1 Corintios 16:16 - Manityanati Tupax

¹⁶ Ixhanka nauki axaño apakokonau ɨmoma axɨbama takana axɨma, ɨmo namanaiña axɨbama baserebioma axɨbamaintyo tyone yachɨkoimia.

Manitanati Tuparrü

¹⁶ Rranquiquia amopünanaqui, masaruquitaiqui, nauqui apacoconaun ümo bama sane yaserebiquirrimia y ümo bama batrabacara sane ümoti Tuparrü.

1 Corintios 16:16 Referans Kwoze

Hebreos 13:17

Apakokonau ɨmoma axɨbama mayɨriabuka aume, tyopiki axɨma taikiana asaramatɨ autaku, tusiuityo ɨmoma ta axti Tupax astaiti ñana axɨna isamutema. Apapache nikiubu año apisamune nanaiña axɨna uxia ɨmoma, tyopiki axtɨ chɨsanempɨ aboi nanaiña champɨ nanenekiche aume.

1 Tesalonicenses 5:12

Masarukityaiki, apasamu nuxia suiñemo apiñanaunsuma axɨbama ane nɨriakaxɨma abaxɨpeku. Axɨma iñatama nuxia ñanunekakaxɨma aume nauki apisamune nausɨboriki takana axɨbama ikokoromati Jesús.

3 Juan 1:8

Sane naukiche axoñɨ tari basaratɨ tyakuma, nauki aisamunema axɨmanu yachɨkoimia ɨmo ñanunekakaxɨma axɨna ñemanauntu.

Apocalipsis 2:3

Aruku nuxia nantax aemo, taruku natakisɨrɨkɨ auki niyaka, ta chubatapɨ aemo.

1 Pedro 5:5

Saneityo axaño mayaɨka, apakokonau ɨmo nɨriakaxɨma axɨbama mayɨriabuka aume. Namanaiña apakokonau aumeampatoe aɨbu naupukɨnunku. Tyopiki nantɨ sane iku Nikorox: “Chuxiampɨ ɨmoti Tupax axɨbama au ñakionkoxɨma champɨti kiatax ipiakati pɨrɨkɨma, ta asaratitɨ aɨbu nipukɨruxti tyakuma axɨbama takisɨrɨma.”

Hebreos 6:10

Tyopiki axti Tupax uxia ñapanaunkuxti chɨtakɨrusupɨ ñana ñakionkoxti iyo axɨna apisamute tyakuma axɨbama ikokoromati. Ui axɨna sane napachɨkoi apityusiankata ta kuasɨrɨti Tupax aume.

1 Timoteo 5:17

Axɨbama mayɨriabuka axɨpekuma axɨbama ikokoromati Jesús axtɨ isamutema nuxia niyachɨkoimia koñotɨ ɨmoma asuriuma tox bapakakax ityobo, axɨbamampae urapoimia manunekanamaintyo axɨba omixhia manityakax.

1 Tesalonicenses 2:9

Masarukityaiki, axaño apakionkaño kausane suichakisɨrɨka kuata supachɨkoi nauki aye soboi sumutuburibo. Champɨ nityochenki supachɨkoi au sapes takana au tobixh, nauki tapɨ subasikia supanki amopɨnanaki naukiche supanunekaka aume axɨba omixhia nuraxti Tupax.

1 Tesalonicenses 1:3

Tusiu nuxia suiñemo nanaiña axɨna apisamute uixh apityusiankata ta apikokota nuraxti Tupax kuasɨrɨti aume, axtɨ autakisɨrɨka champɨ nɨmoche aboi, sɨsio año aɨbu narukux aume kɨmenuti Yɨriabux Jesucristo, sukarɨti Tupax naki Uyaɨ.

Filipenses 4:3

Axɨkɨtyo naki anankɨ chepeñɨ ɨmo axɨna niyachɨkoi, asamu nuxia iñemo ayurasio. Tyopiki axio, chepeti Clemente namanaiñaintyo axɨmanuma amonkoma chepeñɨ ɨmo axɨna niyachɨkoi, amonkoma chepeñɨ uraboimia axɨba omixhia manityakax. Axɨmanuma mañoñɨnka chauki tɨkoroboma iku axɨmanu kichonimiakax kauta champɨ nityakɨru sɨborikixh.

Efesios 5:21

Axaño axɨbama apiñanaunkati Cristo, tari apakokonau aumeampatoe.

1 Corintios 12:28

Aboma axɨbama sɨroma uiti Tupax axɨpekuma axɨbama ikokoromati Jesús, kusɨrɨboma axɨbama amonkoma tɨkañe isiuti. Auki aboma axɨbama manityanama ui noñemaxti. Auki aboma axɨbama manunekanabo. Auki aboma axɨbama masamunuma axɨba champɨ tu bastai, makiataka axɨbama bakurarama ɨmoma axɨbama maunxokonoma, axɨbama asaramatɨ tyaku makiataka, axɨbama mayɨriabuka, makiataka tusiu ɨmoma axɨmanio aruki nanaiñantai manityakaka.

1 Corintios 3:9

Axɨsomɨ chepe supaserebikia ɨmoti Tupax. Tapɨ axaño tyone ñanaunx axɨna kauta ane sɨro kɨtu axɨnaintyo pox nipoxti Tupax.

Romanos 16:12

Nixhakionkoityo tanu ɨmoti Trifena ɨmotityo Trifosa, axɨma baserebioma ɨmoti Yɨriabux. Ɨmo Pérside, taruku niyaserebikixh ɨmoti Yɨriabux.

Romanos 16:9

Aburasoi nixhakionko ɨmoti Urbano naki anankati ochepe ɨmo axɨna nubachɨkoi ɨmoti Cristo, ɨmotityo ichurapa Estaquis.

Romanos 16:6

Aburasoi nixhakionko ɨmo Mariax, tyone taruku nonxɨkɨx tɨkañe autaku.

Romanos 16:3

Aburasoi nixhakionko tanu ɨmoti Priscila ɨmotityo Áquila, tyonema axɨbama amonkoma chepeñɨ ɨmo niyaserebiki ɨmoti Jesucristo.

Hebreos 13:24

Apasamu nuxia aburasoi nixhakionko tanu ɨmo namanaiña axɨbama mayɨriabuka aume, takanaintyo ɨmo namanaiña axɨbama ikokoromati Jesús. Axɨbama usarukityaiki auki Italia ñakionkoxɨmaintyo tanu aume.