1 Corintios 1:17 - Manityanati Tupax

¹⁷ tyopiki axti Cristo chikɨpurutipɨñɨ nauki xhaunimia, ta nauki xhanuneka axɨba omixhia manityakax, chuipɨ ñapanaunkuxɨma axɨbama ikuki axɨna kɨx, nauki tapɨ takɨrusu numakionko ɨmo nikonkoxti Jesucristo kɨtɨpɨ kurusɨx.

Manitanati Tuparrü

¹⁷ Arrti Cristo champürrtü icüpurutiñü nauqui rraunimia, sino nauqui suraboi arrüna urriampae manitacarrü. Suraboi nautaesübucu eanaqui nomünantü. Arrüñü besüratai nirranitaca, sane nauqui atusi nurria nicusüurrti y nüriacarrti Cristo, naqui coiñoti apü curusürrü.

1 Corintios 1:17 Referans Kwoze

1 Corintios 2:1

Sane masarukityaiki, naukiche yakatɨ tanu xhanuneka aume axɨba nixhantɨmoti Tupax usaɨbu, axɨba umanekana uiti, chiyakapɨtɨ aɨbu taruku nipiaka xhanitya.

1 Corintios 2:13

Tyone axɨba supanunekaka ui noñemaxti Espíritu Santo, chɨtɨpɨ ui nipiakaxɨma mañoñɨnka. Sane supanunekaka kɨtɨpɨti Espíritu Santo ui noñemaxti Espíritu Santo.

2 Pedro 1:16

Axɨmanu supanunekaka aume kɨtɨpɨ nɨriakaxti Yɨriabux Jesucristo axɨmanuintyo niyekixhti tato, chɨsupapachekataipɨ suburapoboibo, tyopiki axɨsomɨ sumastai niyarusɨrɨkɨ nɨriakaxti naki Yɨriabux oemo.

2 Corintios 10:10

Aboma axɨbama namatɨ axɨba nixhakonomoso champɨti naki isamutenti axɨna sukanañɨ, axɨñɨ axtɨ xhanityaka champɨti naki chiyebopɨ uiti, champɨityo axtɨ xhanityaka aɨbu nisɨriaka.

2 Corintios 4:2

Sopiñokota axɨmanu tɨkañe nanaiña anekanatai soboi, takana axtɨ suisɨsoka. Chɨsupatachemakakapɨ chɨkiataxɨpityo supanunekaka nuraxti Tupax. Axɨsomɨ supanunekaka axɨna ñemanauntu, sane sopityoximiata ɨmo namanaiña takanaintyo ɨmoti Tupax nanaiña axɨna sopisamute.

San Juan 4:2

(axɨna ñemanauntu chityonentipɨ Jesús naki maunimiana, ta axɨbama nesaxti apóstoles).

2 Corintios 11:6

Champɨ nɨmoche axɨna chipiakapɨ nuxia xhanitya, ta axɨna nixhapanaunku uxia. Tyone sopityusiankata nantax ausukarɨ au nanaiña axɨna sopisamute.

Hechos 10:48

Auki bakɨpuruti nauki ɨrimia au nɨrixhti Jesucristo. Auki axɨma ñankitioma pɨnanakiti, Peru asamuti nuxia nauki asioti akamanu ichepema ñome mɨmanantai naneneka.

San Juan 4:1

Axɨmanuma fariseos ipiatema sɨrɨmanama axɨbama sɨromatɨ isiuti Jesús sɨrɨmanamaintyo axɨbama ɨrioma uiti pɨnanakiti Kuan

2 Corintios 1:12

Ane axɨna tyopikiche taruku suipukɨnunku, tyopiki axɨna suiyausɨpɨ uixh uraboi ta besɨro suisɨboriki iku axɨna kɨx, takanaintyo aupu. Tyopiki axɨsomɨ chisomekapɨtɨ isiuki ñapanaunkuxɨma mañoñɨnka, ta somonkatɨ ɨmo noñemaxti Tupax.