Walawi 20:2 - Biblia Ching'hwele

² “Walongele Waisilaili, ‘Muisilaili yoyose hebu nyambenyambe yoyose yokala kumwenu yahamulava nhambiko mwanage yoyose kwa mulungu Moleki, kolondeka yakomwigwe. Wanhu wose wezamtowa na mabwe.

Walawi 20:2 Referans Kwoze

Kumbukumbu 21:21

Maabaho walume wose wa bululu ijo wezamtowa na mabwe mbaka yadanganike. Ivo mwizasegeza wihi kumwenu. Chila munhu muna iisi ya Isilaili kezahulika mbuli iyo na kezadumba.

Walawi 24:23

Musa kawalongela Waisilaili mbuli izo zose. Wamulava kunze ya lago munhu ija yamduwile Mndewa Mulungu na wamkoma kwa kumtowa na mabwe. Waisilaili watenda fana Mndewa Mulungu viyamulagilize Musa.

Walawi 24:14

“Mulave kunze ya lago munhu iyo yaduwile, wanhu wose wowamuhulike viyoduwila weke makono yawo uchanyha ya ditwi jake, waleke wanhu wose wamkome kwa kumtowa na mabwe.

Walawi 20:27

“ ‘Mulume hebu muke yoyose yolonga na mizimu hebu muhawi, kolondeka yakomigwe kwa kutowigwa na mabwe. Wose wana ubananzi wouwalonda wakomigwe.’ ”

Walawi 18:21

“Sekeumulave mwanago yoyose kuwa nhambiko kwa mulungu Moleki, kwaviya uhatenda ivo kodiliga zina jangu, niye Mulungu wako. Niye niiyo Mndewa Mulungu, Mulungu wako.

Sang'hano 7:43

Mweye muchipape chizewe cha mulungu Moleki, na nyang'hiti ya nhondo ya mulungu wenu Lefani, nyang'hiti zimtendile izo zimtosela. Na ivo nizamtumani muhite kutali kufosa Babeli.’

Kumbukumbu 18:10

Sekekuwe na munhu yoyose vimwili yomtimbula muna umoto mwanage wa chilume hebu wa chike kuwa nhambiko, hebu mulaguzi hebu munhu yotowa lamuli hebu munhu yotowa bawo,

Kumbukumbu 12:31

Sekemumtambikile Mndewa Mulungu, Mulungu wenu fana wawo viwotambikila milungu yawo, kwaviya chila chinhu cha kutibusa chiya hachilonda Mndewa Mulungu, waitendela milungu yawo, mbaka wawatimbula muna umoto wana wawo wachilume na wachike muladi kutambikila milungu yawo.

Walawi 17:15

“Munhu yoyose yawe mkaya hebu nyambenyambe, yoja chochose chifile chenyewo hebu chikomigwe na mnyama wa kumbago, munhu iyo kolondeka yafuwe viwalo vake na yoge, nayo kezakwambula mwiko mbaka ichigulogulo. Maabaho kezakuwa kasafyigwa.

Walawi 17:13

“Muisilaili yoyose hebu nyambenyambe yokala kumwenu yoyosaka mnyama hebu ndege yodigwa, kolondeka yetile damu hasi na yaisilize na msanga,

Walawi 17:8

“Walongele kuwa Muisilaili yoyose hebu nyambenyambe yokala kumwawo, yolava nhambiko ya kutimbula hebu nhambiko imwenga,

Walawi 20:1

Mndewa Mulungu kamulongela Musa,

Walawi 24:16

Munhu yoyose mkaya hebu nyambenyambe yodiliga zina da Mndewa Mulungu, wanhu wose wezamkoma kwa kumtowa na mabwe.

Kumbukumbu 17:2

“One muhahulika muna dibululu dimwe mwa mabululu yenu kuwa kauko mulume hebu muke yotenda wihi haulongozi wa Mndewa Mulungu, Mulungu wenu, na kubena lagano jake,

Kumbukumbu 22:21

wezamgala kunze ya lwivi lwa kaye ya tati yake, walume wa bululu jake wezamtowa na mabwe mbaka yadanganike. Kwaviya kaiguma chinyala isi ya Isilaili kwa kugona na mulume yang'hali hanasoligwa, kuno yang'hali kokala muna ikaye ya tati yake. Kwa kutenda ivo mwizasegeza wihi kumwenu.