Yohana 1:45 - Biblia Ching'hwele

⁴⁵ Filipo kamuwona Nasanayeli, kamulongela, “Chimuwona ija mbuli zake zandikigwe na Musa muna ichitabu cha Malagilizo, na walotezi wa Mulungu iviya wandika mbuli zake. Niiyo Yesu wa Nazaleti, mwana wa Yosefu.”

Lagano da Sambi kwa Wanhu Wose

⁴⁵ Filipo kamuwona Nasanayeli, kamulongela, “Chimuwona ija mbuli zake zandikigwe na Musa muna ichitabu cha Malagilizo, na walotezi wa Mulungu iviya wandika mbuli zake. Niiyo Yesu wa Nazaleti, mwana wa Yosefu.”

Yohana 1:45 Referans Kwoze

Luka 24:27

Na Yesu kasonga kulonga viya viyandikigwe muna Yamaandiko Yelile, kasongela chitabu cha Musa mbaka maandiko ya walotezi wose wa Mulungu.

Masayo 2:23

Kahita na kukala muna dibululu ditangigwe Nazaleti. Ivo chiya chilongigwe na walotezi wa Mulungu chitimiya, “Kezatangigwa Mnazalayo.”

Luka 24:44

Maabaho kawalongela, “Ino iyo mbuli iniwalongele vinikalile ning'hali hamwe na mweye. Ilondeka vitendeke vose vovandikigwe kusonhela niye muna yamalagilizo ya Musa na munaivitabu va walotezi wa Mulungu na Zabuli.”

Luka 4:22

Wanhu wose wamtogola na wazanywa na mbuli za unovu zayalongile. Walonga, “Vino ino heli mwana wa Yosefu bule?”

Yohana 18:7

Yesu kawauza kaidi, “Mwonzahila yelihi?” Wamwidika, “Yesu wa Nazaleti.”

Mwanduso 22:18

Kufosela welesi wako makabila yose yezatemeligwa mate, kwaviya kunitegeleza.’ ”

Maliki 6:3

Viya ino siyo ija msongola vinhu? Mwana wa Maliya, ndugu yawo Yakobo na Yose na Yuda na Saimoni. Vino walumbu zake si wokala baha hamwetu? Ivo hawamtogole bule.

Masayo 21:11

Lung'husesa lwa wanhu lwidika, “Ino ni Yesu, Mulotezi wa Mulungu kulawa Nazaleti yili uko Galilaya.”

Mwanduso 49:10

Yuda kezakwamha mhome ya chifalume, Welesi wake wizatawala siku zose. Mbaka vondayeze yeli na udahi wa ufalume Mbaka makabila wezamtegeleza.

Mwanduso 3:15

Nizatenda weye wiihile na muke ija, ulelo wake wiihile na ulelo wako. Yeye kezakuhonda ditwi jako, Na weye kwizamuluma chisiginho chake.”

Sang'hano 22:8

Niuza, ‘Mndewa, weye kwa yelihi?’ Mndewa kamwidika, ‘Niye niiyo Yesu wa Nazaleti, weye younigaza.’

Sang'hano 10:38

Movimanya mbuli za Yesu wa Nazaleti na viya Mulungu viyangidile Muhe Yelile na ludabwa. Kahita chila hanhu, katenda yanogile na kawahonya wanhu wose wakalile wolangulizigwa na Mwihi kwaviya Mulungu kakala nayo.

Yohana 21:2

Saimoni Petili, na Tomasi yoyatangigwe Mbasa, na Nasanayeli mkaya wa Kana mwi isi ya Galilaya, na wana wa Zebedayo, hamwe na wanahina wamwenga waidi wa Yesu wakala hamwe.

Luka 2:4

Yosefu kalawa bululu da Nazaleti muna iisi ya Galilaya, kahita bululu da Betelehemu muna iisi ya Yudeya, hanhu hoyelekigwe Mfalume Daudi. Yosefu kahita haja kwaviya kalawa muna ulukolo lwa Daudi.

Maliki 14:67

Viyamuwonile Petili kokotela moto, kambunhulila meso na kamulongela, “Hata weye kukala hamwe na Yesu Mnazaleti.”

Masayo 13:55

Vino iyo siiyo mwanage ija imsongola vinhu na iviya mami yake niiyo yotangigwa Maliya na ndugu zake niwawo wotangigwa Yakobo na Yosefu na wamwenga wotangigwa Saimoni na Yuda?

Sang'hano 26:9

“Niye mwenyewo niwona kuwa nolondeka nitende yose ihadahika hata kudilema zina da Yesu wa Nazaleti.

Sang'hano 3:6

Maabaho Petili kamulongela, “Nabule hela wala zahabu, mbali nokwing'ha chiya chinili nacho, kwa zina da Yesu Chilisito wa Nazaleti, wime ugende!”

Sang'hano 2:22

“Tegelezeni wanhu wa Isilaeli! Yesu wa Nazaleti kakala munhu yeli na udahi, yoyalagusigwe na Mulungu kumwenu kwa nzila ya mawewedeka na vilaguso na mauzauza yoyatendile Mulungu mgati mmwenu kufosela yeye, fana mweye wenyewo vimmanyile.

Yohana 19:19

Pilato kandika chilaguso, kachika uchanyha ya msalaba. Kandika vino‚ “Yesu wa Nazaleti, Mfalume wa Wayahudi.”

Yohana 18:5

Wamwidika, “Yesu wa Nazaleti.” Yesu kawalongela, “Iyo Niye.” Yuda yoyambiduke kakala kema hanhu haja hamwe nawo.

Yohana 6:42

Walonga, “Vino ino siyo Yesu mwanage Yosefu bule? Vino tati yake na mami yake hachiwamanyile bule? Lelo kodahaze kulonga, ‘Nihumuluka kulawa kuulanga?’ ”

Luka 3:23

Yesu viyanduse usang'hano wake, kakala na miyaka malongo matatu. Wanhu wagesa yeye kakala mwana wa Yosefu, mwana wa Heli.

Masayo 10:3

Filipo na Batulomayo, Tomasi na Masayo, ija msola kodi, Yakobo mwana wa Alufayo, na Tadei,

Luka 2:48

Mami yake na tati yake viwamuwonile wazanywa ng'hani. Mami yake kamuuza, “Mwana weye! Habali kuchitendela vino? Niye na tati yako chikala chokuzahila kwa kugaya.”

Yohana 1:44

Filipo kakala mkaya wa Besisaida, bululu diwakalile wokala Andeleya na Petili.

Yohana 6:5

Yesu viyawonile lung'husesa lukulu lwa wanhu longendela, kamuuza Filipo, “Chigule kulihi ndiya ya kuja wanhu wano wose?”

Yohana 6:7

Filipo kamwidika Yesu, “Magate ya hela magana maidi hazifaya bule hata ihawa chila imwe yahapata chihande chidodo muhala!”

Yohana 12:21

Wamuhitila Filipo, mkaya wa Besisaida yili muna iisi ya Galilaya, wamulongela, “Mwenevale, chiye cholonda kumuwona Yesu.”

Yohana 14:8

Filipo kamulongela, “Mndewa, uchilagusile Tata, iyo niiyo ichinzahila.”

Luka 18:37

Wamulongela, “Yesu wa Nazaleti kofosa.”