Walawi 1:3 - Biblia Ching'hwele

³ “ ‘One nhambiko iyo iyolava munhu ni ya kutimbula, kezasagula ng'ombe mulume yelibule chilema, kezamulavila Mndewa Mulungu haulongozi ha ihanhu ha kwingilila muna dihema da Mulungu muladi yapate kutogoligwa na Mndewa Mulungu.

Walawi 1:3 Referans Kwoze

Kumbukumbu 15:21

Mbali mnyama iyo yahawa mbetembete hebu chipofu hebu chilema chochose, sekeumulave nhambiko kwa Mndewa Mulungu, Mulungu wako.

Waebulaniya 9:14

Mbali Chilisito mulopozi kailava mwenyewo kwa Mulungu yawe nhosa ifaya kwa ludabwa lwa Muhe wa Mulungu wa siku zose. Vino damu yake haidaha kusafya ng'hani umanyi wetu wa uhasanyi wetu na kuchilopola muna zisang'hano zetu hazifaya na kuchitenda chimsang'hanile Mulungu yeli mgima?

Kulawa 12:5

Sagula bebelu kulawa mwa ng'hondolo hebu mwa luti. Diwe da mwaka umwe na dilibule chilema chochose.

Waefeso 5:27

muladi yaigalile mwenyewo wahuwila weli na ukulu, wahuwila welibule chinhu chihile hebu uvwizi hebu kuikonyakonya, mbali wawe welile na welibule ubananzi.

Kumbukumbu 17:1

“Sekemumulavile Mndewa Mulungu, Mulungu wenu, nhambiko ya ng'ombe hebu ng'hondolo yeli na chilema chochose, kwaviya mbuli iyo yomtenda Mndewa Mulungu, Mulungu wenu yehilwe.

Waebulaniya 7:26

Ihawile mbuli ya kufaya ng'hani kumwetu kuwa na mkulu wa nhambiko digogogo fana ino yelile, yelibule ubananzi hebu uhasanyi, kabaguligwa kwa wahasanyi, nayo kenuligwa uchanyha ng'hani kuulanga.

Waefeso 2:18

Ivo kwa nzila ya Chilisito, cheye wose, Wayahudi na wanhu weli siyo Wayahudi sambi china ulegeho wa kumuhitila Tata kwa Muhe imwe Yelile.

Mwanduso 22:8

Bulahimu kamwidika, “Mulungu mwenyewo kezaning'ha ng'hondolo wa nhambiko ya kutimbula.” Wawo waidi wagendelela na umwanza.

Yohana 1:36

Viyamuwone Yesu kofosa, kalonga, “Loleni! Mwanang'hondolo wa Mulungu!”

2 Wakolimso 9:7

chila munhu kolondeka yalave fana viyalamule muna umoyo wake, si kwa usungu wala si kwa kuwangilizigwa. Kwaviya Mulungu konogelwa na chila munhu yolava kwa deng'ho.

Peta 29:13

Mwizalava nhambiko ya kutimbula kwa moto ili na mnung'ho unogile wa kumnogeza Mndewa Mulungu, madang'ang'a malume longo na matatu na mabebelu ya ng'hondolo maidi na wanang'hondolo longo na wane weli na mwaka umwe, wose sekewawe na chilema.

Walawi 3:1

“ ‘One munhu yoyose yahalava ng'ombe wake fana nhambiko ya tindiwalo haulongozi ha Mndewa Mulungu, yalave ng'ombe lume hebu zike. Mnyama iyo sekeyawe na chilema.

Kulawa 24:5

Maabaho kawatuma wabwanga wa Waisilaili wamulavile Mndewa Mulungu nhambiko za kutimbula na nhambiko za tindiwalo za ng'ombe lume.

Mwanduso 22:13

Bulahimu kenula meso na kawona bebelu da ng'hondolo dinamata mhembe zake kuna ichisolo, Bulahimu kahita na kamsola, kamulava nhambiko ya kutimbula badala ya mwanage.

Yohana 10:9

Niye ni lwivi. Munhu yoyose yoyokwingila kufosela niye kezakomboligwa. Kezakwingila na kulawa kuzahila ndiya.

Luka 1:35

Msenga wa kuulanga ija kamwidika, “Muhe Yelile kezakuhulumukila, na udahi wa Mulungu yeli Uchanyha Ng'hani lwa Mulungu lwizakugubika. Kwa ichimu chino Mwana Yelile yondayelekwe kezatangigwa Mwana wa Mulungu.

Kulawa 32:6

Igolo yake wanhu waidawa walava nhambiko za kutimbula na nhambiko za tindiwalo. Wanhu wakala hasi kuja na kung'wa, maabaho wema na kuvina.

Kulawa 29:42

“Nhambiko ino ya kutimbuligwa izalavigwa siku zose, welesi mbaka welesi, haulongozi hangu niye Mndewa Mulungu, haulongozi ha hanhu ha kwingilila muna dihema da Mulungu hondaniiting'hane na kulonga na mweye.

Kulawa 29:18

Maabaho kwizatimbula bebelu da ng'hondolo ijo jose uchanyha ya lupango muladi kunilavila nhambiko ya kutimbuligwa, mnung'ho wa nhambiko yoitimbuligwa izaninogeza niye Mndewa Mulungu.

Mwanduso 22:2

Mulungu kamulongela, “Umsole Isaka mwanago nyachende youmulonda na uhite mbaka isi ya Moliya na umulave nhosa ya kutimbuligwa muna mulima uja wondanikulongele.”

Mwanduso 8:20

Nuhu kamzengela Mndewa Mulungu lupango, kalava nhambiko wanyama wamwenga wodigwa na ndege wodigwa, kamtimbulila Mulungu mchanyha ya ulupango.

Peta 23:3

Maabaho Balaamu kamulongela Balaki, “Ima hano habehi na nhambiko yako, niye nisegele. Huwenda Mndewa Mulungu kezaiting'hana na niye. Chochose chondayanilagusile nizakwiza kukulongela.” Ivo kahita yaidumwe kuna inhembeti ya mulima.

2 Wakolimso 8:12

Kwaviya munhu one yahawa na moyo wa kulava kwa makono maidi, Mulungu kohokela chiya chiyeli nacho, halola chiya chilihabule.

Yohana 10:7

Maabaho Yesu kawalongela kaidi, “Nowalongela kweli, niye ni ulwivi wa ng'hondolo.

Peta 23:19

Mulungu siyo munhu, mbaka yalonge uvwizi, hebu siyo mwana wa munhu, mbaka yagalule magesa yake. Vino kodaha kulaganila chochose na sekeyachitende, hebu kulonga chinhu na sekeyachifikize?

Walawi 17:9

mbali haigala hana ihanhu ha kwingilila muna dihema da Mulungu muladi kumulavila Mndewa Mulungu, munhu iyo kezabaguligwa mwa wanhu wake.

Walawi 4:23

Vondayaumanye uhasanyi uyatendile, kolondeka yagale nhambiko yake ya bebelu da luti dilibule chilema.

Kulawa 35:5

Soleni nhosa ya kumwing'ha Mndewa Mulungu muna ivinhu venu. Chila munhu yeli na moyo unogile kezamgalila Mndewa Mulungu nhosa ya zahabu na hela na shaba,

Kulawa 29:4

“Maabaho wagale Haluni na wanage wa chilume mbaka hana dihema da Mulungu na uwanave na mazi.

Walawi 17:4

bila kumgala mnyama iyo hana ihanhu ha kwingilila muna dihema da Mulungu muladi kumulavila Mndewa Mulungu. Munhu iyo kokuwa kabananga kwa kwiitila damu, ketila damu na kezabaguligwa mwa wanhu wake.

Walawi 16:7

Maabaho yasole yaja mabebelu maidi ya luti na kuyagala haulongozi ha Mndewa Mulungu hana ihanhu ha kwingilila muna dihema da Mulungu.

Walawi 8:21

Utumbo na migong'ho vivikomelezeke kusunhigwa, Musa kamtimbula ng'hondolo wose mchanyha ya lupango fana nhambiko ya kutimbula. Iyo ni nhambiko yoilavigwa kwa moto, ili na mnung'ho wa kumnogeza Mndewa Mulungu, fana Mndewa Mulungu viyamulagilize Musa.

Walawi 8:18

Maabaho Musa kagala bebelu da ng'hondolo da nhambiko ya kutimbula. Haluni na wanage wa chilume weka makono yawo mchanyha ya ditwi da ng'hondolo iyo.

Walawi 7:16

“Mbali one nhambiko iyo ya tindiwalo ni ya chilaho hebu ya kulonda mwenyewo, izadigwa siku ija iyolava nhambiko yake. Yondaisigale izadigwa igolo yake.

Kulawa 38:1

Kazenga lupango lwa kutimbulila nhambiko kwa mibiki ya mkenge. Utali na ugalamu wa lupango ulo viilinga, mita mbili na lobo kwa mita imwe na lobo, na utali wake mita mbili na lobo.

Kulawa 36:3

Wahokela kulawa kwa Musa vinhu vose vilavigwe na Waisilaili kwa ichimu cha sang'hano za hema da Mulungu. Wanhu wagendelela kumgalila Musa nhambiko zawo chila imitondo kwa kulonda wenyewo.

Kulawa 35:29

Waisilaili wose walume kwa wanaake, wowalondile muna umoyo wawo kugala chinhu chochose kwa kusang'hana usang'hano uja Mndewa Mulungu uyamulagilize Musa usang'hanike, wagala vinhu ivo kuwa nhambiko ya kulonda wenyewo kwa Mndewa Mulungu.

Kulawa 35:21

na chila munhu moyo wake womulonda kumtendela yeze na kumgalila nhosa Mndewa Mulungu kwa ichimu cha hema da Mulungu na kwa ichimu cha usang'hano wa hema ijo, na kwa mawalo yayo yelile ya ukulu wa nhambiko.

Peta 23:30

Balaki katenda fana viyalongile Balaamu, kalava ng'ombe lume na bebelu da ng'hondolo uchanyha ya chila lupango.

Kumbukumbu 12:27

Laveni nhambiko zenu za kutimbula na nyama na damu kuna ulupango lwa Mndewa Mulungu, Mulungu wenu. Damu ya mnyama mwizaigidila kuna uupango lwa Mndewa Mulungu, Mulungu wenu, mbali motogoleligwa kuja nyama.

Peta 23:27

Balaki kamulongela Balaamu, “Izo nikugale hanhu hamwenga. Huwenda Mndewa Mulungu kezanogelwa uniduwilile wanhu wawo kulawa uko.”

Walawi 1:10

“ ‘One munhu yahalava nhambiko yake ya kutimbula ya ng'hondolo hebu luti kulawa muna dibumbila jake, kolondeka yalave bebelu dilibule chilema.

Walawi 4:15

Walala wa wanhu wezakwika makono yawo mchanyha ya ditwi da dang'ang'a da ijo, maabaho dizachinjigwa haulongozi ha Mndewa Mulungu.

Walawi 6:8

Mndewa Mulungu kamulongela Musa,

Walawi 17:8

“Walongele kuwa Muisilaili yoyose hebu nyambenyambe yokala kumwawo, yolava nhambiko ya kutimbula hebu nhambiko imwenga,

Peta 15:3

muhanilavila niye Mndewa Mulungu nhambiko kulawa muna iwang'ombe wenu hebu ng'hondolo wenu, nhambiko ya kutimbula hebu nhambiko kwa moto, muladi kufikiza chilaho, hebu iwe nhambiko ya kulonda wenyewo, hebu muna zinhambiko za madugila yenu yapangigwe, muladi kumtendela Mndewa Mulungu mnung'ho unogile.

Peta 15:8

“ ‘Vondamusasale ng'ombe lume kwa nhambiko ya kutimbula hebu nhambiko imwenga kwa ichimu cha kufikiza chilaho hebu kwa nhambiko za tindiwalo kwa Mndewa Mulungu,

Walawi 4:3

“ ‘One mkulu wa nhambiko digogogo yoyahakigwe mavuta iyo yotenda uhasanyi na kuwatenda wanhu wawe na ubananzi, iyo kezamulavila Mndewa Mulungu dang'ang'a lume da ng'ombe dilibule chilema diwe nhambiko ya uhasanyi.

Walawi 4:32

“ ‘One munhu iyo yahagala mwanang'hondolo kuwa nhambiko ya uhasanyi, mwanang'hondolo iyo kolondeka yawe zike dilibule chilema.

Walawi 5:15

“One munhu yoyose yahatenda uhasanyi bila kuilunga kwa kuleka kulava vinhu velile viyolaviligwa Mndewa Mulungu, kezamgalila Mndewa Mulungu bebelu da ng'hondolo dilibule chilema kulawa muna dibumbila. Bebelu da ng'hondolo dizalingigwa kwa kulinganyiza na ningo ya hema da Mulungu. Iyo ni nhambiko ya ubananzi.

Walawi 5:18

Kezamgalila mkulu wa nhambiko bebelu da ng'hondolo dilibule chilema kulawa muna dibumbila dili na galama inogile kwa nhambiko ya ubananzi. Mkulu wa nhambiko kezamtendela kuilumba kwa ubananzi uyatendile bila kuilunga, nayo kezalekelelwa.

Walawi 6:2

“One munhu yoyose yahatenda uhasanyi na kumuleka Mndewa Mulungu kwa kumvwizila miyage kwa limangwe yoyekiligwe, hebu kumuhoka, hebu kumbamanya miyage,

Walawi 9:2

Musa kamulongela Haluni, “Sola dang'ang'a lume da ng'ombe kwa ichimu cha nhambiko ya uhasanyi na bebelu da ng'hondolo kwa ichimu cha nhambiko ya kutimbula, wanyama wose welibule chilema, maabaho walave nhambiko haulongozi ha Mndewa Mulungu.

Walawi 14:10

“Siku yenane kezagala wanang'hondolo walume waidi welibule chilema na zike da ng'hondolo dimwe da mwaka umwe dilibule chilema na chilo nhatu za usage unogile wouhanganyigwe na mavuta kwa ichimu cha nhosa ya mhule, hamwe na mavuta selusi imwe ya lita.

Walawi 23:12

Siku iyo vondauvinule uchanyha kuwa chilaguso cha kulava mganda haulongozi wangu, niye Mndewa Mulungu, kwizalava nhambiko ya kutimbula ya mwanang'hondolo mulume wa mwaka umwe yelibule chilema,

Walawi 23:18

Iviya mwizalava wanang'hondolo walume saba wa mwaka umwe, welibule chilema, dang'ang'a lume da ng'ombe, mabebelu ya ng'hondolo maidi. Wanyama wawo wezakuwa nhambiko ya kutimbula, hamwe na nhosa za mhule na nhosa za ving'waji zizalavigwa kwa moto. Minung'ho inogile ya nhambiko izo izaninogeza niye Mndewa Mulungu.

Peta 19:2

“Dino ni lagilizo doyalagilize Mndewa Mulungu. Walongele wanhu wa Isilaili wawagalileni ng'ombe muke mdung'hu yelibule chilema chochose na yang'hali kufungigwa nila

Peta 28:11

“Chila mwanduso wa mwezi, mwizamgalila Mndewa Mulungu nhambiko ya kutimbula. Madang'ang'a malume maidi na mabebelu ya ng'hondolo saba na wanang'hondolo walume saba weli na mwaka umwe, wose sekewawe na chilema.

Peta 28:19

Mwizalava nhambiko ya kutimbula kwa Mndewa Mulungu kwa moto, madang'ang'a malume maidi na bebelu da ng'hondolo na wanang'hondolo walume saba weli na mwaka umwe, wose sekewawe na chilema,

Peta 28:31

Iviya mwizalava nhambiko iyo ya kutimbula ya chila siku hamwe na nhosa yake ya ching'waji. Wanyama wose sekewawe na chilema.

Peta 29:2

Mwizalava nhambiko ya kutimbula ili na mnung'ho unogile wa kumnogeza Mndewa Mulungu, dang'ang'a lume na bebelu da ng'hondolo na wanang'hondolo walume saba weli na mwaka umwe, wose sekewawe na chilema.