Walawi 21:6 - Biblia Ching'hwele

⁶ Wolondeka wawe welile kwa Mulungu wawo hebu sekewadilige zina da Mulungu wawo. Kwaviya wawo wolava kwa Mndewa Mulungu nhambiko kwa moto, yani ndiya ya Mulungu wawo. Ivo wolondeka wawe welile.

Walawi 21:6 Referans Kwoze

Walawi 18:21

“Sekeumulave mwanago yoyose kuwa nhambiko kwa mulungu Moleki, kwaviya uhatenda ivo kodiliga zina jangu, niye Mulungu wako. Niye niiyo Mndewa Mulungu, Mulungu wako.

Walawi 3:11

Mkulu wa nhambiko kezavitimbula ivo vose mchanyha ya lupango fana ndiya iyolaviligwa Mndewa Mulungu kwa moto.

1 Petili 2:9

Mbali mweye ni welesi usaguligwe, ukulu wa nhambiko wa chifalume, bumbila da wanhu welile, wanhu wa Mulungu, womusaguligwe kugong'onda sang'hano ng'hulu za Mulungu, yoyamtangileni mweye kulawa muna diziza na mwingile muna dibung'hulo jake da kwazanya.

Walawi 21:8

Kwizammanya mkulu wa nhambiko kuwa kela, mana yeye iyo yolava nhosa ya gate da Mulungu wako. Kezakuwa kela kumwako, kwaviya niye Mndewa Mulungu niiyo yonimtendani mwele.

Walawi 19:12

Sekemuilahe uvwizi kwa zina jangu, na ivo kudiliga zina da Mulungu wenu. Niye niiyo Mndewa Mulungu, Mulungu wenu.

Walawi 10:3

Maabaho Musa kamulongela Haluni, “Chino icho chiyalongile Mndewa Mulungu chipindi viyalongile, ‘Nizailagusa kuwa yelile kwa waja weli habehi na niye, nizatunhizigwa haulongozi ha wanhu wose.’ ” Haluni kanyamala.

Kulawa 29:44

Nizabagula hema da Mulungu na ulupango, iviya nizawabagula Haluni na wanage muladi wanisang'hanile fana wakulu wa nhambiko.

Kulawa 28:36

“Maabaho kwizatengeneza chihande cha zahabu yelile na kuchola uchanyha yake fana munhu viyochola muhuli, ‘Yelile kwa Mndewa Mulungu.’

Kulawa 19:22

Hata wakulu wa nhambiko wonikwenhukila, wolondeka waisafye, buleivo niye Mndewa Mulungu nizawatagusa.”

Walawi 21:17

“Mulongele Haluni, ‘Munhu yoyose muna uwelesi wako yeli na chilema sekeyakwenhuke kumgalila nhosa ya ndiya Mulungu wake.

Walawi 21:21

Mwelekwa yoyose yeli na chilema wa mkulu wa nhambiko Haluni, sekeyakwenhuke kunilavila Mndewa Mulungu nhambiko kwa moto. Kwaviya kana chilema, sekeyakwenhuke kulava ndiya ya Mulungu wake.

Walawi 20:3

Nizamulola munhu iyo na kumbagula mwa wanhu wake, kwaviya kamulava nhambiko mwanage kwa mulungu Moleki, na ivo kuhatenda hanhu hangu helile hambule mwiko na kudiliga zina jangu jelile.

Walawi 21:23

Mbali sekeyakwenhukile dipanzia hebu ulupango, kwaviya kana chilema, sekeyahatende hanhu helile hambule mwiko, kwaviya niye Mndewa Mulungu niiyo yoniwatenda wele.’ ”

Peta 16:5

Maabaho kamulongela Kola na bumbila jake, “Igolo imitondo Mndewa Mulungu kezalagusa welihi weli wake na welihi welile, na yelihi yondayamkwenhukile, mana yondayamsagule niiyo yondayamkwenhuse kumwake.

Peta 28:2

“Walagilize Waisilaili, ‘Mweye mwizanilavila nhosa zozilondeka kwa lusita lolulondeka, ndiya za kutimbuligwa kwa moto, zili na mnung'ho unogile wa kuninogeza.’