Waloma 2:5 - Biblia Ching'hwele

⁵ Mbali weye kuna moyo mdala na kolema kuleka yehile, na ivo koimemezela weye mwenyewo ludoko lukulu lwa Mulungu muna Dizuwa ijo da nhaguso ya Mulungu ilibule kuwonela vondailawilile.

Lagano da Sambi kwa Wanhu Wose

⁵ Mbali weye kuna moyo mdala na kolema kuleka yehile, na ivo koimemezela weye mwenyewo ludoko lukulu lwa Mulungu muna Dizuwa ijo da nhaguso ya Mulungu ilibule kuwonela vondailawilile.

Waloma 2:5 Referans Kwoze

Waloma 1:18

Kulawa kuulanga Mulungu kolagusa kuwa kana ng'hasiliki kwa wanhu wose wotenda uhasanyi na yehile, wowolema ukweli sekeumanyike kwa nzila ya sang'hano zawo zihile.

Yuda 1:6

Na wasenga wa kuulanga wapotigwe kulola goya ukulu wawo, waleka ukazi wawo wa umwaka. Mulungu kaweka muna diziza na kawazingiliza minyololo ya siku zose muladi wagozele siku ya nhaguso.

2 Petili 3:7

Mbali ulanga wa sambi na isi vikigwa ngama kwa moto, kwa mbuli iyo iyo, vihakalizigwa mbaka zuwa da nhaguso na da kunangigwa kwa wanhu hawamuhuwila Mulungu.

Waebulaniya 3:15

Fana viyolonga Maandiko Yelile, “Diyelo muhahulika dizi da Mulungu, sekemuwe na mizoyo midala, fana viya viwatendile wasaho zenu viwamulemile Mulungu.”

Kumbukumbu 32:34

“Mndewa Mulungu kokumbuka chiya chiwatendile wehi wawo, kogozela lusita lufaya kuwatagusa.

2 Petili 2:9

Ihawa ivo Mndewa kavimanya va kuwakombola wowomuhuwila muna yamagezo. Mbali kavimanya kuweka wanhu hawamtunhiza Mulungu muna inhaguso mbaka isiku ija ya kuwalamulila nhaguso.

Waebulaniya 4:7

Ino yolagusa kuwa Mulungu katenda zuwa dimwenga ditangigwa, “Diyelo” miyaka mingi ifosile kalonga kufosela Daudi muna Yamaandiko Yelile yoyalongigwe “Diyelo muhahulika dizi da Mulungu, sekemuwe na mizoyo midala.”

Waebulaniya 3:13

Mbali mugendelele kuhulika mbuli “Diyelo” yosomigwa muna Yamaandiko Yelile, igeleni moyo chila zuwa muladi hata imwe wenu sekeyawe mdala wa kuvwiziligwa na uhasanyi.

Waloma 9:22

Vino ivo voili kwa Mulungu. Kalonda kulagusa ludoko lwake na ludabwa lwake. Mbali kawafunyila umoyo wanhu waja walondeke kuwatagusa kwa ludoko lwake, wawo wolondeka kunangigwa.

Lugubulo 6:17

Kwaviya siku ng'hulu ya ludoko lwawo ifika, yelihi yodaha kuhona?”

Yakobo 5:3

Zahabu yenu na hela yenu vingila ng'hutu, na ng'hutu iyo izakuwa ukalangama kumwenu, nayo izakuja ng'huli zenu fana moto. Muimemezela ngama siku za uhelelo.

Waloma 11:25

Ndugu zangu nolonda muvimanye sili ino ifisike sekemwize kuiwona mweye mwawabala ng'hani. Udala wa wanhu wa Isilaeli ukala wa lusita muhala mbaka mheta ya wanhu weli siyo Wayahudi vondawambwelele Mulungu.

Kumbukumbu 2:30

“Mbali Sihoni mfalume wa Heshiboni hachilekele chifose muna iisi yake. Mndewa Mulungu, Mulungu wenu, kamtenda yawe mtatali na mwene moyo mdala, muladi chimuhume na kusola isi yake yochiihazi mbaka diyelo.

Kulawa 8:15

Mfalume wa Misili viyawone mabula yafa‚ kawa na moyo mdala kaidi‚ hawategeleze Musa na Haluni, fana Mndewa Mulungu viyalongile.

Kulawa 14:17

Niye nizawatenda Wamisili wawe na mizoyo midala muladi wawasondeleleni mgati muibahali, nizaipatila utunhizo kwa kumuhuma mfalume wa Misili na wakalizi wake na mituka yake na wakwela falasi wake.

Kulawa 32:34

Lelo hita ukawalongoze wanhu mbaka hanhu honikulongele. Msenga wangu wa kuulanga kezakulongolela. Siku yondaniwezileni, nizawatagusa kwa ichimu cha uhasanyi wawo.”

2 Wakolimso 5:10

Kwaviya cheye chose cholondeka chime kuulongozi wa Chilisito, kwa kuchilamulila nhaguso ilihi. Muladi chila munhu yahokele yombe da usang'hano uyautendile muna ulukuli, vinhu vochitendile vinoga hebu viha.

2 Wasesalonike 1:5

Uhelelo wa yayo yose mweye molondeka mwingile muna Ufalume wa Mulungu uwo kwa ichimu chake mweye mogazigwa. Magayo yayo yose yolagusa kuwa nhaguso ya Mulungu inoga.

Lugubulo 2:21

Nimwing'ha lusita lwa kusamha uhasanyi wake, mbali halondile kuleka ugoni wake.