1 Corintios 2:15 - Manityanati Tupax

¹⁵ Tapɨti naki ane noñemaxti Espíritu Santo kɨtɨpɨti uiti asaraiti nanaiña axɨba sane, champɨti naki ane nɨriakaxti asaraiti ñapanaunkuxti.

Manitanati Tuparrü

¹⁵ Pero arrübama anati Espíritu Santo au nausasürrüma uiti Tuparrü, iyebo nurria uimia nanaiña ñapanauncurrti Tuparrü. Tapü arrübama chicocoromatipü, chentienderrüpüma.

1 Corintios 2:15 Referans Kwoze

1 Tesalonicenses 5:21

Apiña nanaiña ɨmo makokotox ta sɨsio año yupu axɨba omixhia.

Hebreos 5:14

Tapɨ axɨbama tipiakama asaraimia axɨna besɨro mapanaunkux, tyopiki tɨniyachetaxɨma aisamunema, tyonema takana axɨbama mayarusɨrɨka tipiakama a'ama pemakax.

1 Juan 4:1

Masarukityaiki, tapɨ apikokota nuraxɨma axɨbama namatɨ profetaxɨma, apiña makokotox ɨmoma, nauki atusi axtɨ ñemanauntu axɨmanu nuraxɨma. Tyopiki iku axɨna kɨx sɨrɨmanama axɨbama mapañama anityama au nɨrixhti Tupax.

1 Corintios 14:37

Axtɨ anati naki au ñakionkoxti manityanati au noñemaxti Tupax, axtɨ au ñakionkoxti manityanati ui noñemaxti Espíritu Santo, tusiu ɨmoti ta axɨna xhakonomoka aume tyone yakɨpukuxti Yɨriabux Jesús.

Gálatas 6:1

Masarukityaiki, axtɨ amastai anati naki tapenekoti abaxɨpeku au nomɨnantɨ, axaño tyopiki axɨna ane noñemaxti Espíritu Santo aukɨtɨpɨ amasasatɨ tyakuti nauki aikoñokoti nisɨborikixhti. Apasamunau aɨbuti. Tari taikianati taman asaratitɨ nuxia tyakutiatoe, nauki tapɨ tapenekotityo au makokotox.

Filipenses 1:10

nauki apipia apapacherio axɨna uxia. Sane uxia ñana nausɨboriki, nauki tapɨ autapeneka chepe axtɨ kuati tato Cristo.

1 Corintios 3:1

Axɨñɨ masarukityaiki, chixhanityakapɨ aume takana ɨmoma axɨbama tɨmañoñɨnka aɨbu axɨna ñakokonaunkuxɨma, ta takana ɨmoma axɨbama apekiatai ñakokonaunkuxɨma, takana ɨmo masiomanka axɨbama aɨbapae aikokoromati Cristo.

Colosenses 1:9

Sane naukiche axɨsomɨ, auki axɨmanu nanenes naukiche tɨtusiu suiñemo nanaiña axɨmanu sane, chɨtochenkopɨ someanka ɨmoti Tupax autaku nauki asuputarai noñemaxti nauki aityoximiatityo nanaiñantai apapanaunkubu uiti Espíritu Santo.

1 Corintios 4:5

Sane naukiche, tapɨ apasɨrɨka amasarai axɨna sane axtɨ chiñataikipɨ axɨmanu nanenes ñana. Axtɨ tɨkuatati Yɨriabux auki napes tari uiti aikiaɨbuti au nanentax nanaiña axɨba kaɨma abe au tomikianene, uiti atusi axɨna ane au nityusixhimia mañoñɨnka. Auki kaɨma axti Tupax uxia nuraxti ɨmoma axɨbama uxia nisɨborikixhimia.

Hechos 16:3

Xhanxtipɨ Pablo nauki aɨrotitɨ Timoteo chepeti, nauki tapɨ ɨnantɨ ɨmoma axɨmanuma judíos po'osoma au axɨmanu kɨx, circuncidaboti Timoteo uiti, tyopiki tusiu ɨmo namanaiña axti yaɨtoti Timoteo po'osoti au Grecia.

San Juan 7:17

Axti naki xhanxti aisamunenti noñemaxti Tupax, tyonenti tusiu ɨmoti axtɨ axɨna xhanunekaka kuatɨ aukiti, o xhanunekaka saukiñɨantoe.

1 Juan 2:20

Axti Cristo, naki champɨ nomɨnantɨ kɨtɨpɨti, iñanati pese año pɨnanakimia axɨbama ikuki axɨna kɨx, uiti toxioti Espíritu Santo aume, namanaiña axaño ausuputakai axɨna ñemanauntu.