Yohana 16:32 - Biblia Ching'hwele

³² Lusita lukwiza, kai lufika lumala, vondamupwililike chila munhu ukaye yake. Mweye wose mwizanileka niidumwe. Mbali sili dumwe bule, kwaviya nahamwe na Tati yangu.

Lagano da Sambi kwa Wanhu Wose

³² Lusita lukwiza, kai lufika lumala, vondamupwililike chila munhu ukaye yake. Mweye wose mwizanileka niidumwe. Mbali sili dumwe bule, kwaviya nahamwe na Tati yangu.

Yohana 16:32 Referans Kwoze

Masayo 26:31

Maabaho Yesu kawalongela, “Mweye wose ichilo chino mwizanileka, kwaviya Yamandiko Yelile yolonga, ‘Mulungu kezamkoma mdimi, na bumbila da ng'hondolo wezaimwaga.’

Yohana 8:29

Nayo yoyanhumile kahamwe na niye, hanilekile niidumwe bule kwaviya siku zose notenda yaja yoyomnogeza yeye.”

Yohana 8:16

Mbali nahatagusa, notagusa viilondeka, kwaviya sitagusa niidumwe. Tata yanhumile kahamwe na niye.

Maliki 14:27

Yesu kawalongela, “Mweye wose mwizakimbila na kundeka, fana Maandiko Yelile viyolonga, ‘Nizamtowa imdimi, na ng'hondolo wezapwililika.’

Masayo 26:56

Yano yose yolondeka yalawilile muladi Maandiko Yelile ya walotezi wa Mulungu yatimie.” Maabaho wanahina wose wamuleka, wakimbila.

Yohana 20:10

Maabaho wanahina waja wabwela ukaye yawo.

Yohana 16:25

“Nimulongelani mbuli zino zose kwa masimwe. Mbali lusita lukwiza sizalonga na mweye kwa masimwe mbali nizamulongelani funhu funhu mbuli za Tata.

Yohana 16:2

Wanhu wezawingigwa munazikaye za kutosela, na chipindi chokwiza wezawakoma na kugesa womsang'hanila Mulungu.

Yohana 4:23

Mbali chipindi chokwiza, na sambi chifika wanhu wowotosa muna ikweli wezamtosela Tata muna Umuhe na kweli, kwaviya wanhu wawo niiyo wawo Tata yoowazahila.

Yohana 4:21

Yesu kamulongela, “Mama nitogole, lusita lwokwiza wanhu hawezamtosela Tata muna ulugongo luno wala uko Yelusalemu.

Yohana 12:23

Yesu kawedika, “Chipindi cha kutunhizigwa Mwana wa Munhu sambi chifika.

Yohana 5:28

Sekemwazanywe na chino, lusita lokwiza wanhu wowadanganike wezahulika dizi jake.

Yohana 5:25

Nowalongela kweli, lusita lokwiza, na sambi lufika wanhu wowadanganike vondawahulike dizi da Mwana wa Mulungu, na waja wose wondawadihulike wezakuwa wagima.

Maliki 14:50

Maabaho wanahina wose wamuleka na kukimbila.

Sang'hano 8:1

Sauli nayo kawona vinoga kukomigwa kwa Sitefano. Siku ija, wahuwila wa Chilisito wose wa Chilisito weli Yelusalemu wandusa kugaya ng'hani. Wanhu wose wowamtogole Yesu wapwililikila isi ya Yudeya na Samaliya, ila watumigwa muhala wasigala.

Yohana 16:31

Yesu kawedika, “Lelo sambi mwonitogola?

Yohana 19:27

Maabaho Yesu kamulongela ija imwanahina, “Lola, iyo niiyo mami yako.” Kusongela lusita ulo mwanahina ija kamsola Maliya, kakala nayo ukaye yake.

Sang'hano 21:6

Vichikomeleze kuwalaga wanhu wose, chikwela muna ingalawa, nawo wabwela ukaye yawo.