɨ ɨmo yaka nauki aruku nuxia aume au nabausasɨ, nauki chepe nabaka aɨbu napakumananaunku aumeampatoe aɨbu besɨro napapanaunku axɨna uiche atusi aume axɨna nixhantɨmoti Tupax aisamunenti axɨna ananka anekana uiti, ta tyonenti Cristo.

Romanos 16:25

Omixhia numanityaka kɨtɨpɨti Tupax, axti naki uiche ane naukusɨu takana axɨba omixhia nixhanunekaka axɨnaintyo manunekakax kɨtɨpɨti Jesucristo. Tyone sɨro isiuki axɨna tusiankana uiti Tupax axɨna ananka anekana uiti, tyone ananka anekana aukiapae tɨkañe naukiche chuxiantenkipɨ axɨna kɨx,

Colosenses 4:3

Apankityo suichaku, pɨnanakiti Tupax nauki axɨsomɨ taikiana uxia supanunekaka axɨba omixha manityakax kɨtɨpɨti Cristo sane suburaboi axɨna nixhantɨmoti Cristo aisamunenti tyakuapae yaka auna amanañɨmpo.

Efesios 1:9

tusiankana uiti Tupax usukarɨ axɨmanio nixhantɨmoti aisamunenti axɨba amonkio umanekana uiti axɨna kaɨma xhanxti aisamunenti aɨbuti Cristo,

2 Corintios 12:6

Axtɨ ixhankapɨ ipukɨnu saɨbuñɨantoe, axɨna sane chɨtɨpɨ tasukux, tyopiki ta sukanañɨ axɨna ñemanauntu. Ta chisamutempɨ, nauki tapɨ anati naki nanti axɨñɨ xhanityakatai o chisamutempɨ axɨna sukanañɨ,

2 Corintios 11:23

¿Tyonema axɨbama baserebioma ɨmoti Cristo? Axɨñɨ taruku nisɨriaka pɨnanakimia, ui axɨna sukanañɨ sane xhanityaka takanati naki tasusu. Axɨñɨ xhanunekaka nuxia pɨnanakimia, taikiana aiñamanamañɨmpo, tapɨ axɨma champɨ, taikiana aikɨbairomañɨ, tapɨ axɨma champɨ, taikianaintyo iñañekaka aityabairomañɨ.

San Lucas 12:42

Nanti Yɨriabux: “¿Ñakuti naki kiapatax taruku ñakokonaunkuxti astayotitɨ nuxia, axti naki mekuche onkonoma namanaiña axɨbama aboma au nipoxti naki ɨmoche aserebiti, nauki acheti utuburiboma naneneka?

San Mateo 24:45

“¿Ñakuti kumanakax makokonaunxti tarukuityo ñapanaunkuxti, axti naki mekuche onkonoma namanaiña axɨbama aboma au nipoxti naki ɨmoche aserebiti, nauki asapati ɨmoma naneneka?

1 Timoteo 3:16

Ñemanauntu nanaiña axɨna tusiankana tyone axɨna uikokota taruku niyarusɨrɨkɨx: Axti Cristo kuatati iku axɨna kɨx takanati ñoñɨnx. Uiti Espíritu Santo uraboiti ta champɨ nipɨnatenti. Axɨbama ángeles asaramati. Axɨba omixhia nuraxti tusiu ɨmo namanaiña, namanaiña ikuki axɨna kɨx ikokoromati. Yasuriurumati au napes.

1 Timoteo 3:6

Sane naukiche, axti naki yɨriabux tapɨti tyonenti naki aɨbuatai aikokoroti Jesús, tapɨ au ñakionkoxti ñana champɨti kiatax pɨrɨkti sane kaɨma tapenekoti ɨmo nityakisɨrɨkɨxti takanati chobores tɨkañe.

2 Corintios 6:4

Ui axɨna sane, au nanaiña sopityusiankata ta kumanakax somɨ ɨmoti Tupax, yebokasomɨ ñome suichakisɨrɨkɨ, axtɨ ane suixhantɨmo, axtɨ chichebopɨ suiñemo supanuneka,

1 Corintios 4:13

Chuxiampɨ nuraxɨma suiñemo, sopiñumuta aɨbu uxia supanityaka ɨmoma. Takana semenux somɨ ɨmoma iku axɨna kɨx, takana axɨbama champɨ niyaserebikixhimia iku axɨna kɨx. Sane kaɨmainki isamutema.

1 Corintios 3:5

¿Isane nakaxti Apolo?, ¿isane nakaxti Pablo? Axɨbamantai baserebioma, uimia axaño apikokokati Tupax. Chepe somɨ sopisamute supachɨkoi axɨna toxio suiñemo sopisamune uiti Yɨriabux:

1 Corintios 2:7

Tyone axɨna mapanaunkux anekana uiti Tupax, axɨna noñemaxti anekana uiti, aukiapae tɨkañe nauki uɨrotɨ esati au napes.

San Marcos 4:11

Aiñumuti nuraxɨma: “Aume, ityusiankatati Tupax ausukarɨ axɨba umanekana uiti kɨtɨpɨ axɨna nɨriakaxti. Tapɨ ɨmo axɨbama aboma tyɨrɨpo ununekanama oboi machepekataka,

San Mateo 13:11

Aiñumuti Jesús nuraxɨma: “Axaño, tusiankana ausukarɨ uiti Tupax, axɨna nɨriakax ane au napes axɨna ananka anekana, tapɨ axɨma anekana pɨnanakimia.

San Lucas 8:10

Nanti ɨmoma: “Aume toxio uiti Tupax nauki ausuputario axɨba champɨ tamastai au nɨriakaxti. Tapɨ ɨmo makiataka xhanityaka oboi machepekataka, sane naukiche tai asaramatɨ ta champɨ astaimia, onkoimia champɨ iyebo uimia.

San Lucas 1:2

sane urapoimia usukarɨ axɨbama aukiapae amonkoma tɨkañe ichepeti aukityo asuriuma bakɨpukux nauki uraboimia axɨba omixhia nuraxti.

Romanos 11:25

Masarukityaiki, ixhanka atusi aume nixhantɨmoti Tupax axɨna anekana uiti, nauki tapɨ apiñata takana axtɨ apipiaka ɨmo nanaiña: aboma axɨbama auki Israel chiyasutiupɨma axɨna manunekatax chepe axtɨ namanaiña kuamatɨ tato axɨbama chɨtɨpɨ auki Israel.

1 Corintios 4:2

Axɨna kaɨma, axtɨ anati naki ane toxio ɨmoti yachɨkoboiboti tari aityusiankati ta ipiakati aisamunenti.