Waloma 3:4 - Biblia Ching'hwele

⁴ Si ivo bule! Mulungu ni mkweli one ihawa chila munhu ni mvwizi. Yamaandiko Yelile yolonga, “Chila uhalonga mbuli zako chila munhu kowona kolonga viilondeka na muna inhaguso weye kohuma.”

Lagano da Sambi kwa Wanhu Wose

⁴ Si ivo bule! Mulungu ni mkweli one ihawa chila munhu ni mvwizi. Yamaandiko Yelile yolonga, “Chila uhalonga mbuli zako chila munhu kowona kolonga viilondeka na muna inhaguso weye kohuma.”

Waloma 3:4 Referans Kwoze

Wagalatiya 2:17

Mbali ihawa cheye wenyewo, kwa kulonda kutogoligwa kuwa chinoga haulongozi ha Mulungu kwa kuilumba na Chilisito, chiwoneka kuwa wene uhasanyi, vino mbuli ino yolagusa kuwa Chilisito kochitaza kutenda uhasanyi? Aka!

Waebulaniya 6:18

Lelo, kuna vinhu vino vidi, chilagano na chilaho, vino havidaha kugaluka na wala kwa vinhu vino Mulungu hadaha kulonga uvwizi. Ivo cheye wochikimbilile ukalizi wake, chokwing'higwa moyo kwa kwamhilila lolelo dodikigwe haulongozi wetu.

Tito 1:2

chandusilo cha uhuwilo ni lolelo da kupata ugima wa siku zose. Mulungu halonga uvwizi bule, kachikila chilagano cha ugima uwo kwandusila mwanduso wa kulumbigwa kwa isi yose.

Kumbukumbu 32:4

“Mndewa Mulungu ni luwe, sang'hano zake zigangamala na kohumiza voilondeka, Mulungu mwaminika yelibule ubananzi, kotenda mbuli zinogile na zigoloke.

Yohana 3:33

Munhu yoyose yotogola usenga wake, kothibitisha kuwa Mulungu iyo kweli.

Lugubulo 3:7

“Yandika kwa msenga wa kuulanga wa bumbila da wahuwila wa Chilisito da Filadelifiya, “Niye nyelile na wa kweli, niye nina uvugulo uja wa Daudi, yahavugula habule munhu yoyose yodaha kuhinda na yahahinda habule munhu yoyose yoyodaha kuvugula.

1 Yohana 5:20

Chovimanya kuwa Mwana wa Mulungu keza kamala, nayo kachitenda chimmanye Mulungu wa kweli. Cheye chokala kwa kuilumba na Mulungu wa kweli na choilumba na Mwanage Yesu Chilisito. Ino iyo Mulungu wa kweli na ugima wa siku zose.

Waloma 9:14

Lelo chilonge choni? Vino Mulungu kana ubagulo? Aka, siivo bule!

1 Yohana 5:10

Munhu yoyose yomuhuwila Mwana wa Mulungu kana ukalangama uwo muna umoyo wake. Mbali munhu yoyose hamuhuwila Mulungu, iyo komtenda Mulungu yawe mvwizi, kwaviya hahuwila ukalangama uja Mulungu uyamulavile Mwanage.

Wagalatiya 2:21

Silonda kulema unovu wa Mulungu bule. Mbali one munhu kopetigwa kuwa kanoga haulongozi ha Mulungu kwa nzila ya Malagilizo, yolagusa kuwa Chilisito kadanganika bule!

Waloma 6:15

Lelo chilonge choni? Vino chitende uhasanyi kwaviya hachilangulizigwa na malagilizo ya Mulungu, mbali cholangulizigwa na unovu wa Mulungu? Si ivo bule!

Waloma 3:31

Vino ino yofambula kuwa kwa uhuwilo uno chobena Malagilizo ya Mulungu yoyamwing'hile Musa? Si ivo bule! Mbali choyamha Malagilizo ya Mulungu yoyamwing'hile Musa.

Masayo 11:19

Mwana wa Munhu keza, koja na kong'wa na chila munhu kalonga, ‘Muloleni munhu ino! Mmelo na mkolwa, mbwiya wa wosola kodi na wahasanyi!’ Kwaviya ubala wa Mulungu wowoneka kwa kusang'hana yanogile. Mbali nzewele zake zowoneka zinoga kwa sang'hano zake.”

Wagalatiya 6:14

Mbali niye sizaigodela chochose, ila kwa msalaba wa Mndewa wetu Yesu Chilisito, kwaviya kwa nzila ya msalaba uwo isi yose iwambigwa kumwangu, na niye niwambigwa kwa isi yose.

Waloma 11:1

Nouza, vino Mulungu kowalema wanhu wake mwenyewo? Si ivo bule! Niye mwenyewo ni Muisilaeli, welesi wa Bulahimu, kulawa muna dikabila da Benjamini.

2 Wakolimso 1:18

Kweli Mulungu ni mwaminika, usenga wetu kumwenu siyo kwa kulonga “ona na aka” kwa lusita lumwe.

Waloma 11:11

Nouza kaidi, vino Wayahudi waikwala mbaka wagwa kabisa? Si ivo bule! Mbali kwaviya watenda uhasanyi, ukombola uhita kwa wanhu weli siyo Wayahudi, ivo Wayahudi watendigwa wawone migongo.

Waloma 7:7

Lelo chilonge choni? Vino Malagilizo ya Mulungu yoyamwing'hile Musa ni uhasanyi? Si ivo bule! Mbali kufosela Malagilizo yayo nivimanya uhasanyi chinhu chaki. One Malagilizo hayalongile bule, “Sekeumelele mate chinhu cha miyago.” Sigambenivimanye kumelela mate chinhu chaki.

Waloma 6:2

Si ivo bule! Vino cheye chileka uhasanyi na chogendelelaze kukala kaidi muna uhasanyi?

Luka 20:16

Kezakwiza na kezawakoma walimi wose, na kezaweng'ha mgunda uja wanhu wamwenga.” Wanhu viwahulike yayo, walonga, “Mbe! Sekeiwe ivo!”

Waloma 7:13

Vino chiya chinogile chigaluka ifa kumwangu? Si ivo bule! Itendeka ivo muladi uhasanyi utangigwe uhasanyi, unigalila ifa kufosela chiya chinogile. Ivo uhasanyi kufosela malagilizo, wolagusa wihi ng'hani.

1 Wakolimso 6:15

Muvimanya kuwa ng'huli zenu ni viungo va lukuli lwa Chilisito. Mogesa nodaha kusola chilungo cha lukuli lwa Chilisito na kulutenda lukuli luihanganye na malaya? Haidahika bule!

1 Timoseyo 3:16

Habule kuiuzagiza, ukulu wougubuligwe wa nzila yetu ya kumtambikila Mulungu. Kawoneka chiunhu, Muhe Yelile kamulagusa kuwa kanoga haulongozi wa Mulungu, kawoneka na msenga wa kuulanga. Kagong'ondigwa muna zisi zose, kahuwiligwa muna isi yose, kasoligwa kuulanga kwa Mulungu.