Yohana 10:18 - Biblia Ching'hwele

¹⁸ Habule munhu yonihoka ugima wangu. Noulava kwa kulonda mwenyewo. Nina udahi wa kuulava, na nina udahi wa kuusola kaidi ugima wangu. Vino ivo Tata viyanilagilize nitende.”

Lagano da Sambi kwa Wanhu Wose

¹⁸ Habule munhu yonihoka ugima wangu. Noulava kwa kulonda mwenyewo. Nina udaho wa kuulava, na nina udaho wa kuusola kaidi ugima wangu. Vino ivo Tata viyanilagilize nitende.”

Yohana 10:18 Referans Kwoze

Waebulaniya 2:9

Mbali chomuwona Yesu yoyatendigwe kuwa mdodo kufosa wasenga wa kuulanga kwa lusita ludodo, muladi kwa unovu wa Mulungu yadanganike kwa ichimu cha wanhu wose. Kwa ichimu cha magayo yoyagaiye mbaka kudanganika kwake, sambi chomuwona kayawazigwa kombelo da ukulu na hishima.

Tito 2:14

Yesu kailava mwenyewo kwa ichimu chetu kwa kuchikombola kulawa muna uwihi wose na kuwasafya wanhu wake yeye mwenyewo, kuwa na hamu ya kutenda yanogile.

Yohana 10:17

“Tati yangu konilonda kwaviya noulava ugima wangu muladi niuhokele kaidi.

Yohana 14:31

Mbali chila munhu muna iisi kolondeka kuvimanya kuwa nomulonda Tata na nosanana chiya choyanilagilize niye. “Lelo izoni chihite.

Yohana 6:38

Kwaviya niye niza kulawa kuulanga siyo kutenda vinilonda niye, mbali kutenda viyolonda ija yoyanhumile.

Yohana 15:10

One muhamha Malagilizo yangu, mwizakala muna dilondo jangu, fana niye viniyamhile Malagilizo ya Tata na kukala muna dilondo jake.

Yohana 10:11

“Niye ni ndimi ninogile. Ndimi yanogile kolava ugima wake kwa ng'hondolo wake.

Sang'hano 3:15

Mumkoma munhu ija yakalille mwanduso wa ugima, mbali Mulungu kamzilibula na cheye ni wakalangama wa mbuli iyo.

Sang'hano 2:24

Mbali Mulungu kamtenda Yesu yazilibuke kulawa kwa wanhu wadanganike, kamkombola kulawa muna usungu wa ifa kwaviya haidahike bule ifa kumfunga.

Yohana 5:30

“Niye mwenyewo sidaha bule kutenda chinhu chochose, ila notagusa fana Mulungu viyanilongele, ivo nhaguso yangu ni ya haki. Sitenda viya vinilonda niye, mbali notenda viya viyolonda ija yoyanhumile.

Sang'hano 2:32

Mulungu kamzilibula ino Yesu, na cheye wose cha wakalangama wa mbuli iyo.

Yohana 19:11

Yesu kamwidika, “Udaho wose woulinawo kumwangu kwing'higwa na Mulungu. Nayo munhu ija yoyanigalile kumwako kana uhasanyi mkulu ng'hani.”

Yohana 10:15

Fana Tata viyonimanya na niye nommanya Tata, na noulava ugima wangu kwa ichimu cha ng'hondolo.

Yohana 5:26

Fana Tata mwenyewo viyeli mwanduso wa ugima, iviya kamtenda Mwana kuwa mwanduso wa ugima.