Yohana 8:39 - Biblia Ching'hwele

³⁹ Wamwidika, “Tati yetu ni Bulahimu.” Yesu kawalongela, “One muwile wana wa Bulahimu, muhatendile fana Bulahimu viyatendile.

Lagano da Sambi kwa Wanhu Wose

³⁹ Wamwidika, “Tati yetu ni Bulahimu.” Yesu kawalongela, “One muwile wana wa Bulahimu, muhatendile fana Bulahimu viyatendile.

Yohana 8:39 Referans Kwoze

Wagalatiya 3:7

Ivo muvimanye kuwa wanhu wose womuhuwila Mulungu, wawo niiwawo welesi wa kweli wa Bulahimu.

Waloma 9:7

Na si welesi wose wa Bulahimu ni wana wa Mulungu. Mbali Mulungu kamulongela Bulahimu, “Welesi wako wizalawa kwa Isaka.”

Yohana 8:37

Novimanya mweye mwa wazukulu wa Bulahimu. Mbali mwolonda kunikoma kwaviya hamtogola mafundizo yangu.

Masayo 5:45

Muhatenda vino, mwizakuwa wana wa Tati yenu yeli kuulanga. Kwaviya kowabung'hulila zuwa jake wanhu wehile na wanogile, na mvula yake kwa wanhu wanogile na wanhu wehile.

Masayo 3:9

Sekemugese kuwa mwodaha kuikimbila nhaguso kwa kulonga kuwa Bulahimu ni wasaho yenu. Nomulongelani kweli, Mulungu kodaha kuyasola mabwe yano na kuyatenda yawe welesi wa Bulahimu!

Wagalatiya 3:29

One mweye mwa wanhu wa Chilisito, basi mwa welesi wa Bulahimu na mwizahokela chiya chiyalongile Mulungu.

Waloma 4:16

Kwa ivo, chilagano chohuwila uhuwilo, muladi chilagano chiya chiwoneke kuwa chitumetume cha Mulungu kwa nyelesi zose za Bulahimu, si kwa waja muhala wowotenda chiyolonda Malagilizo, mbali iviya kwa waja wokala kwa uhuwilo fana viyakalile Bulahimu tati yetu wose.

Waloma 4:12

Iviya Bulahimu ni tata wa waja wose wengizigwe ulungwana, na si kwingila ulungwana muhala, mbali na waja wosondelela uhuwilo wa tati yetu Bulahimu uyakalile nawo haja viyakalile yang'hali hanakwingila ulungwana bule.

Yohana 8:33

Wamwidika, “Cheye ni wazukulu wa Bulahimu. Hachinawahi kuwa watumwa kwa munhu yoyose. Vilihi kwochilongela chizailegeha?”

Yohana 8:43

Habali hamuvimanya yano yonilonga? Kwaviya mweye hamudaha kutegeleza mbuli zangu.

Yohana 8:56

Tati yenu Bulahimu kadenelela yaniwone, nayo kaniwona, kadeng'helela.”