1 Corintios 13:5 - Manityanati Tupax

⁵ Axtɨ kuasɨrɨma oemo makiataka, chuisamutempɨ ɨmoma axɨma chuxiampɨ, choñonxɨkapɨ utakuatoe. Chotɨborikiataipɨ ɨmoti kiatax.

Manitanati Tuparrü

⁵ Arrtü cuasürüti oemo naqui quiatarrü, chuisamutempü arrüna chüsamianapü, o arrüna churriampü ümoti. Champürrtü ñocütünaunrroñü. Chotüboriquiapatai. Chümaquioncapü oñü iyo arrüna nomünantü uiti quiatarrü.

1 Corintios 13:5 Referans Kwoze

1 Corintios 10:24

Tapɨ apapachetio axɨna uxia aumeampatoe, ta apapachesio axɨna uxia ɨmo namanaiña.

Santiago 1:19

Masarukityaiki, amonsapesio nuxia axɨna sukanañɨ aume: namanaiña taikiana amonsapesio nuraxti kiatax, tapɨ autɨborikiatai tapɨ tarukuityo napanityaka.

Filipenses 2:21

Makiataka onxɨxɨma tyakumantoe, champɨ nɨmoche uimia axɨna uxia ɨmoti Jesucristo.

Filipenses 4:8

Au nityakɨrux masarukityaiki, apiña napakionko ɨmo nanaiña axɨna ñemanauntu, nanaiña axɨna ane manaunkux ɨmo, nanaiña axɨna besɨro, nanaiña axɨna champɨ nomɨnantɨ kɨtɨpɨ, nanaiña axɨna uiche upukɨnunkatai, nanaiña axɨna uxia ɨmo namanaiña. Apiña napakionko yokɨtɨpɨ nanaiñantai mapanaunkuka, nanaiña axɨna koñotɨ uxia nuraxɨma kɨtɨpɨ.

Gálatas 5:13

Axaño, masarukityaiki, tɨtane batasukux aume eanaki nomɨnantɨ. Axɨna champɨ nomɨnantɨ aukɨtɨpɨ tapɨ uixh amekatɨ isiu axɨna nauxiantɨmoantoe. Ta apisamuse axɨna uxia aɨbu napakumananaunku aumeampatoe.

1 Corintios 12:25

nauki axɨba nenaxi nokɨtɨpɨ tapɨ opiñanaño pese, ta yakɨna nanaiña axɨba nenaxi nokɨtɨpɨ tari umasaratɨ yutakuapatoe.

2 Corintios 5:19

Axti Tupax anankati aɨbuti Cristo ixhimiakatati aɨbutiatoe axɨba nomɨnantɨ ui namanaiña. Auki ikɨpuruti somɨ suburaboi axɨba omixhia nuraxti.

1 Corintios 10:33

Axɨñɨ au nisɨboriki isamute nanaiña axɨna uxia ɨmo makiataka, chiyapachetiopɨ axɨna uxia ñemoantoe ta yapachetio axɨna uxia ɨmo namanaiña, nauki ane ɨmoma maximiakatax.

1 Corintios 11:18

Urapoimia sukarɨñɨ, axtɨ apiyoberabakaño chuxiampɨ aboi aumeampatoe, ane axɨna kauta ikokota ta ñemanauntu axɨna sane.

San Mateo 5:22

Tapɨ axɨñɨ sukanañɨ aume, axtɨ anati naki tɨborikoti ɨmoti yarukityoti, toxioti ɨmo nɨriakax. Axti naki uratokioti ɨmoti yarukityoti toxioti meku mayɨriabuka. Axtityo naki chomixhampɨ nuraxti ɨmoti yarukityoti, ityopiki sɨrotitɨ au infierno.

San Lucas 7:39

Axti maniki fariseo naki uiche aityasuruti Jesús, naukiche astaiti axɨna sane, kuatɨ au ñakionkoxti: “Axtɨ ñemanauntupɨ profetati naki ñoñɨnx, tusiupɨ ɨmoti isane naka axɨna asio aiñenoti: taman paɨx axɨna chuxiampɨ nisɨborikixh.”

San Marcos 3:5

Auki asaratitɨ Jesús aɨbu nityɨborixhti ɨmo axɨmanuma amonkoma tyupekuti, aɨbuityo nisuchekixhti ityopiki champɨ nipukɨru nausasɨxɨma nanti ɨmoti maniki ñoñɨnx: –Aipesɨnaka ne'e. Axti maniki ñoñɨnx ipesɨnakatati, auki axɨmanu ne'esti uxiante tato.

2 Tesalonicenses 3:7

Axaño tusiu aume kausane apisamune nausɨboriki isiuki suisɨboriki: axɨsomɨ sopisamute axɨna uxia suisɨboriki abaxɨpeku,

1 Corintios 7:36

Axtɨ anati naki au ñakionkoxti uxia axtɨ posoti aɨbu axɨna kupikixh uxia ɨmoti, tyopiki chauki tiñatai nisɨborikixh nauki apo, axtɨ au ñakionkoxti tyone axɨna uxia, tari posoti chisamutentipɨ nomɨnantɨ.

San Mateo 9:4

Tɨtusinaunku ɨmoti Jesús axɨna sane ñakionkoxɨma, ñankitioti pɨnanakimia: –¿Kausane chuxiampɨ napakionko?

2 Timoteo 2:10

Sane naukiche chubatapɨ iñemo nichakisɨrɨkɨ tyopiki namanaiña axɨbama takɨmanaunkunuma uiti Tupax, nauki ataesɨbumaintyo eanaki nomɨnantɨ nauki aye uimia axɨna nanentax esati Tupax.

2 Timoteo 4:16

Au axɨmanu kusɨrɨbo niyɨkɨx nixhokɨmaka chakuñɨantoe kutakikibo mayɨriabuka, champɨti anankati chepeñɨ. Namanaiña iñokonomañɨ. Tapɨ ane nɨmoche uiti Tupax axɨna sane yachɨkoimia.