Yohana 19:6 - Biblia Ching'hwele

⁶ Wakulu wa nhambiko wa Kaye ya Mulungu na wakalizi viwamuwonile Yesu, walandula yamadizi, “Muwambe mumsalaba! Muwambe mumsalaba!” Pilato kawalongela, “msoleni mkamuwambe mumsalaba. Mbali niye sipatile chimu cha kumtagusa.”

Lagano da Sambi kwa Wanhu Wose

⁶ Wakulu wa nhambiko wa Kaye ya Mulungu na wakalizi viwamuwonile Yesu, walandula yamadizi, “Muwambe mumsalaba! Muwambe mumsalaba!” Pilato kawalongela, “msoleni mkamuwambe mumsalaba. Mbali niye sipatile chimu cha kumtagusa.”

Yohana 19:6 Referans Kwoze

Yohana 18:31

Pilato kawalongela, “msoleni na mumtaguse kwa malagilizo yenu.” Wayahudi wamwidika, “Cheye hachilondeka kumtagusa munhu yoyose yakomigwe.”

Yohana 19:4

Pilato kalawa kunze kaidi, kawalongela Wayahudi, “Loleni, nomulava kumwenu muladi muvimanye sipatile chimu cha kumtagusa.”

Sang'hano 7:52

Vino kuna mulotezi yoyose wa Mulungu ija wasaho zenu hawamgazile bule? Wawakoma wasenga wa Mulungu, waja umwaka wowalongile mbuli ya kwiza kwake mtumigwa yanogile haulongozi ha Mulungu. Na sambi mweye mumbiduka na mumkoma.

Sang'hano 2:23

Kulawa mwanduso, Mulungu mwenyewo kwa lungilo jake kalamula kuwa Yesu kezakwikigwa muna yamakono yenu, mwizamkoma kwa kuwaleka wanhu weli na uhasanyi wamuwambe mumsalaba.

Yohana 19:15

Mbali walandula yamadizi, “Mkome! Mkome! Muwambe mumsalaba!” Pilato kawauza, “Vino mwolonda nimuwambe mumsalaba mfalume wenu?” Wakulu wa nhambiko wamwidika, “Chabule mfalume imwenga ila mfalume mkulu wa Loma muhala!”

Luka 23:4

Maabaho Pilato kawalongela wakulu wa nhambiko na uja ulung'husesa lwa wanhu, “Siwona bule chimu cha kumtagusa munhu ino.”

Masayo 27:24

Pilato viyawonile kuwa haifaya chochose ila tibwilitibwili jandusa, kasola mazi kanawa makono yake haulongozi ha lung'husesa, kalonga, “Niye nabule kwihiligwa kwa damu ya munhu ino! Ivo manye wenyewo!”

Masayo 27:22

Pilato kawauza, “Maabaho Yesu yotangigwa Chilisito nimtende choni?” Wamwidika, “Muwambe mumsalaba!”

Masayo 26:58

Petili kamsondelela kwa kutali mbaka kuluhelengo lwa ikaye ya mkulu wa nhambiko, kengila mgati, kakala hamwe na wakalizi muladi yadahe kulola yose yondayalawilile.

Yohana 18:3

Ivo Yuda kasola kibumbila cha wakalizi na wasang'hani kulawa kwa wakulu wa nhambiko na Mafalisayo, keza nawo baho na vitasa na mimuli na silaha.

Yohana 18:38

Pilato kamuuza, “Kweli icho ichoni?” Maabaho Pilato kalawa kunze, kawalongela Wayahudi “Sipatile banango da munhu ino.