1 Corintios 13:8 - Manityanati Tupax

⁸ Axɨna nukuasɨrɨkɨ oemoampatoe champɨ nityakɨrux. Axɨna manityakax ui noñemaxti Espíritu Santo ane nityakɨrux ñana. Axɨba manityakaka axɨbaityo nuipiaka iñatai tyakɨru ñana.

Manitanati Tuparrü

⁸ Arrüna nucua oemoampatoe chüpuerurrüpü atacüru. Arrüna numanitaca uiti Espíritu Santo tiene que atacüru ñana. Arrüna numanitaca auqui piquiataca manitacaca tacürusu ñana. Caüma manitaca aübu numapanauncu uiti Tuparrü, pero arrüna sane ane nitacürurrü.

1 Corintios 13:8 Referans Kwoze

1 Corintios 13:13

Abe trex axɨba chɨbutakɨrusupɨ: axɨna uikokokati Jesús, axɨna nubaxɨperaka axɨnaintyo nukuasɨrɨkɨ oemoantoe, axɨna yarusɨrɨx omeanaki tyone axɨna nukuasɨrɨkɨ oemoantoe.

Gálatas 5:6

Chapie ɨmoti Cristo Jesús, chauki champɨki nɨmoche axtɨ circuncidabo oñɨ o champɨ. Axɨna ane nɨmoche tyone axɨna numakokonaunku, axɨna numakokonaunku axtɨ uisamute tyaku makiataka.

Hechos 2:4

Sane naukiche sɨsio kɨtɨpɨma noñemaxti Espíritu Santo, auki manityanama pikiataka manityakaka, axɨna nanti Espíritu Santo ɨmoma.

Hebreos 8:13

Axtɨ manityanati Tupax ɨmo axɨmanu kiatax ɨriotɨ uiti ta tyopiki tɨnanankax axɨmanu kusɨrɨbo tɨkañe. Axɨna tɨnanankax champɨki nanenekiche, tɨniyɨkɨx aenso.

1 Corintios 13:10

Iñatai ñana au nityakɨrux axtɨ kuatɨ axɨna besɨro mapanaunkux ñana.

1 Corintios 12:10

Makiataka toxio ɨmoma noñemaxti Tupax nauki aisamunema axɨna champɨ tubastai, makiataka toxio ɨmoma nauki profetas Abomaintyo axɨbama toxio ɨmoma asuputaramati Espíritu Santo pɨnanakiti chobores, makiataka ipiakama anityama aruki nanaiña manityakaka, makiataka tusiu ɨmoma axɨmanio aruki nanaiñantai manityakaka.

Hechos 19:6

Naukiche iñatati Pablo ne'esti ityama, isiuityo kuatati Espíritu Santo kɨtɨpɨma, auki manityanama pikiataka manityakaka ui npñemaxti Tupax.

San Lucas 22:32

Tapɨ axɨñɨ xhankikia atakukɨ, tapɨ takɨrusu apɨnanakikɨ nakokonaunku. Axtɨ axɨkɨ, ayekatɨ tato yesañɨ, aserebi ɨmo axɨbama arukityaiki nauki tapɨ tapenekoma.

1 Corintios 14:39

Sanente, masarukityaiki, apiña nuxia nauki apanitya ui noñemaxti Tupax, tapɨ chichebopɨ aboi anityama auki pikiataka manityakaka.

Hechos 13:1

Axɨpekuma axɨmanuma ikokoromati Jesús au Antioquía, abomaintyo axɨbama profetas ichepe axɨbama manunekanama: axti Bernabé, axti Simón, (axti naki nɨrixhtityo “kɨbɨsiti”), axti Lucio auki Cirene, axti Manahén, naki sunaunti ichepeti Herodes naki yɨriabuxti tɨkañe au Galilea, axtityo Saulo.

1 Corintios 8:2

Axti naki au ñakionkoxti ane tusiu ɨmoti, chɨtusiupɨ nanaiña ɨmoti.