Walawi 2:12 - Biblia Ching'hwele

¹² Kodaha kumgalila nhosa Mndewa Mulungu vinhu vako viwanduse kugobola. Mbali havizalavigwa muna ulupango fana mnung'ho wa kumnogeza Mndewa Mulungu.

Walawi 2:12 Referans Kwoze

Kulawa 23:19

“Ndiya ya mwanduso ya isi yako kwizaigala kuna ikaye ya Mndewa Mulungu, Mulungu wako. “Sekeumkimuse mwanaluti muna yamatombo ya mami yake.

Lugubulo 14:4

Wanhu wano wawo waja hawanaibandama na wanaake ng'o, kwaviya waika goya. Wano wawo womsondelela Mwanang'hondolo chila hoyohita. Wano wawo wowakomboligwe hagati ya wanhu muladi wawe fana nhosa ya malimbulo kwa Mulungu na kwa Mwanang'hondolo.

Kumbukumbu 26:10

Sambi nomulavila Mndewa Mulungu vinhu vangu va mwanduso kugobola muna iisi iyaning'hile.’ “Maabaho ika ichisege haulongozi ha Mndewa Mulungu, Mulungu wako na utumbale mavindi haulongozi hake.

Peta 15:20

Vondamoke magate ya mwanduso ya usage wa mhule zenu za mwanduso, wizalavigwa fana mhule ya hanhu ha kuhwagila mhule.

Walawi 23:10

“Walongele Waisilaili, ‘Vondamwingile muna iisi yondanimwing'heni na kugobola vinhu vihandigwe umo, mwizamgalila mkulu wa nhambiko mganda wa mwanduso kugobola.

Walawi 7:13

Hamwe na nhambiko yake iyo ya tindiwalo ya kumwing'ha hewela Mulungu, kezagala magate yoyagumigwe lusu.

Kulawa 22:29

“Sekeukalame kulava nhosa mvunyo kulawa muna yamalimbulo ya mavuno yako na malimbulo ya divai yako. Mwizaning'ha wanenu waudele wa chilume.

Mwanduso 23:17

Ivo mgunda wa Efiloni uli uko Makipela habehi na Mamule, tuka dodikalile umo muungunda na mibiki yose ikalile hamwe na mwela wose diwa jake

1 Wakolimso 15:20

Mbali Chilisito kweli kazilibuka, wamwanduso wawo kwa waja wagonile muna iifa.

Kulawa 34:22

“Tenda Dugila da Majuma kwa kuhuna ngano yako mwanduso, na Dugila da Kuduganya Vinhu Vimugobole kuuhelelo wa mwaka.

Walawi 23:17

Chila kaye wezagala magate maidi ya nhambiko ya kwinula uchanyha kwa chilaguso haulongozi hangu niye Mndewa Mulungu. Gate dolondeka diumbigwe kwa chilo mbili za usage unogile ugumigwe lusu. Gate ijo mwizanilavila niye Mndewa Mulungu diwe nhosa ya vinhu va mwanduso kugobola.

Peta 18:12

“Nokwing'ha vinhu vose vinogile va mwanduso kugobola va Waisilaeli vowonilavila niye Mndewa Mulungu, mavuta yanogile na divai na mhule.