1 Corintios 15:2 - Manityanati Tupax

² Oboityo axɨmanio omixhia manityakax ane maximiakatax ñana aume, axtɨ chapiñokotapɨ. Sane takana nixhanunekaka aume. Axtɨ chɨsanempɨ aboi champɨ nanenekiche napakokonaunku.

Manitanati Tuparrü

² Ui arrüna urria manitacarrü autaesübuca eanaqui nomünantü. Arrtü apicocota enterurrü nausüboriqui, urria nabaca. Tapürrtü apiñocota, ümonatai napacoconauncu ümoti Jesús.

1 Corintios 15:2 Referans Kwoze

Hebreos 3:6

Tapɨti Cristo, naki Aɨtoxti, makokonaunxti au nipoxti Tupax axɨmanu pox ta axoñɨ, axtɨ oñonkatɨ nuxia aɨbu nupukɨnunku.

Hebreos 2:1

Sane naukiche tari basaraira nuxia kausane axɨmanio omixhia manityakax oñonkoi, tapɨ uɨkatɨ pese pɨnanaki axɨna besɨro kutubiux.

Hebreos 3:14

Tyopiki axoñɨ toxioityo ñana oemo axɨmanu toxiobo ɨmoti Cristo, axtɨ oñonkatɨ nuxia aɨbu narukux oemo chepe nityakɨrux takana aukiapae maɨbo.

2 Timoteo 1:9

Uiti Tupax utaesɨbuka eanaki nomɨnantɨ auki ityasuruti oñɨ nauki kaɨma aɨtoxti oñɨ, chɨtyopikipɨ axɨna uisamute, ta tyopiki tyone axɨna nixhantɨmoti aisamunenti ui nipukɨruxti utaku aukiapae tɨkañe, tyopikiti Cristo Jesús.

Colosenses 1:23

Axɨna sane ñana axtɨ sɨsio año aɨbu napakokonaunku, axtɨ chapiñokotapɨ axɨmanu ɨriotɨ oboi axɨmanio omixhia manityakax. Axɨba omixhia manityakax chauki tɨtusiu au nanaiña iku axɨna kɨx, axɨñɨ Pablo anankañɨntyo xhanunekaka.

Efesios 2:8

Tyopiki ui nipukɨruxti Tupax axaño apasutiu maximiakatax ñome nomɨnantɨ aboi tyopiki apikokokati Tupax. Chaboiyapatoepɨ aye aboi axɨna sane, ta tyone ñakumanataxti Tupax.

1 Corintios 1:18

Axɨna manunekatax kɨtɨpɨ nikonkoxti Cristo kɨtɨpɨ kurusɨx tyone champɨ nanenekiche ɨmoma axɨbama chuxiampɨ nisɨborikixhimia, tapɨ oemo axɨbama uikokokati Tupax tyone maximiakatax.

Santiago 2:26

Sane takana kɨtɨpɨx axɨna champɨ nausɨpɨx chauki tɨkoiño, saneityo axɨna makokonaunkux ɨmoti Tupax tɨkoiño axtɨ champɨ chepe axɨba omixhia uisamute.

Santiago 2:14

Masarukityaiki, ¿isane nanenekiche oemo axtɨ usukana oñɨ uikokokati Tupax, axtɨ champɨ uxia uisamute axɨna uiche atusi? Axtɨ sane champɨ maximiakatax aume.

Hebreos 10:23

Tapɨ uiñokota numakokonaunku, tapɨ kiatax numakionko tyopiki axti Tupax chɨmapañantipɨ ta isamutenti ñana axɨmanu ensɨmunu uiti.

San Lucas 8:13

Axɨmanio sɨrobo kɨtu bupakio omeana kanka takana axɨbama onkoimia axɨba omixhia manityakax yasutiuma aɨbu nipukɨnunkuxɨma, champɨ nixhanakax. Ikokotama mantukubatai naneneka, axtɨ ane makokotox ɨmoma iñokotama.

Santiago 2:17

Saneityo aɨbu axɨna numakokonaunku ɨmoti Tupax, champɨ nanenekiche oemo uikokoroti Tupax axtɨ champɨ uisamute axɨna uiche atusi. Axɨmanu makokonaunkux champɨ nanenekiche.

Hebreos 4:14

Axti Jesús tyonenti Aɨtoxti Tupax, tyonentityo naki sacerdote Yɨriabuxti oemo, naki iyebo uiti au napes. Sane naukiche uiñana nuxia numakokonaunku ɨmoti Tupax.

2 Tesalonicenses 2:15

Sane naukiche masarukityaiki, sɨsio año aɨbu napakokonaunku ɨmoti Tupax tapɨ takɨrusu napakionko yubapa axɨba supanunekaka aume oboityo kichonimiakaka axɨba supakɨpuka aume.

Gálatas 3:4

¿Munatai axɨba chiyaupɨ omixhia manunekatax aume? ¡Tarukapae axtɨ munatai!

2 Corintios 6:1

Sane kaɨma, tyopiki kumanakax somɨ ɨmoti Tupax, sukanasomɨ aume apasamu nuxia suiñemo apasusiu axɨna nipukɨruxti Tupax autaku.

Romanos 1:16

Chisɨsokapɨ aɨbu nuraxti Tupax, tyopiki tyone noñemaxti, uixh namanaiña axɨbama ikokotama ane maximiakatax ɨmoma, kusɨrɨboma axɨbama judíos takanaintyo axɨbama chɨtɨpɨ judíos.

2 Corintios 2:15

Tyopiki axoñɨ takana axobe uxiantai noborixh axɨna ñakumanataxti Cristo ɨmoti Tupax, tyone sɨrotɨ axɨpekuma namanaiña axɨbama ane maximiakatax ɨmoma takanaintyo axɨbama champɨ maximiakatax ɨmoma.

1 Corintios 15:14

Axtɨ axti Cristo chɨsɨborikotipɨ tato, champɨ nanenekiche axɨna supanityaka ausukarɨ champɨityo nanenekiche axɨmanu napakokonaunku axaño.

1 Corintios 1:21

Tyopiki axɨbama ikuki axɨna kɨx chiñataipɨ nipiakaxɨma nauki asuputaramati Tupax, auna kauta ityusiankatati nipiakaxti, axti Tupax ui nipukɨruxti axɨbama ikokotama axɨba omixhia nuraxti ane maximiakatax ɨmoma, champɨ nɨmoche axtɨ ɨmo makiataka axɨna manunekatax chɨsamianapɨ.

Romanos 11:22

Unka astai taruku nipukɨruxti Tupax, chuxiampityo ɨmoti chuisamutempɨ yakɨpukuxti. Besɨro ñapanaunkuxti aɨbuma axɨbama tapenekoma, tapɨ aɨbukɨ taruku nipukɨruxti. Aisamuse au nanaiña nasɨboriki takana axɨna nipukɨruxti. Tyopiki axtɨ chɨsanempɨ obi atɨsɨkaityo uiti.

Hechos 8:13

Axtityo maniki Simón ikokotati nuraxti Felipe auki ɨriotityo uiti, auki sɨrotitɨ isiuti, taruku nikɨtobɨxti oboi axɨmanio champɨ tastaiti omixhante uiti Felipe.

Hechos 2:47

Machampienkanama ɨmoti Tupax taruku nipukɨruxɨma makiataka tyakuma. Naneneka isumainkianɨ uiti Yɨriabux nububikixhimia axɨbama ikokoromati.

1 Corintios 11:2

Uxia iñemo axɨna apisamute sane, masarukityaiki, tyopiki taikiana apakionkaño iyoñɨ apisamutentyo nanaiña nixhanunekaka aume.