Walawi 22:4 - Biblia Ching'hwele

⁴ “ ‘Munhu yoyose muna uwelesi wa Haluni yeli na utamu wa mbende hebu yolawigwa na ufila, sekeyaje chinhu chochose muna ivinhu velile mbaka yasafyigwe. Iviya munhu yoyose yondayadalise chinhu chambule mwiko kwa ichimu cha wadanganike, hebu munhu yolawigwa na shahawa,

Walawi 22:4 Referans Kwoze

Walawi 21:1

Mndewa Mulungu kamulongela Musa, “Walongele welesi wa Haluni weli wakulu wa nhambiko, ‘Munhu yoyose kumwenu sekeyambule mwiko kwa kumdalisa munhu yadanganike muna ulukolo lwake,

Walawi 11:39

“ ‘One mnyama yoyose yofaya kudigwa yahafa, munhu yoyose yondayadalise mtufi uwo kezakwambula mwiko mbaka ichigulogulo.

Peta 18:19

“Vinhu vose Waisilaili vowonigalile niye Mndewa Mulungu, nokwing'ha weye na wanago wa chilume na wa chike. Dino ni lagano da siku zose na hadizabenigwa haulongozi wangu dili kwa ichimu chako na welesi wako.”

Peta 18:9

Vinhu vino vizakuwa vako muna ivinhu velile ng'hani, vili havitimbuligwa kwa moto, vino vizakuwa venu, nhosa za usage na nhambiko za uhasanyi na nhambiko za ubananzi. Chila chinhu chondawanilavile wanhu, chizakuwa chako weye na wanago.

Walawi 21:22

Munhu iyo kodaha kuja ndiya ya Mulungu wake, muna indiya iyo yelile ng'hani na muna indiya iyo yelile.

Walawi 2:10

Nhosa ya mhule yondaisigale izakuwa ya Haluni na wanage wa chilume, iyo ni nhosa yelile ng'hani iyolaviligwa Mndewa Mulungu.

Walawi 2:3

Nhosa yondaisigale ni ya Haluni na wanage wa chilume. Iyo ni hanhu ha nhosa yelile ng'hani iyolaviligwa Mndewa Mulungu.

Walawi 15:17

Walo jojose dodilagaliligwe na shahawa hebu mbende yoyose ya mnyama yoidalisigwe na shahawa iyo, yolondeka ifuwigwe kwa mazi, nayo izakwambula mwiko mbaka ichigulogulo.

Peta 19:20

“Munhu yahambula mwiko na one haisafyile, munhu iyo kezalemigwa muna umting'hano, kwaviya kaditenda hema da Mulungu jambule mwiko. Kwaviya hamiziligwe mazi ya kuisafya, ivo kambula mwiko.