1 Corintios 1:25 - Manityanati Tupax

²⁵ Axtɨ ñapanaunkuxti Tupax chɨsamianapɨ oemo tyone taruku nipiakax pɨnanaki nipiakaxɨma mañoñɨnka. Axɨna au numakionko champɨ nikusɨuxti Tupax tyone taruku nikusɨux pɨnanaki mañoñɨnka.

Manitanati Tuparrü

²⁵ Namatü macrirrtianuca que chüvaleopü arrüna nicusüurrti Tuparrü y ñapanauncurrti, abu ta manrrü valeo itopiqui manrrü ipiacati, y manrrü puerurrti pünanaqui namanaiña.

1 Corintios 1:25 Referans Kwoze

1 Corintios 1:18

Axɨna manunekatax kɨtɨpɨ nikonkoxti Cristo kɨtɨpɨ kurusɨx tyone champɨ nanenekiche ɨmoma axɨbama chuxiampɨ nisɨborikixhimia, tapɨ oemo axɨbama uikokokati Tupax tyone maximiakatax.

2 Corintios 13:4

Ñemanauntu takubaxioti kɨtɨpɨ kurusɨx takanati ñoñɨnx ikuki axɨnantai kɨx, ta sɨborikoti ui noñemaxti Tupax. Saneityo axɨsomɨ iyebo soboi takana axɨmanu nakaxti, ta axtɨ subaka chepeti suisɨborikia ui noñemaxti Tupax nauki supaserebi aume.

1 Corintios 1:21

Tyopiki axɨbama ikuki axɨna kɨx chiñataipɨ nipiakaxɨma nauki asuputaramati Tupax, auna kauta ityusiankatati nipiakaxti, axti Tupax ui nipukɨruxti axɨbama ikokotama axɨba omixhia nuraxti ane maximiakatax ɨmoma, champɨ nɨmoche axtɨ ɨmo makiataka axɨna manunekatax chɨsamianapɨ.

1 Corintios 2:14

Tapɨti naki ñoñɨnx ikuki axɨnantai kɨx, chiyasutiutipɨ axɨba noñemaxti Espíritu Santo uiti Tupax, tyopiki chɨsamianapɨ ɨmoti. Tyone chiyebopɨ uiti, tyopiki nanaiña axɨba sane tari uiti Espíritu Santo asaraiti.

1 Corintios 4:10

Axɨsomɨ, tyopikiti Cristo, namatɨ suiñemo champɨ sopipiatɨmo. Tapɨ axaño chapie ɨmoti Cristo, amukanaño taruku napapanaunku. Axɨsomɨ chɨkusɨurupɨ suisɨtɨpɨ, tapɨ axaño taruku nikusɨu naukɨtɨpɨ. Iñanama pese somɨ, tapɨ aume taruku ñanaunkuxɨma.