Yohana 20:15 - Biblia Ching'hwele

¹⁵ Yesu kamuuza, “Mama, kwolilila choni? Kwonzahila yelihi?” Maliya kagesa iyo ni mkalizi wa ichizi, ivo kamulongela, “Mwenevale, one kumsola, nongele kumwika kulihi nihite nikamsole.”

Lagano da Sambi kwa Wanhu Wose

¹⁵ Yesu kamuuza, “Mama, kwolilila choni? Kwonzahila yelihi?” Maliya kagesa iyo ni mkalizi wa ichizi, ivo kamulongela, “Mwenevale, one kumsola, nongele kumwika kulihi nihite nikamsole.”

Yohana 20:15 Referans Kwoze

Yohana 20:13

Watumigwa waja wamuuza, “Mama, habali kwolila?” Nayo kawedika, “Wamsola Mndewa wangu, na sivimanyile bule wamwika kulihi.”

Yohana 18:7

Yesu kawauza kaidi, “Mwonzahila yelihi?” Wamwidika, “Yesu wa Nazaleti.”

Yohana 1:38

Yesu kahinduka, kawona womuwinza, kawauza, “Vino mwozahila choni?” Wamwidika, “Labi, vino weye kokala kulihi?” Labi fambulo jake mfundiza.

Maliki 16:6

Mbwanga iyo kawalongela, wanaake waja “Sekemwanywe. Mwomzahila Yesu Mnazaleti yoyawambigwe mu msalaba. Kahabule hano, kazilibuka! Loleni hanhu hawamwikile.

Masayo 28:5

Msenga wa kuulanga kawalongela wanaake waja, “Sekemwanywe, kwaviya novimanya kuwa monzahila Yesu yoyawambigwe mumsalaba.

Yohana 18:4

Yesu kavimanya yose yondayamulawilile, ivo kawalawilila, kawauza, “Vino mwonzahila yelihi?”

Luka 24:5

Wanaake waja wazanywa ng'hani na kuidulika hasi, mbali iwanhu waja wawalongela, “Habali mwonzahila munhu ngima muna iwanhu wadanganike?

Masayo 12:34

Mweye ulelwa wa zoka! Vino mudahaze kulonga yanogile na mweye mwiha? Kwaviya munhu yoyose kolonga chiya chimemile muna umoyo wake.

Luka 2:44

Walinga kakala hamwe na lung'husesa lwa wanhu, wahita mbaka zuwa diswa. Maabaho wandusa kumzahila kwa wandugu na wambwiya zawo.