Biblia Todo Logo
Bib sou entènèt

- Piblisite -




1 Corintios 3:10 - Manityanati Tupax

10 Axɨñɨ tyonenti naki ipiakati nuxia asamuti pox, ui noñemaxti Tupax toxio iñemo isamune axɨna nityɨmox, uiti kiatax aiñatɨnakati onɨ axɨmanu pox. Taikianati taman tari asaraiti nuxia kausane ñatɨnakakaxti,

Gade chapit la Kopi

Manitanati Tuparrü

10 Arrüñü tacanati naqui isamutenti manu porrü. Arrti Tuparrü ui nibuenucurrti saübuñü, bacheboti ipiacaboñü ümo na trabacorrü. Omeno cütu sobi posürümanaca canca itümobo porrü. Maquiataca isamutema narriporrü onü manio canca omeno cütu sobi. Tapü arrübama maquiataca tari arrtaimia nurria causane natücaiqui manu narriporrü uimia.

Gade chapit la Kopi




1 Corintios 3:10
37 Referans Kwoze  

champɨti uiche aiñanti kiatax nityɨmox pɨnanaki axɨna tɨsɨro, axɨna ta tyonenti Jesucristo.


Namanaiña axɨbama ikokoromati Jesús tyonema takana axɨna pox uxiante onɨ ñanunekakaxɨma axɨbama apóstoles chepetyo axɨbama profetas, au axɨmanu pox tyonenti Jesucristo axɨmanu kanx uxiampae.


Taikiana ixhanka yɨrotɨ xhanuneka axɨba omixhia manityakax axɨna kauta champɨ tonkoimia nɨrixhti Cristo, tapɨ ikuñekata yachɨkoiti kiatax.


“¿Ñakuti kumanakax makokonaunxti tarukuityo ñapanaunkuxti, axti naki mekuche onkonoma namanaiña axɨbama aboma au nipoxti naki ɨmoche aserebiti, nauki asapati ɨmoma naneneka?


Axɨmanio kanka nityɨmo axɨmanu naxipox amonkio mokoñokono oboi aruki nanaiñantai omixhiantai kanka: axɨmanu kusɨrɨbo kanx ane koñokono ui diamante. Kiatax ui zafiro, kiatax ui ágata, kiatax ui esmeralda.


Axtɨ ɨmo makiataka axɨñɨ chanankapɨñɨ isiuti Jesús. Tapɨ aume ñemanaunkuxatoe ta sane, axɨna uiche atusi ta tyopiki axaño kaɨma apikokokati Jesús.


“Sanentityo naki onkoiti nisura, isamutenti axɨna sukanañɨ, tyonenti takana tamanti ñoñɨnx isamutenti nipoxti onɨ kanx.


Axtɨ anati naki manityanati, tari anityati takana nuraxti Tupax. Axtɨ anati naki ane yachɨkoiti ɨmoti kiatax, tari aisamunenti aɨbu nanaiña nikusɨuxti axɨna toxio ɨmoti uiti Tupax. Nanaiña axɨna apisamute, apisamuse nauki achampienkama ɨmoti Tupax tyopikiti Jesucristo, naki esache axɨmanu yarusɨrɨx nɨriakax axɨna champɨ nityakɨrux ñana. Amén.


Aiña nuxia narukux aemo nauki uxia nasɨboriki au nastaxti Tupax, takanati naki ane yachɨkoiti champɨ ñɨnanache akɨsoti, naki uxia ñanunekakaxti axɨba ñemanauntu omixhia manityakax.


Aburasoi sukarɨti Arquipo tari aisamunenti nuxia axɨmanu niyachɨkoiti bakɨpukux ɨmoti uiti Yɨriabux Jesucristo aisamunenti.


Ui nipukɨruxti Tupax chakuñɨ ikɨpurutiñɨ, sane naukiche sukanañɨ aume tapɨ anati naki nanti taruku nipiakaxti pɨnanakimia axɨbama ñemanauntu ipiakama. Amasasai axañoampatoe isiuki axɨna toxio aume uiti Tupax apisamuse takana axɨbama ikokoromati Cristo.


Uiti Jesucristo toxio iñemo yaserebi ɨmoti yɨrotɨ xhanuneka nuraxti au nanaiña iku axɨna kɨx, nauki aboma axɨbama ikokoromati aisamunemaintyo yakɨpukuxti.


Naukiche xhanxti Apolo aɨrotitɨ au Acaya, axɨmanuma ikokoromati Jesús, namatɨ ɨmoti tari yɨrakatitɨ, auki makonomonoma ɨmo axɨmanuma amonkoma isiuti Jesús tari asuriurumati axtɨ tiñataiti. Naukiche tiñataiti au Acaya, manunekanati ɨmoma axɨmanuma auki noñemaxti Tupax ikokotama,


Asasatɨ nuxia nauki axɨna basarux ane akɨtɨpɨkɨ tapɨ tyone axɨna tomikianene.


Masarukityaiki, tapɨ namanañantai uxianka manuneka. Tyopiki axti Tupax asaratitɨ nuxia ñana oemo pɨnanaki makiataka.


Asasai nuxia atakukɨatoe takanaintyo axɨna anunekaka ɨmo makiataka, sɨsiokɨ aɨbu narukux aemo au nanaiña. Axtɨ aisamute sane, ane maximiakatax aemo takanaintyo axɨbama onsapetioma nanunekaka.


Ɨmo nanaiña axɨna sane isamute niyachɨkoi ui noñemaxti Cristo axɨna toxio uiti iñemo.


Axɨñɨ xhakonomoka nantax aume nauki tapɨ takɨrusu napakionko iyo axɨna chauki tɨtusiu aume, isamute ui yakɨpukuxti Tupax tyopiki pukɨrusuti autaku.


Aiñumuti Jesús: “Amasasai nuxia tapɨ autapeneka. Tyopiki kuamatɨ ñana sɨrɨmanama au nisɨri. Namatɨ ñana: ‘Unka axɨñɨ’, ‘axɨba naneneka chauki tɨtyoneio’ Axaño tapɨ amekatɨ isiuma.


Axɨmanu naxipox axɨmanio poka abe doce kanka nityɨmox, kauta ane korobo yokɨtɨpɨ nɨrixhimia axɨmanuma doce amonkoma isiu axɨmanu Nobixhax.


Chɨsomonkapɨtɨ ɨmo niyachɨkoimia makiataka, ta suixhanka supanuneka tanu abaxɨpeku, axɨna suixhanka ta nauki isiu napakokonaunku axɨsomɨ yarusɨrɨx suipukɨnunku auchepe, takana axɨna bakɨpukux suiñemo.


nauki sopikɨpuruti tanu usaruki Timoteo, baserebiotityo ɨmoti Tupax nauki uraboiti axɨba omixhia manityakax kɨtɨpɨti Cristo. Sopikɨpukati tanu nauki acheti aupukɨnunkubu nauki sane aruku nuxia aume aɨbu napakokonaunku kɨtɨpɨti Jesucristo.


Apakionsaño axti Yɨriabux Jesucristo oemo ui nipukɨruxti ane maximiakatax oemo. Axti usaruki Pablo makonomonotityo aume yokɨtɨpɨ axɨba sane, tyonenti Tupax naki uiche aiñununekanati.


Swiv nou:

Piblisite


Piblisite