1 Corintios 12:12 - Manityanati Tupax

¹² Axɨna nokɨtɨpɨ, abe kɨtɨpɨ sɨrɨmana axɨba nenaxixh, tapɨ tyone tamantai nakax. Sanentityo Cristo.

Manitanati Tuparrü

¹² Arrübama icocoromati Jesús ichepecacama tacana nicütüpürrti taman ñoñünrrü. Arrüna nocütüpü abe sürümana parterrü, abu tamantai nacarrü nocütüpü.

1 Corintios 12:12 Referans Kwoze

Colosenses 3:15

Tari axɨna nipukɨnunkuxti Cristo sɨsio au nabausasɨ, tyopiki ɨmo samamekana año uiti Tupax nauki apisamunaño kunauntaña kɨtɨpɨx, nauki apityusianka naupukɨnunku.

1 Corintios 12:27

Sane naukiche, axaño tyone nikɨtɨpɨxti Cristo, taikianati taman abaxɨpekuki ane yachɨkoboibotiatoe.

Colosenses 2:19

Axɨma chabomampɨ chepeti Cristo, tyonenti naki Yɨriabux ɨmo namanaiña axɨbama ikokoromati Cristo tyonentityo naki uiche aruku ɨmoma naneneka. Torio uiti Cristo nanaiña ɨmoma axɨbama ikokoromati nanaiña axɨna nixhantɨmoma, oberabaramaintyo uiti takana axɨna nixhankaxti Tupax.

Efesios 4:4

Ane kunauntaña kɨtɨpɨx kunauntañantityo Espíritu Santo, sane takanati Tupax ityasuruti año ɨmo axɨmanu kunauntaña toxiobo ñana maximiakatax aume.

1 Corintios 10:17

Champɨ nɨmoche axtɨ sɨrɨmana oñɨ, namanaiña ubaka auki axɨmanu kunauntaña pan, sane naukiche kunauntaña nakax osoi axɨmanu kɨtɨpɨx.

Efesios 5:30

tyopiki namanaiña tyonema nikɨtɨpɨxti. Tapɨ axoñɨ tyone nenaxi axɨmanu nikɨtɨpɨxti.

Colosenses 1:18

Tyonenti Cristo Yɨriabuxti ɨmoma axɨbama ikokoromati, tyoneintyo nikɨtɨpɨxti. Tyonenti naki kusɨrɨboti tɨkañe pɨnanaki nanaiña axɨba abe iku axɨna kɨx, tyonenti naki kusɨrɨboti asɨboriti tato, nauki tyonenti naki kusɨrɨboti aɨbu nanaiña.

Efesios 5:23

Tyopiki axti ñoñɨnx yɨriabuxti ɨmo nikɨpostoti, sane takanati Cristo Yɨriabuxti ɨmoma axɨbama ikokoromati, namanaiña tyonema nikɨtɨpɨxti. Tyonentityo naki uiche akaɨbuma eanaki nomɨnantɨ.

Efesios 4:12

Sane manunekanati ɨmo namanaiña axɨbama uikokokati Jesús, ɨmo axɨmanu niyachɨkoimia tyaku makiataka, ta tyone nikɨtɨpɨxti

Gálatas 3:16

Axti Tupax ɨriotɨ tɨkañe uiti axɨba toxiobo ɨmoti Abraham ɨmomaintyo axɨbama aɨtoxti. Axɨmanu Nikorox chɨnanpɨtɨ “axɨbama aɨtaiki”, sɨrɨmanama, ta kunauntañatiatai. Nantɨ: “ɨmoti aɨ”, axɨmanu sane tyonenti Cristo.

Colosenses 1:24

Kaɨma ipukɨnunka ui axɨna nichakisɨrɨkɨ autaku, tyopiki sane iñatai tyakɨru ui nisɨtɨpɨ nityakisɨrɨkɨ nikɨtɨpɨxti Cristo, tyopiki axɨbama ikokoromati.

Efesios 1:23

Axɨbama ikokoromati Cristo tyonema nikɨtɨpɨxti Cristo, axɨbama yasutiuma nanaiña axɨna ane uiti. Tyopiki uiti Cristo nanaiña omenotɨ au nityakɨrux.

1 Corintios 12:7

Axti Tupax toxio uiti taikiana ɨmoti taman ñakokotoxti axɨna noñemaxti Espíritu ochepe, nauki namanaiña uxia nisɨborikixhimia.

1 Corintios 12:20

Axɨna kɨtɨpɨx sɨrɨmana nenaxixh, tapɨ axɨna kɨtɨpɨx kunauntaña nakax.